ឥណ្ឌូណេស៊ីទទួលឧបករណ៍តេស្តជម្ងឺកូវីដ១៩ពីប្រទេសវៀតណាម

ឥណ្ឌូណេស៊ីទទួលឧបករណ៍តេស្តជម្ងឺកូវីដ១៩ពីប្រទេសវៀតណាម (រូបថត៖ vov.vn)

ក្រសួងវិទ្យាសាស្ត្រនិងបច្ចេកវិទ្យាវៀតណាម បានប្រគល់ឧបករណ៍ធ្វើតេស្ត វីរុស SARS-COV-2 ដល់ប្រទេសឥណ្ឌូណេស៊ី ដែលជាអំណោយទាននៃចំណងមិត្តភាព ដោយបង្ហាញពីការប្តេជ្ញាចិត្តរួមគ្នាក្នុងការទប់ស្កាត់ជំងឺរាតត្បាតសកលកូវីដ១៩ ។ ឧបករណ៍ធ្វើតេស្តិ៍វីរុស SARS-COV-2 ត្រូវបានវៀតណាមស្រាវជ្រាវនិង ផលិត ហើយដឹកជញ្ជូនតាមផ្លូវអាកាសទៅកាន់ប្រទេសឥណ្ឌូនេស៊ីនាថ្ងៃទី ៥ ខែមេសា បន្ទាប់មកត្រូវបានបញ្ជូនភ្លាមៗដល់បន្ទប់ពិសោធន៍ស្រាវជ្រាវជំងឺឆ្លងនៅឯមជ្ឈមណ្ឌលទៅក្រុងហ្សាកាតាផងដែរ។

ឧបករណ៍ធ្វើតេស្តទាំងនេះ មានឈ្មោះពេញថា Light Power IVASARS-CoV-2 1RT-rPCR (VA.A02-055H) ផលិតដោយក្រុមហ៊ុន Viet A ដែលមានគុណសម្បត្តិ ក្នុងការចេញលទ្ធផលត្រឹមត្រូវបន្ទាប់ពីធ្វើតេស្តតែម្តងក្នុងរយៈពេល ៦០ នាទីតែប៉ុណ្ណោះ ហើយអាចប្រើជាមួយឧបករណ៍ PCR ដែលសមស្របផងដែរ។ នាបច្ចុប្បន្នឥណ្ឌូនេស៊ីបានកត់ត្រាករណីឆ្លងជំងឺកូវីដ១៩មានចំនួន ២,៤៩១ ករណី ក្នងនោះអ្នកបាត់បង់ជីវិតមានចំនួន ២០៩ នាក់៕

（បកប្រែដោយ ហេង វុធ្ធី）

（ប្រភពព័ត៌មាន: vov）

（បកប្រែដោយ ហេង វុធ្ធី）