យុគសម័យ - នាព្រឹកថ្ងៃទី ១៦ ខែតុលា នៅទីក្រុងហាណូយ ក្រសួងឧស្សាហកម្មនិងពាណិជ្ជកម្មបានប្រារព្ធសម័យប្រជុំលើកទី ៤ នៃអនុគណៈកម្មការពាណិជ្ជកម្មចម្រុះវៀតណាម - អាហ្វ្រិកខាងត្បូងក្រោមសហអធិបតីភាពរបស់អនុរដ្ឋមន្រ្តីក្រសួងឧស្សាហកម្មនិងពាណិជ្ជកម្មលោក Cao Quoc Hung និងអនុរដ្ឋមន្រ្តីក្រសួងឧស្សាហកម្មនិងពាណិជ្ជកម្មអាហ្រ្វិកខាងត្បូង លោក Fikile Majola ដើម្បីរួមចំណែកលើកកម្ពស់កិច្ចសហប្រតិបត្តិការ សេដ្ឋកិច្ច និងពាណិជ្ជកម្មរវាងប្រទេសទាំងពីរ។
វៀតណាម - អាហ្វ្រិកខាងត្បូងជំរុញកិច្ចសហប្រតិបត្តិការលើចិស័យសេដ្ឋកិច្ចនិងពាណិជ្ជកម្ម (រូបថត៖ tapchithongtindoingoai.vn)
ថ្លែងនៅក្នុងកិច្ចប្រជុំនោះ អនុរដ្ឋមន្ត្រី Cao Quoc Hung បានវាយតម្លៃខ្ពស់និងថ្លែងអំណរគុណដល់ភាគីអាហ្វ្រិកខាងត្បូងដែលបានជួយគាំទ្រគណៈប្រតិភូជំរុញពាណិជ្ជកម្មរបស់វៀតណាម ដើម្បីចូលរួមពិព័រណ៍ពាណិជ្ជកម្មនិងសិក្ខាសាលាពាណិជ្ជកម្ម។ លោក Cao Quoc Hung បានបន្តទៀតថាវៀតណាមនិងអាហ្វ្រិកខាងត្បូងទោះបីជាមានភាពស្រដៀងគ្នាជាច្រើននៅក្នុងផលិតកម្មកសិកម្មក៏ដោយ ក៏ប៉ុន្តែវានៅតែមានចំណុចខ្លាំងដោយឡែកដែលអាចបំពេញបន្ថែមជាមួយគ្នាទៅវិញទៅមកជាពិសេសអាចបង្កើនកិច្ចសហប្រតិបត្តិការក្នុងវិស័យពាណិជ្ជកម្មកសិផល។ ហេតុដូច្នេះនាពេលខាងមុខ អាហ្វ្រិកខាងត្បូងនឹងបើកទ្វារសម្រាប់កសិផលវៀតណាមឲ្យបានឆាប់ៗ ដើម្បី នាំចូលដល់ទីផ្សារអាហ្រ្វិកខាងត្បូង ជាជាក់ស្តែងគឺសាច់មាន់ដែលបានច្នៃរួច ទឹកឃ្មុំ និងទឹកដោះគោបន្ទាប់មកគឺផលិតផលផ្លែឈើ ដូចជាផ្លែស្រកានាគ ផ្លែសាវម៉ាវ និងផ្លែទឹកដោះគោជាដើម ។
រីឯខ្លួនវិញ អនុរដ្ឋមន្រ្តីឧស្សាហកម្មនិងពាណិជ្ជកម្មអាហ្វ្រិកខាងត្បូងលោក Fikile Majola បានអះអាងថាអាហ្វ្រិកខាងត្បូងចាត់ទុកវៀតណាមជាដៃគូសំខាន់នៅអាស៊ីអាគ្នេយ៍និងស្នើឱ្យភាគីទាំងពីរបន្តសហការយ៉ាងជិតស្និទថែមទៀតក្នុងការអនុវត្តវិធានការណ៍នានាដើម្បីជំរុញទំនាក់ទំនងមិត្តភាពនិងកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្មនិងវិនិយោគផងដែរ៕(ហេង វុធ្ធី)
(ប្រភពព័ត៌មាន: tapchithongtindoingoai.vn)
មតិពីមិត្តអ្នកអាន