យុកសម័យ -នៅព្រឹកថ្ងៃទី ៨ ខែកញ្ញានេះ លោកនាយឧត្តមសេនីយ៍ Ngo Xuan Lich សមាជិកការិយាល័យនយោបាយ អនុលេខាធិការនៃគណៈកម្មាធិការយោធាមជ្ឈិមនិងជារដ្ឋមន្រ្តីក្រសួងការពារប្រទេសបានជួបសន្ទនាតាមទូរស័ព្ទ ជាមួយសម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ។
សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ បានជួបសន្ទានា តាមទូរស័ព្ទ ជាមួយលោកនាយឧត្តមសេនីយ៍ Ngo Xuan Lich រដ្ឋមន្រ្តីក្រសួងការពារប្រទេស (រូបថត៖ freshnews)
ក្នុងកិច្ចសន្ទនានេះ សម្តេចពិជ័យសេនា ទៀ បាញ់ ឧបនាយករដ្ឋមន្រ្តីរដ្ឋមន្រ្តីក្រសួងការពារជាតិ បានផ្ញើសារសួរសុខទុក្ខជូនចំពោះលោកនាយករដ្ឋមន្រ្តី Nguyen Xuan Phuc ហើយក្នុងពេលជាមួយគ្នានេះ បានវាយតម្លៃខ្ពស់ចំពោះក្រសួងការពារប្រទេស វៀតណាមដែលបានរៀបចំកិច្ចសន្ទនា តាមរយៈទូរស័ព្ទ ដោយបង្ហាញពីភាពសកម្មនិងទាន់ពេលវេលា នៅក្នុងបរិបទការរីករាលដាលនៃជំងឺ Covid-19 មានឥទ្ធិពលយ៉ាងខ្លាំងលើពិភពលោក។
សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិក៏បានបញ្ជាក់ពីសារៈសំខាន់នៃទំនាក់ទំនងរវាងកម្ពុជានិងវៀតណាម។ សូមថ្លែងអំណរគុណដល់ក្រសួងការពារប្រទេស វៀតណាមនិងអង្គភាពនានានៃកងទ័ពប្រជាជនវៀតណាមដែលបានជួយគាំទ្រដល់កងយោធពលខេមរភូមិន្ទលើវិស័យជាច្រើន រួមទាំង ការចែករំលែកបទពិសោធន៍ឱ្យបានទាន់ពេលវេលា ការបរិច្ចាកគ្រឿងបរិក្ខារពេទ្យ ដើម្បីប្រយុទ្ធប្រឆាំងនិងការពារជំងឺ Covid-19 អបអរសាទរក្រសួងការពារប្រទេសវៀតណាម ក្នុងស្ថានភាពស្មុគស្មាញនៃការរីករាលដាលនៃ Covid-19 ប៉ុន្តែបានរៀបចំបណ្តាកិច្ចប្រជុំយោធា - ការពារជាតិ ប្រកបដោយជោគជ័យក្នុងរយៈពេលមួយឆ្នាំកន្លងមកដែលប្រទេសវៀតណាមទទួលតំណែងជាប្រធានអាស៊ាន ២០២០ ។
សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិបានថ្លែងអំណរគុណដល់ក្រសួងការពារប្រទេសវៀតណាមដែលបានសម្របសម្រួលរៀបចំប្រកបដោយជោគជ័យនូវសកម្មភាពអបអរសាទរខួប ៤៣ ឆ្នាំនៃ “ ផ្លូវឆ្ពោះទៅកាន់ផ្តួលរំលំរបបប្រល័យពូជសាសន៍ប៉ុលពត” នៅខេត្ត Binh Phuoc កាលពីខែ មិថុនា ឆ្នាំ ២០២០ ។ ទន្ទឹមនឹងនេះ ភាគីទាំងពីរបានចាត់ទុកនេះ គឺជាសកម្មភាពដែលមានអត្ថន័យនយោបាយយ៉ាងជ្រាលជ្រៅហើយនឹងបន្តរក្សាជារៀងរាល់ឆ្នាំ។
លោកនាយឧត្តមសេនីយ៍និងរដ្ឋមន្រ្តីក្រសួងការពារប្រទេស Ngo Xuan Lich បានជួបសន្ទនា តាមរយៈទូរស័ព្ទ ជាមួយសម្តេចពិជ័យសេនា ទៀបាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ (រូបថត៖ VOV)
រីឯ លោកនាយឧត្តមសេនីយ៍ Ngo Xuan Lich រដ្ឋមន្រ្តីក្រសួងការពារប្រទេសវៀតណាមក៏បានបញ្ជាក់ផងដែរថា វៀតណាមយកចិត្តទុកដាក់យ៉ាងខ្លាំងចំពោះចំណងមិត្តភាពជាប្រពៃណីនិងកិច្ចសហប្រតិបត្តិការលើគ្រប់ជ្រុងជ្រោយជាមួយកម្ពុជា។ បានបញ្ជាក់ថាក្រសួងការពារប្រទេសបានត្រៀមខ្លួនជាស្រេច ដើម្បីបន្តចែករំលែកបទពិសោធន៍និងជួយគាំទ្រ ដើម្បីកាត់បន្ថយផលប៉ះពាល់នៃការរាតត្បាត Covid-19 និងរួមចំណែកក្នុងការកសាងសមត្ថភាពសម្រាប់កងយោធពលខេមរភូមិន្ទ។
ទាក់ទងនឹងកិច្ចសហប្រតិបត្តិការការពារជាតិរវាងប្រទេសទាំងពីរ ភាគីទាំងពីរបានវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការរវាងក្រសួងការពារជាតិទាំងពីរ ចាប់តាំងពីដើមឆ្នាំរហូតមកដល់ពេលនេះ។ ជាពិសេសនៅក្នុងបរិបទនៃការរីករាលដាលនៃជំងឺ Covid-19 មានភាពស្មុគស្មាញ ប៉ុន្តែក្រសួងការពារជាតិទាំងពីរបានដាក់ចេញផែនការសហប្រតិបត្តិការ ក្នុងឆ្នាំ ២០២០ ប្រកបដោយមានប្រសិទ្ធភាព ជាពិសេសគឺការជួយគាំទ្រឱ្យបានទាន់ពេលវេលាក្នុងនោះ មានការចែករំលែកបទពិសោធន៍និងគាំទ្រគ្នាទៅវិញទៅមក ការបរិច្ចាកបរិក្ខារពេទ្យ។ នេះបង្ហាញពីភាពសកម្ម ភាពរហ័សទាន់ពេលវេលានិងភាពបត់បែនរបស់ក្រសួងការពារជាតិទាំងពីរ នៅពេលប្រឈមមុខនឹងស្ថានភាពថ្មី ក៏ដូចជាការប្តេជ្ញាចិត្តរបស់ភាគីទាំងពីរមិនឱ្យ Covid-19 ប៉ះពាល់ដល់កិច្ចសហប្រតិបត្តិការលើវិស័យការពារជាតិនៃភាគីទាំងពីរ។
ទាក់ទងនឹងទិសដៅនៃកិច្ចសហប្រតិបត្តិការ នាពេលអនាគតភាគីទាំងពីរបានឯកភាពបន្តអនុវត្តខ្លឹមសារដែលបានឯកភាពដោយថ្នាក់ដឹកនាំក្រសួងការពារជាតិនៃប្រទេសទាំងពីរ ក្នុងនោះពង្រឹងនិងលើកកំពស់ប្រសិទ្ធភាពនៃយន្តការសហប្រតិបត្តិការ។ជាពិសេសគឺយន្តការសន្ទនាគោលនយោបាយការពារជាតិថ្នាក់អនុរដ្ឋមន្រ្តី បន្តស្រាវជ្រាវ លើកកម្ពស់និងធ្វើឲ្យសុក្រិតក្របខ័ណ្ឌកិច្ចសហប្រតិបត្តិការ បង្កើនការសម្របសម្រួលនិងកិច្ចសហប្រតិបត្ដិការរវាងកម្លាំងគ្រប់គ្រងនិងការពារព្រំដែននៃប្រទេសទាំងពីរ ក្នុងការការពារនិងទប់ស្កាត់និងការប្រយុទ្ធប្រឆាំងនឹងឧក្រិដ្ឋកម្មឆ្លងដែន ការរត់ពន្ធ ការជួញដូរនិងការដឹកជញ្ជូនសារធាតុញៀន។ បន្តជំរុញសកម្មភាពល្បាត ត្រួតពិនិត្យព្រំដែនច្រកទ្វារព្រំដែន ផ្លូវលំដើម្បីទប់ស្កាត់នឹងការចូលនិងចេញដោយខុសច្បាប់ទាំងស្រុងដែលរួមចំណែកក្នុងការពារការរីករាលដាលនៃ Covid-19 នៅប្រទេសនិមួយ។
ភាគីទាំងពីរបានសម្តែងការគាំទ្រគ្នាទៅវិញទៅមកលើវេទិកាសហប្រតិបត្តិការការពារជាតិពហុភាគីក្នុងក្របខ័ណ្ឌអាស៊ាន ក៏ដូចជាសម្រាប់យន្តការដែលអាស៊ានដើរតួនាទីស្នូល។ សម្តេចពិជ័យសេនា ទៀ បាញ់ បានអះអាង បន្តគាំទ្រនិងសម្របសម្រួលយ៉ាងជិតស្និទ្ធជាមួយប្រទេសវៀតណាម ក្នុងពេលដែលវៀតណាម ទទួលតំណែងជាប្រធានអាស៊ាន រួមទាំងការរៀបចំប្រកបដោយជោគជ័យនៃសកម្មភាពនាពេលខាងមុខដូចជាកិច្ចប្រជុំបញ្ជាការការពារជាតិអាស៊ាន កិច្ចប្រជុំ ADMM, ADMM + ./ .(បកប្រែដោយឌីណា)
មតិពីមិត្តអ្នកអាន