យុគសម័យ - នាថ្ងៃទី ៦ ខែវិច្ឆិកា នៅខេត្តដុងណាម (វៀតណាម) មហាវិទ្យាល័យនគរបាលប្រជាជន ២ នៃក្រសួងនគរបាលវៀតណាម បានរៀបចំសកម្មភាពឃោសនាអំពីច្បាប់ចរាចរណ៍ផ្លូវគោកសម្រាប់សិក្ខាកាមកម្ពុជាដែលកំពុងសិក្សានៅសាកលវិទ្យាល័យនេះ។
ទិដ្ឋភាពនៃពិធី (រូបថត៖ cand.com.vn)
សាកលវិទ្យាល័យនេះបានសង្ខេបនូវប្រព័ន្ធឯកសារច្បាប់ស្តីពីចរាចរណ៍ផ្លូវគោកនៅប្រទេសវៀតណាម ក៏ដូចជាស្ថានភាពនៃការរំលោភច្បាប់ចរាចរណ៍ផ្លូវគោកជាមូលដ្ឋានសម្រាប់ជនបរទេសនៅ វៀតណាមជាដើម។ គួរបញ្ជាក់ថានេះជាសកម្មភាពជាក់ស្តែងមួយក្របខ័ណ្ឌនៃសកម្មភាពជាច្រើនដើម្បីអនុវត្តការសារលេខិតរបស់ក្រសួងនគរបាលស្តីពីការរៀបចំទិវាច្បាប់នៃសាធារណរដ្ឋសង្គមនិយមវៀតណាមឆ្នាំ ២០១៩ ព្រមទាំងឆ្ពោះទៅអបអរសាទរខួបលើកទី ៦៦ នៃទិវាឯករាជ្យជាតិនៃព្រះរាជាណាចក្រកម្ពុជា(ថ្ងៃទី៩ វិច្ឆិកា ឆ្នាំ១៩៥៣ / ថ្ងៃទី៩ វិច្ឆិកា ឆ្នាំ២០១៩)។
តំណាំងទាំងឡាយថតរូបទុកអនុស្សាវរីយ៍ (រូបថត៖ cand.com.vn)
ម្យ៉ាងវិញទៀត នេះគឺជាឱកាសល្អមួយ ដើម្បីបង្កើនការយល់ដឹងនិងមនសិការរបស់សិក្ខាកាមកម្ពុជាក្នុងការប្រតិបត្តិយ៉ាងតឹងរឹងនូវបទប្បញ្ញត្តិស្តីពីច្បាប់ចរាចរផ្លូវគោកក្នុងពេលសិក្សានៅប្រទេសវៀតណាមផងដែរ៕
(យោងតាម cand.com.vn បកប្រែដោយ ហេង វុធ្ធី)
មតិពីមិត្តអ្នកអាន