យុគសម័យ - នារសៀលថ្ងៃទី ១៩ ខែមីនា នៅទីក្រុងវៀងចន្ទន៍ ឯកអគ្គរដ្ឋទូតវៀតណាមប្រចាំនៅឡាវ លោក Nguyen Ba Hung បានអញ្ជើញជួបពិភាក្សាជាមួយលោកស្រី Sounthone Sayachak សមាជិកគណៈកម្មាធិការកណ្តាលបក្សនិងជាប្រធានគណៈទាក់ទងកណ្តាលបក្សប្រជាជនបដិវត្តឡាវ ក្នុងឱកាសអបអរសារទរខួបលើកទី ៦៥ ឆ្នាំនៃការបង្កើតគណបក្សប្រជាជនឡាវ (២២ មីនា ១៩៥៥ - ២២ មីនា ២០២០)។
ឯកអគ្គរដ្ឋទូតវៀតណាមប្រចាំនៅឡាវ លោក Nguyen Ba Hung បានអញ្ជើញជួបពិភាក្សាជាមួយលោកស្រី Sounthone Sayachak សមាជិកគណៈកម្មាធិការកណ្តាលបក្សនិងជាប្រធានគណៈទាក់ទងកណ្តាលបក្សប្រជាជនបដិវត្តឡាវ (រូបថត៖ vov)
ក្នុងឱកាសនេះ លោកឯកអគ្គរដ្ឋទូត Nguyen Ba Hung បានផ្តល់កន្ត្រកផ្កាអបអរសារទររបស់អគ្គលេខាបក្សប្រធានរដ្ឋវៀតណាម លោក Nguyen Phu Trong ដល់អគ្គលេខាបក្ស ប្រធានរដ្ឋឡាវ លោក Bounnhang Vorachith អតីតប្រធានបក្សអតីតប្រធារដ្ឋ លោក Khamtay Siphandone និងអតីតអគ្គលេខាបក្ស អតីតប្រធានរដ្ឋឡាវលោក Choummaly Sayasone ។
ក្នុងជំនួបនេះ លោកស្រី Sounthone Sayachak បានមានប្រសាសន៍ថា បក្ស រដ្ឋនិងប្រជាជនឡាវបានប្តេជ្ញាថានឹងខិតខំប្រឹងប្រែងឱ្យអស់ពីសមត្ថភាពដើម្បីពង្រឹងនិងពង្រីកចំណងមិត្តភាពដ៏ល្អប្រពៃ សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ ធើម្បីធ្វើឱ្យទំនាក់ទំនងនេះកាន់តែស្អិតរមួត មានប្រសិទ្ធភាព និងនាំមកនូវផលប្រយោជន៍ជាក់ស្តែងដល់ប្រជាជននៃប្រទេសទាំងពីរផងដែរ។
រីឯខ្លួនវិញ លោកឯកអគ្គរដ្ឋទូត Nguyen Ba Hung បានបញ្ជាក់ថាវៀតណាមជានិច្ចកាលគោរពនិងប្រកាន់យ៉ាងខ្ជាប់ខ្ជួនក្នុងការថែរក្សានិងពង្រីកចំណងមិត្តភាពដ៏ល្អប្រពៃ សាមគ្គីភាពពិសេសនិងកិច្ចសហប្រតិបត្តិការគ្រប់ជ្រុងជ្រោយរវាងវៀតណាម - ឡាវ និងឡាវ-វៀតណាមផងដែរ៕（បកប្រែដោយ ហេង វុធ្ធី）
（ប្រភពព័ត៌មាន: vietnamplus.vn）
មតិពីមិត្តអ្នកអាន