យុគសម័យ - នៅខេត្ត An Giang ក្រសួងព័ត៌មាននិងគមនាគមន៍វៀតណាមបានរៀបចំសន្និសីទស្តីពីការបណ្តុះបណ្តាលលើគោលនយោបាយ ច្បាប់និងជំនាញនៃការផ្សព្វផ្សាយច្បាប់អំពីកម្ពុជា។
ប្រតិភូចូលរួមសន្និសីទ។ (ប្រភព៖ cand)
សន្និសីទនេះមានគោលបំណងធ្វើឱ្យប្រសើរឡើងនូវការយល់ដឹងអំពីគោលនយោបាយច្បាប់និងជំនាញវិជ្ជាជីវៈនៃការផ្សព្វផ្សាយច្បាប់និងជំនាញសរសេរអំពីប្រទេសកម្ពុជា ដល់អ្នកដឹកនាំនិងអ្នកជំនាញនៃមន្ទីរព័ត៌មាននិងគមនាគមន៍ ភាគខាងត្បូង និងមន្រ្តីធ្វើការក្នុងការងារព័ត៌មានការបរទេស នៅតាមក្រសួងស្ថាប័ណនានា រួមទាំងមន្ត្រីព័ត៌មានបរទេសនៅតាមខេត្តមួយចំនួនដែលមានព្រំប្រទល់ជាប់នឹងប្រទេសកម្ពុជា។
ខ្លឹមសាររួមអំពីគោលមាគ៌ា គោលនយោបាយកិច្ចការបរទេសរបស់វៀតណាមជាមួយកម្ពុជា។ គោលការណ៍ណែនាំនិងគោលនយោបាយរបស់បក្សនិងរដ្ឋក្នុងស្ថានភាពបច្ចុប្បន្ន។ លើកកម្ពស់រូបភាពច្នៃប្រឌិតថ្មីរបស់វៀតណាម ធ្វើជាមិត្ត ជាដៃគូគួរឱ្យទុកចិត្តរបស់កម្ពុជា ពង្រឹងចំណងមិត្តភាពប្រពៃណី សាមគ្គីភាព កិច្ចសហប្រតិបត្តិការពិសេសនិងគ្រប់ជ្រុងជ្រោយរវាងវៀតណាមនិងកម្ពុជា។
នៅក្នុងសន្និសីទប្រតិភូចូលរួមបានពិភាក្សានិងស្តាប់ដោយផ្ទាល់នូវបញ្ហានៃ “ព័ត៌មានការបរទេសក្នុងស្ថានភាពបច្ចុប្បន្ន ” ដែលបង្ហាញដោយលោក Le Van Nghiem អតីតប្រធានមន្ទីរព័ត៌មានការបរទេស - ក្រសួងព័ត៌មាននិងគមនាគមន៍៕
（ប្រែសម្រូលដោយវិច្ឆិកា）
មតិពីមិត្តអ្នកអាន