លោកស្រីប្រធាន VUFO ទទួលជួបជាមួយឯកអគ្គរដ្ឋទូតហ្វីលីពីនប្រចាំនៅវៀតណាម

ឯកអគ្គរដ្ឋទូត លោក Noel Servigon និងលោកស្រីប្រធាន VUFO Nguyen Phuong Nga

ក្នុងជំនួបនេះ លោក Noel Sergigon បានអបអរសាទរចំពោះដំណែងថ្មីរបស់ លោកស្រី Nguyen Phuong Nga - ប្រធានសម្ព័ន្ធសមាគមបណ្តាអង្គការមិត្តភាពវៀតណាម ហើយលោក Noel Servigon បានជឿជាក់ថា ក្រោមការដឹកនាំរបស់លោកស្រីប្រធាន Nguyen Phuong Nga, VUFO នឹងទទួលបានជោគជ័យជាច្រើនលើផ្លូវអភិវឌ្ឍទំនាក់ទំនងបរទេសរវាងប្រជាជនជាមួយប្រជាជន។

លោក Noel Servigon ក៏បានសម្តែងក្តីរីករាយរបស់លោកដោយបានឃើញថា ក្នុងពេលកន្លងមកទំនាក់ទំនងរវាងប្រទេសទាំងពីរមានជំហានអភិវឌ្ឍថ្មីនិងរឹងមាំជាច្រើន ដែលនាំឱ្យកិច្ចសហប្រតិបត្តិការទ្វេភាគីកាន់តែស៊ីជម្រៅ។

កិច្ចសហប្រតិបត្តិការសេដ្ឋកិច្ចនិងពាណិជ្ជកម្មរវាងប្រទេសទាំងពីរបានកើនឡើងជាបន្តបន្ទាប់។ ទំហំពាណិជ្ជកម្មទ្វេភាគីសរុបបាន កើនឡើងពី ៣,៣ ពាន់លានដុល្លារអាមេរិក (នាឆ្នាំ២០១៦) ដល់ ៤ ពាន់លានដុល្លារអាមេរិក (សម្រាប់ឆ្នាំ២០១៧) ហេតុដូច្នេះ បាននាំប្រទេសហ្វីលីពីនក្លាយជាដៃគូពាណិជ្ជកម្មធំបំផុតទី ៥ របស់វៀតណាមនៅក្នុងអាស៊ាន។

ប្រធាន VUFO លោកស្រី Nguyen Phuong Nga អញ្ជើញថតរូបអនុស្សាវរីយ៍ជាមួយលោកឯកអគ្គរដ្ឋទូតហ្វីលីពីន។

លោកស្រី Nguyen Phuong Nga បានសម្តែងនូវក្តីសប្បាយរីករាយចំពោះមិត្តភាពវៀតណាមនិងហ្វីលីពីនដែលបានអភិវឌ្ឍន៍យ៉ាងល្អប្រសើរ។ លោកស្រីបានឲ្យដឹងថា សមាគមមិត្តភាពវៀតណាមហ្វីលីពីនបានរៀបចំសកម្មភាពដ៏សម្បូរបែបនិងជាក់ស្តែងជាច្រើន ដូច ជា: ផ្តល់ព័ត៌មានទៀងទាត់លើប្រព័ន្ធផ្សព្វផ្សាយព័ត៌មានអំពីការអភិវឌ្ឍទំនាក់ទំនងទ្វេភាគី ជាពិសេសនាឱកាសប្រទេសទាំងពីរប្រារព្ធពិធីបុណ្យទាននានា ដែលរួមចំណែកទៅក្នុងការអភិវឌ្ឍសេដ្ឋកិច្ច វប្បធម៌ រវាងប្រទេសទាំងពីរ ដើម្បីលើកកម្ពស់ការយល់ដឹងគ្នាទៅវិញទៅមក រវាងប្រជាជននៃប្រទេសទាំងពីរផងដែរ។

លោកស្រី Nguyen Phuong Nga បានជឿជាក់ថា ទំនាក់ទំនងវៀតណាម - ហ្វីលីពីននឹងបន្តរីកចម្រើនយ៉ាងល្អ ហើយសង្ឃឹមថា VUFO នឹងរួមចំណែកបន្ថែមទៀតដល់ការអភិវឌ្ឍទំនាក់ទំនងទ្វេភាគីរវាងប្រទេសទាំងពីរជាមិនខាន៕