នៅព្រឹកថ្ងៃទី២៦ ខែកញ្ញា ឆ្នាំ២០២០ ឯកឧត្តម ចាយ ណាវុធ ឯកអគ្គរាជទូតកម្ពុជា រួមជាមួយអនុព័ន្ធយោធា និងជំនួយអនុព័ន្ធយោធាប្រចាំសាធារណរដ្ឋសង្គមនិយមវៀតណាម បានចូលរួមពិធីជប់លៀងស្វាគមន៍សិក្ខាកាមយោធាកម្ពុជាដែលទើបអញ្ជើញមកដល់ដើម្បីសិក្សានៅឆ្នាំសិក្សា ២០២០-២០២១ នៅវិទ្យាស្ថានពេទ្យយោធា១០៣ ទីក្រុងហាណូយ។
ពិធីជប់លៀងស្វាគមន៍សិក្ខាកាមយោធាកម្ពុជាដែលទើបអញ្ជើញមកដល់ដើម្បីសិក្សានៅឆ្នាំសិក្សា ២០២០-២០២១
នាឱកាសនោះឯកឧត្តម ឯកអគ្គរាជទូត បានផ្តាំផ្ញើនូវការសួរសុខទុក្ខពីថ្នាក់ដឹកនាំនៃព្រះរាជាណាចក្រកម្ពុជា ដែលបានស្វែងរកឱកាសជូនប្អូនៗ ក្មួយៗសិក្ខាកាមដើម្បីបានមកបន្តការសិក្សានៅប្រទេសវៀតណាម និងបានសំដែងនូវទឹកចិត្ត ភាពស្និទ្ធស្នាល ប្រកបដោយមនោសញ្ចេតនាពោរពេញដោយសេចក្តីរីករាយ និងបានជូនពរដល់ប្អូនៗ ក្មួយៗទាំងអស់ដែលកំពុងសិក្សានៅវិទ្យាស្ថានពេទ្យយោធា១០៣ទាំងអស់សុខភាពល្អ ជួបតែសេចក្តីសុខ សេចក្តីចម្រើន ជាពិសេសទទួលបានជោគជ័យក្នុងភារកិច្ចសិក្សារៀងៗខ្លួន។
ចុងបញ្ចប់នៃកម្មវិធី ឯកឧត្តម ឯកអគ្គរាជទូតក៏បានរួមចំណែកឧបត្ថម្ភថវិកាផ្ទាល់ខ្លួនចំនួន ៥,០០០,០០០ដុង (ប្រាំលានដុង) ដើម្បីអបអរសាទរផងដែរ។
（ប្រភពព័ត៌មាន: FB/ Royal Embassy of Cambodia to Vietnam）
មតិពីមិត្តអ្នកអាន