Dak Nong កែលម្អនិងធ្វើឱ្យប្រសើរឡើងប្រព័ន្ធនាំចេញអគ្គិសនីដល់កម្ពុជា

Dak Nong កែលម្អនិងធ្វើឱ្យប្រសើរឡើងប្រព័ន្ធនាំចេញអគ្គិសនីដល់កម្ពុជា៕ (រូបថត៖ Duong Anh Minh/Icon.com.vn)

តាមនោះ ក្រុមហ៊ុនអគ្គិសនី Dak Nong នឹងវិនិយោគក្នុងការកសាងខ្សែវ៉ុលមធ្យមជិត ៤ គីឡូម៉ែត្រ ធ្វើការជួសជុលនិងកែលម្អខ្សែវ៉ុលមធ្យមជាង ៥.៥ គីឡូម៉ែត្រ។ ទន្ទឹមនឹងនេះ ត្រូវបានបំពាក់ដោយប្រព័ន្ធការពាររន្ទះនិងដំឡើងឧបករណ៍បិទនិងកាត់អគ្គិសនីទំនើបមួយចំនួន។ ការវិនិយោគសរុបត្រូវបានគេរំពឹងថានឹងមានជិត ៩ ពាន់លានដុង ដែលត្រូវបានរំពឹងថានឹងបញ្ចប់នៅត្រីមាសទី ១ ឆ្នាំ ២០២០ ។

ក្រុមហ៊ុនអគ្គិសនី Dak Nong បានឲ្យដឹងថា ក្នុងរយៈពេល ៩ ខែនៃឆ្នាំ ២០១៩ ក្រុមហ៊ុនបាននាំចេញអគ្គិសនីជិត ៦ លានគីឡូវ៉ាត់ម៉ោងដល់អតិថិជននៅខេត្តមណ្ឌលគីរីដែលមានការកើនឡើងជិត ៣០% ក្នុងរយៈពេលដូចគ្នាក្នុងឆ្នាំ ២០១៨។ ចំណូលពីការលក់អគ្គិសនីឆ្លងកាត់ប្រទេសកម្ពុជា ក្នុងរយៈពេល ៩ ខែកន្លងមកនេះ សម្រេចបានជិត ១៥ ពាន់លានដុង។

តាមសេចក្តីរាយការណ៍ ចំណុចដំបូងនៃប្រព័ន្ធនាំចេញអគ្គិសនីទៅកាន់ប្រទេសកម្ពុជានៅខេត្ត Dak Nong គឺស្ថានីយ៍បំលែងថាមពល ១១០ គីឡូវ៉ុល Dak Song។ ចម្ងាយពីស្ថានីយ៍ទៅច្រកព្រំដែន Bu Prang (ឃុំ Quang Truc ស្រុក Tuy Duc ខេត្ត Dak Nong) មានចម្ងាយជាង ៤៥ គីឡូម៉ែត្រ។

និយោជិករបស់ក្រុមហ៊ុនអគ្គិសនីវៀតណាម។​​(ប្រភព៖ TTXVN)

នេះជាប្រព័ន្ធខ្សែអគ្គិសនីជនបទដែលផ្គត់ផ្គង់អគ្គិសនីដល់ស្រុក Dak Song និង Tuy Duc និងទទួលខុសត្រូវផ្គត់ផ្គង់អគ្គិសនីដល់ខេត្តមណ្ឌលគីរី។ ក្នុងប៉ុន្មានឆ្នាំថ្មីៗនេះ ដោយសារតែខ្សែវែងឆ្លងកាត់តំបន់ភ្នំដាច់ស្រយាល ដូច្នេះតំបន់ជាច្រើនមានសញ្ញានៃការរិចរិលដែលត្រូវការជួសជុលនិងធ្វើឱ្យប្រសើរឡើងឆាប់ៗនេះ។

យោងតាមលោក Nguyen Ngoc Anh នាយករងទទួលបន្ទុកក្រុមហ៊ុនអគីសនី Dak Nong បានឲ្យដឹងថា ការវិនិយោគក្នុងការកែលម្អនិងធ្វើឱ្យប្រសើរឡើងនូវប្រព័ន្ធនាំចេញអគ្គិសនីទៅខេត្តមណ្ឌលគីរី នឹងធ្វើឱ្យប្រសើរឡើងនូវស្ថេរភាពនៃខ្សែកាត់ បន្ថយការបាត់បង់ថាមពល និងសេវាកម្មទាន់ពេលវេលានូវដើម្បីតម្រូវការនូវអគ្គិសនីដែលកំពុងកើនឡើងរបស់ប្រជាជនក្នុងខេត្តរបស់កម្ពុជា។ នេះជាភារកិច្ចសំខាន់និងកិត្តិយសដែលក្រុមហ៊ុនអគ្គីសនី Dak Nong ត្រូវបានត្រូវបានជឿទុកចិត្តដោយអគ្គិសនីវៀតណាម គណៈកម្មាធិការបក្សខេត្ត និងគណៈកម្មាធិការប្រជាជនខេត្ត Dak Nong៕

（ប្រែសម្រូលដោយវិច្ឆិកា）

（ប្រែសម្រូលដោយវិច្ឆិកា）