ប្រមុខរាជរដ្ឋាភិបាលកម្ពុជាសម្តេចអគ្គមហាសេនាបតីតេជោ ហ៊ុន សែន បានធ្វើការណែនាំឯកអគ្គរដ្ឋទូតនៃប្រទេសទីម័រខាងកើតឲ្យ បញ្ជូនក្រុមហ៊ុនរបស់ទីម័រខាងកើតមកកម្ពុជាដើម្បីរៀបចំឲ្យមានឃ្លាំង រោងចក្រកិនស្រូវមានកន្លែងសម្ងួត ដូចជាមានបណ្ដាញទិញដើម្បីធ្វើយ៉ាងណាប្រមូលទិញ ឱ្យបានគ្រប់គ្រាន់ដើម្បីធ្វើការនាំចេញទៅប្រទេសទីម័រខាងកើត ។
ទិដ្ឋភាពនៃការជួបជុំរវាងសម្តេចតេជោ ហ៊ុន សែន និងលោក Ermenegildo ” Kupa ” ឯកអគ្គរដ្ឋទូតនៃសាធារណរដ្ឋប្រជាធិបតេយ្យទីម័រខាងកើត។ (រូបថត៖ rasmeinews.com)
សម្តេចតេជោ ហ៊ុន សែន បានធ្វើការណែនាំបែបនេះខណៈទីម័រខាងកើតកំពុងចរចាទិញអង្ករពីកម្ពុជា ។ ការណែនាំនេះធ្វើឡើងនៅក្នុងជំនួបនាព្រឹកថ្ងៃទី ២៧ ខែ ឧសភា នៅវិមានសន្តិភាពរវាងសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានទទួលជួបពិភាក្សាការងារជាមួយ លោក Ermenegildo ” Kupa ” ឯកអគ្គរដ្ឋទូតនៃសាធារណរដ្ឋប្រជាធិបតេយ្យទីម័រខាងកើត។
លោក អ៊ាង សុផល្លែត ជំនួយការផ្ទាល់សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានមានប្រសាសន៍ឲ្យដឹងថានៅក្នុងជំនួបនោះលោក KUPA បានគោរពជម្រាបជូនសម្ដេចតេជោថានៅក្នុងបេសកកម្មកាទូតរបស់លោកនៅកម្ពុជាពេលនេះលោកនឹងពិនិ ត្យមើលឡើងវិញរាល់អនុស្សារណៈទាំងឡាយដែលបានចុះរួមគ្នាកន្លងមកនិងធ្វើយ៉ាងណាជំរុញការដាក់ដំណើរការអនុសារណៈទាំងអស់នោះអោយទទួលបានជោគជ័យ។ លោកទូតបន្តថាលោកនឹងបន្តធ្វើការជាមួយក្រសួងកសិកម្មដើម្បីរៀបចំការនាំអង្ករចេញទៅប្រទេ សទីម័រខាងកើត និង ធ្វើការជាមួយក្រសួងរ៉ែនិងថាមពល រួមនឹងក្រសួងដទៃទៀតដើម្បីជំរុញកិច្ចសហប្រតិបត្តិការ រវាងប្រទេសទាំងពីរឲ្យមានវិសាលភាពកាន់តែធំឡើង ។
ពាក់ព័ន្ធទៅនឹងការនាំអង្ករទៅប្រទេសទីម័រខាងកើតសម្តេចតេជោបានផ្ដល់អនុសាសន៍ថាគប្បីណាបញ្ជូនក្រុមហ៊ុនរបស់ទីម័រខាងកើតមកកម្ពុជាដើម្បីរៀបចំឲ្យ មានឃ្លាំង រោងចក្រកិនស្រូវ មានឡសម្ងួតនិងមានបណ្ដាញប្រមូលទិញដើម្បីធ្វើយ៉ាងណាប្រមូលទិញឱ្យបានគ្រប់គ្រាន់ដើម្បីធ្វើការនាំចេញទៅប្រទេសទីម័រខាង កើត ។
ឯកអគ្គរដ្ឋទូតទីម័រខាងកើតប្រចាំនៅកម្ពុជា លោក Ermenegildo Lopes បានកោតសរសើរ និងវាយតម្លៃខ្ពស់ចំពោះវិធានការ និងចំណាត់ការប្រកបដោយប្រសិទ្ធភាពខ្ពស់របស់កម្ពុជាក្នុងការប្រយុទ្ធប្រឆាំងនឹងជំងឺកូវីដ១៩ មិនឱ្យរីករាលដាលខ្លាំង។
លោកឯកអគ្គរដ្ឋទូតបានលើកឡើងថា ការមកបំពេញការងាររបស់លោកនៅកម្ពុជានាពេលនេះ ជាពេលវេលាលំបាកមួយ ព្រោះជាពេលវេលាដែលពិភពលោកកំពុងជួបវិបត្តិពីការរីករាលដាលនៃជំងឺកូវីដ១៩។ បើទោះពីយ៉ាងនេះក្តី សម្រាប់ការបំពេញបេសកកម្មការងារនៅកម្ពុជា លោកឯកអគ្គរដ្ឋទូតពុំមានការព្រួយបារម្ភចំពោះការយាយីរបស់ជំងឺកូវីដ១៩នេះ មកលើសុខភាពរបស់លោកនោះឡើយ។
លោកទូត បានអះអាងថា និស្សិត និងមន្ត្រីរបស់ស្ថានទូតទីម័រខាងកើតទាំងអស់ បានទទួលបានសុវត្ថិភាពល្អ ហើយក៏មានសុខភាពល្អមិនមានការបារម្ភពីជំងឺកូវីដ១៩នោះទេ។ លោកឯកអគ្គរដ្ឋទូត ក៏បានចូលរួមអបអរសាទរជាមួយរាជរដ្ឋាភិបាលកម្ពុជា ចំពោះភាពជោគជ័យក្នុងការទប់ស្កាត់ការរីករាលដាល នៃមេរោគកូវីដ១៩នេះផងដែរ./.
（បូកសរុបដោយឌីណា）
មតិពីមិត្តអ្នកអាន