និស្សិតវៀតណាមនៅបារាំងជួយឧបត្ថម្ភជនរួមជាតិ និងយុទ្ធជននៅ Hoang Sa និង Truong Sa

ទីក្រុង Hai Phong​ (វៀតណាម)៖ សហគមន៍ជនវៀតណាមនៅបរទេសរួមដៃជួយជ្រោមជ្រែងកម្មវិធី «Truong Sa បៃតង»

វៀតណាមមានមូលដ្ឋានច្បាប់ និងភស្តុតាងប្រវត្តិសាស្ត្រគ្រាប់គ្រាន់ ដើម្បីបញ្ជាក់អធិបតេយ្យភាពរបស់ខ្លួនលើប្រជុំកោះ Hoang Sa (Paracel Islands) និង Truong Sa

និស្សិតវៀតណាមនៅបារាំងជួយជនរួមជាតិ និងយុទ្ធជននៅ Hoang Sa និង Truong Sa

នាថ្ងៃទី ៦ មេសា នៅមជ្ឈមណ្ឌលវប្បធម៌វៀតណាមនៅទីក្រុងប៉ារីស សមាគមនិស្សិត និងយុវជនវៀតណាមនៅបារាំង (UEVF) បានរៀបចំពិព័រណ៍សប្បុរសធម៌ដើម្បីរៃអង្គាសប្រាក់សម្រាប់សមុទ្រនិងកោះរបស់មាតុភូមិ។

មិនត្រឹមតែសិស្សានុសិស្ស និងយុវជនប៉ុណ្ណោះទេ ក៏មានប្រជាជនវៀតណាមជាច្រើននៅទីនេះបានស្ម័គ្រចិត្តនាំយករបស់របរទៅបរិច្ចាគ ឬជួយឧបត្ថម្ភជាហិរញ្ញវត្ថុផងដែរ។ អ្នកចូលរួមផ្សារនីមួយៗអាចចុះហត្ថលេខាឈ្មោះរបស់ពួកគេដើម្បីបង្ហាញពីអារម្មណ៍របស់ពួកគេនៅលើអាវដែលមានទង់ជាតិវៀតណាម ហើយសមាគម UEVF នឹងផ្តល់អំណោយដ៏មានអត្ថន័យខាងវិញ្ញាណនេះដល់បន្ទប់ប្រពៃណីនៅស្រុកកោះ Truong Sa។

លោក Nguyen Phan Bao Thuy ប្រធាន UEVF មានប្រសាសន៍ថា ពិព័រណ៌នេះត្រូវបានប្រារព្ធឡើងនៅថ្ងៃទី ៦ និង ១៤ ខែមេសា។ ថវិកាដែលប្រមូលបាននឹងត្រូវប្រើប្រាស់សម្រាប់ទិញម៉ាស៊ីនចម្រោះទឹកសមុទ្រទៅជាទឹកផឹក ឬទិញពូជដើមឈើដើម្បីបៃតងកោះ ឬបរិច្ចាគដោយផ្ទាល់ដល់យុទ្ធជន និងប្រជាជននៅប្រជុំកោះ Truong Sa និង Hoang Sa។

ក្នុងនាមជានិស្សិតវ័យក្មេងដែលកំពុងរស់នៅ និងសិក្សានៅប្រទេសបារាំង លោក ង្វៀន ង៉ុក បាវ ត្រាំ ក៏បានបង្ហាញពីបំណងចង់រួមចំណែកមួយចំណែកតូចដល់មាតុភូមិរបស់គាត់ បើទោះបីជាគាត់នៅឆ្ងាយពីមាតុភូមិក៏ដោយ។ ក្រៅពីអត្ថន័យសប្បុរសធម៌ និងការបរិច្ចាកដើម្បីជួយដល់ជនរួមជាតិ និងយុទ្ធជននៅកោះដាច់ស្រយាល ព្រឹត្តិការណ៍នេះក៏ជាសកម្មភាពដែលរួមចំណែកបង្កើនការយល់ដឹងអំពីការការពារបរិស្ថានសម្រាប់មនុស្សគ្រប់រូប តាមរយៈការកែច្នៃឡើងវិញ ប្រើប្រាស់ និងទាញយកអត្ថប្រយោជន៍ពីវត្ថុចាស់ៗដែលនៅតែមានតម្លៃ។

អញ្ជើញថ្លែងមតិក្នុងពិព័រណ៌រៃអង្គាសថវិកា UEVF ឯកអគ្គរដ្ឋទូតវៀតណាមប្រចាំនៅបារាំង លោក Dinh Toan Thang បានចាត់ទុកថា នេះជាសកម្មភាពដ៏មានអត្ថន័យ សំដៅបន្តប្រពៃណីរបស់សមាគមដោយមានសកម្មភាពជាបន្តបន្ទាប់សំដៅលើទឹកក្នុងប៉ុន្មានឆ្នាំថ្មីៗនេះ៕

ឌឹកអាញ់