យុគសម័យ - នាថ្ងៃទី ៦ ខែមេសា ឆ្នាំ ២០២២ នៅទីភ្នាក់ងារនៃស្ថានទូតវៀតណាមប្រចាំនៅសាធារណរដ្ឋកូរ៉េខាងត្បូង សមាគមជនវៀតណាមប្រចាំនៅកូរ៉េខាងត្បូង (AVCK) និង អង្គការ KVFFA បានចុះហត្ថលេខាលើអនុស្សរណៈយោគយល់គ្នាស្តីពីកិច្ចសហប្រតិបត្តិការក្នុងសកម្មភាពអបអរសាទរខួបអនុស្សាវរីយ៍លើកទី ៣០ ឆ្នាំនៃការបង្កើតទំនាក់ទំនងការទូតរវាងកូរ៉េខាងត្បូង និងវៀតណាម (២២ ធ្នូ ១៩៩២ - ២២ ធ្នូ ២០២២)។
ប្រទេសកូរ៉េខាងត្បូងបង្កើនការប្រើប្រាស់ពលករបរទេស រួមទាំងវៀតណាមផងដែរ |
សកម្មភាពដ៏មានអត្ថន័យជាច្រើន ដើម្បីអបអរសាទរខួបលើកទី ៣០ នៃការបង្កើតទំនាក់ទំនងការទូតរវាងវៀតណាម និងបេឡារុស្ស |
លោកឯកអគ្គរដ្ឋទូត Nguyen Vu Tung ថ្លែងមតិ។ |
ថ្លែងមតិនៅទីនេះ លោកឯកអគ្គរដ្ឋទូត Nguyen Vu Tung បានផ្ញើសារអបអរសាទរចំពោះកិច្ចសហប្រតិបត្តិការរវាងអង្គភាពទាំងពីរ ក្នុងគោលដៅរួមនៃទំនាក់ទំនងមិត្តភាពនៃប្រទេសទាំងពីរ។ ស្ថានទូតបានឯកភាព និងគាំទ្រ ជំរុញសកម្មភាព នាពេលខាងមុខរបស់អង្គភាពទាំងពីរ។
តាមលោក Vu Duc Luong សកម្មភាពរវាងអង្គការទាំងពីរក្នុងឆ្នាំ ២០២២ នឹងរួមចំណែកយ៉ាងសំខាន់ក្នុងសកម្មភាពជាបន្តបន្ទាប់ឆ្ពោះទៅខួបលើកទី ៣០ ឆ្នាំនៃការបង្កើតទំនាក់ទំនងការទូតវៀតណាម និងកូរ៉េខាងត្បូង។
លោក Jeong Min Woo ប្រធាន KVFFA បានសម្តែងនូវសេចក្តីសោមនស្សរីករាយ ដែលបានរួមដំណើរជាមួយសមាគមជនវៀតណាមនៅកូរ៉េខាងត្បូង ដើម្បីសម្របសម្រួលអនុវត្តសកម្មភាពសំខាន់ៗ និងមានអត្ថន័យ នាពេលខាងមុខ។
សមាគមជនវៀតណាមនៅកូរ៉េខាងត្បូង និង KVFFA បានចុះហត្ថលេខាលើ MOU ដែលមានលោកឯកអគ្គរដ្ឋទូត Nguyen Vu Tung អញ្ជើញធ្វើជាសាក្សី |
នាពេលខាងមុខ ភាគីទាំងពីរនឹងសម្របសម្រួលអនុវត្តសកម្មភាពជាក់លាក់នានា ដើម្បីពង្រឹងទំនាក់ទំនងកិច្ចសហប្រតិបត្តិការមិត្តភាពរវាងប្រទេសទាំងពីរវៀតណាម - កូរ៉េខាងត្បូងនិយាយរួម និងរវាងអង្គការនៃសមាគមជនវៀតណាមនៅកូរ៉េ និងបណ្តាអង្គការមហាជនកូរ៉េខាងត្បូងនិយាយដោយឡែក; បង្កើនឱកាសសម្រាប់កិច្ចសហប្រតិបត្តិការវិនិយោគ ពាណិជ្ជកម្ម និងទេសចរណ៍រវាងខេត្ត ក្រុងរបស់វៀតណាម និងទីភ្នាក់ងារ អង្គការ និងសហគ្រាសកូរ៉េខាងត្បូង ឧទ្ទេសនាម និងផ្សព្វផ្សាយភាពស្រស់ស្អាត និងសក្តានុពល ឱកាសសហប្រតិបត្តិការវិនិយោគ ពាណិជ្ជកម្ម និងទេសចរណ៍របស់វៀតណាម ដល់ស្ថាប័ន អង្គការ សហគ្រាស អ្នកវិនិយោគ មិត្តក្នុងស្រុក និងបរទេស៕
មតិពីមិត្តអ្នកអាន