ចិននិងឥណ្ឌាឯកភាពគ្នា កាត់បន្ថយភាពតានតឹងតាមព្រំដែន

15:28 | 12/09/2020 （ហេង វុធ្ធ）

កងកម្លាំងនៃប្រទេសទាំងពីរចិននិងឥណ្ឌានៅតាមព្រំដែនបន្តមានការសន្ទនាគ្នា ដកកងទ័ពរបស់ខ្លួនឱ្យបានឆាប់ៗ រក្សាចម្ងាយសមស្រប និងកាត់បន្ថយភាពតានតឹង។

រដ្ឋមន្ត្រីការបរទេសចិនលោក Wang Yi (ស្ដាំ) និងរដ្ឋមន្ត្រីការបរទេសឥណ្ឌា លោក Subrahmanyam Jaishankar (រូបថត៖VNA)

យោងតាមសេចក្តីប្រកាសព័ត៌មានរួមនៅថ្ងៃទី ១១ ខែកញ្ញាដែលត្រូវបានចេញផ្សាយបន្ទាប់ពីកិច្ចប្រជុំរវាងរដ្ឋមន្ត្រីការបរទេសចិនលោក Wang Yi និងរដ្ឋមន្ត្រីការបរទេសឥណ្ឌា លោក Subrahmanyam Jaishankar នៅខាងក្រៅកិច្ចប្រជុំរដ្ឋមន្ត្រីការបរទេសនៃអង្គការសហប្រតិបត្តិការសៀងហៃ (SCO) កាលពីថ្ងៃទី ១០ ខែកញ្ញានៅទីក្រុងម៉ូស្គូ (រុស្ស៊ី) នោះ ភាគីទាំងពីរទទួលបានកិច្ចព្រមព្រៀង ៥ ចំណុច ស្ដីពី ការវិវត្តនៅតំបន់ព្រំដែនរវាងប្រទេសទាំងពីរក៏ដូចជាទំនាក់ទំនងទ្វេភាគីផងដែរ។ តាមនោះ ភាគីទាំងពីរបានឯកភាពគ្នាថា កងកម្លាំងនៃប្រទេសទាំងពីរនៅតាមព្រំដែនបន្តមានការសន្ទនាគ្នា ដកកងទ័ពរបស់ខ្លួនឱ្យបានឆាប់ៗ រក្សាចម្ងាយសមស្រប និងកាត់បន្ថយភាពតានតឹង។ រដ្ឋមន្រ្តីទាំងពីរក៏បានឯកភាពពន្លឿនការបញ្ចប់វិធានការថ្មីដើម្បីកសាងជំនឿទុកចិត្តគ្នា ថែរក្សានិងលើកកំពស់សន្តិភាពនិងសន្តិសុខនៅតាមតំបន់ព្រំដែន រវាងឥណ្ឌានិងចិនផងដែរ៕

（ហេង វុធ្ធ）

（ប្រភពព័ត៌មាន: vovworld.vn）

（ហេង វុធ្ធ）

Tags: ចិន ឥណ្ឌា ឯកភាពគ្នា ភាពតានតឹង ព្រំដែន

មតិពីមិត្តអ្នកអាន

ព័ត៌មានថ្មីៗ

ម្សៅទឹកដោះគោកុមារ Vinamilk Optimum Gold ទទួលបានកិត្តិយសជាម៉ាកយីហោប្រចាំឆ្នាំ នៅពិធីប្រគល់ពានរង្វាន់ម៉ាកយីហោពិភពលោក ២០២៦-២០២៧

យុគសម័យ - Vinamilk Optimum Gold ត្រូវបានផ្តល់កិត្តិយសជាម៉ាកយីហោប្រចាំឆ្នាំ (Brand of the Year) នៅពិធីប្រគល់ពានរង្វាន់ម៉ាកយីហោពិភពលោក ២០២៦ - ២០២៧ (World Branding Awards 2026 - 2027) ដែលបានប្រព្រឹត្តទៅនៅចក្រភពអង់គ្លេស ដោយជាតំណាងតែមួយគត់របស់វៀតណាមដែលបានឈ្នះក្នុងប្រភេទទំនិញម្សៅទឹកដោះគោកុមារ (Infant Formula)។ ក្នុងចំណោមតម្រូវការកាន់តែខ្ពស់ឡើងៗអំពីគុណភាព និងសុវត្ថិភាពនៃផលិតផលអាហារូបត្ថម្ភសម្រាប់កុមារតូច ពានរង្វាន់អន្តរជាតិនេះបានកត់សម្គាល់ពីកិត្យានុភាពនៃម៉ាកយីហោ និងការខិតខំប្រឹងប្រែងឥតឈប់ឈរដើម្បីលើកកម្ពស់ស្តង់ដារអាហារូបត្ថម្ភរបស់ Vinamilk។

កម្ពុជាដាក់ឱ្យអនុវត្តយុទ្ធសាស្ត្រអភិរក្សបេតិកភណ្ឌខ្មែរ ដំណាក់កាល ២០២៦ - ២០៣០

យុគសម័យ - កម្ពុជាបានដាក់ឱ្យអនុវត្តផែនការយុទ្ធសាស្ត្ររយៈពេល ៥ ឆ្នាំ សំដៅការពារតម្លៃវប្បធម៌ ប្រវត្តិសាស្ត្រ និងអារ្យធម៌ខ្មែរ ព្រមទាំងពង្រឹងអត្តសញ្ញាណជាតិ បណ្តុះស្មារតីស្នេហាជាតិតាមរយៈការស្រាវជ្រាវវិទ្យាសាស្ត្រ ការធ្វើឯកសារកម្មផ្អែកលើភស្តុតាង និងការលើកកម្ពស់ការយល់ដឹងរបស់សហគមន៍។

កងទ័ពការពារព្រំដែន Tay Ninh ផ្តល់អាហារូបករណ៍ដល់សិស្សានុសិស្សកម្ពុជា

យុគសម័យ - ថ្ងៃទី ១ ខែវិច្ឆិកា ប៉ុស្តិ៍ការពារព្រំដែនច្រកទ្វារអន្តរជាតិ My Quy Tay ខេត្ត Tay Ninh បានផ្តល់អាហារូបករណ៍ចំនួនពីរចំណែកដល់សិស្សានុសិស្សដែលមានជីវភាពខ្វះខាតនៅកម្ពុជា។ សកម្មភាពនេះស្ថិតក្នុងកម្មវិធី «លើកកម្ពស់ជំហានប្អូនទៅកាន់សាលារៀន» ដោយរួមចំណែកគាំទ្រវិស័យអប់រំ និងពង្រឹងចំណងមិត្តភាពរវាងប្រជាជននៃប្រទេសទាំងពីរ។

គ្រូពេទ្យវៀតណាមពិនិត្យ និងព្យាបាលជំងឺដោយឥតគិតថ្លៃជូនប្រជាពលរដ្ឋកម្ពុជាចំនួន ៥០០ នាក់

យុគសម័យ - ថ្ងៃទី ៣១ ខែតុលា ស្ថានទូតវៀតណាមប្រចាំកម្ពុជា សហការជាមួយមន្ទីរពេទ្យ Cho Ray Phnom Penh បានរៀបចំការពិនិត្យ ពិគ្រោះយោបល់សុខភាព ផ្តល់ថ្នាំដោយឥតគិតថ្លៃ និងផ្តល់អំណោយជូនប្រជាពលរដ្ឋប្រមាណ ៥០០ នាក់ក្នុងខេត្ត Mondulkiri ដោយរួមចំណែកថែទាំជីវភាពរស់នៅ និងពូនជ្រំចំណងមិត្តភាពរវាងប្រជាជននៃប្រទេសទាំងពីរ។

ភូមិ Bom Bo អភិវឌ្ឍទេសចរណ៍ចេញពីអត្តសញ្ញាណវប្បធម៌ Xtieng

យុគសម័យ - ចេញពីទឹកដីដែលផ្សារភ្ជាប់នឹងសូររំពងនៃបទចម្រៀង «ស្នូរត្បាល់នៅ Soc Bom Bo» ក្នុងអំឡុងបណ្តាឆ្នាំតស៊ូសង្គ្រាម Bom Bo កំពុងទាញយកប្រៀបខ្លាំងកសិកម្ម អភិវឌ្ឍទេសចរណ៍សហគមន៍ និងអភិរក្សបេតិកភណ្ឌវប្បធម៌ Xtieng សំដៅបង្កើតមុខរបរចិញ្ចឹមជីវិត លើកកម្ពស់ប្រាក់ចំណូល និងកែលម្អជីវភាពរស់នៅរបស់ប្រជាពលរដ្ឋ។

ចិន​និងឥណ្ឌាឯកភាពគ្នា កាត់បន្ថយភាពតានតឹងតាមព្រំដែន