នាថ្ងៃទី២៤ ខែតុលា ភ្ញៀវទេសចររាប់ពាន់នាក់បានសម្រុកមកចូលរួមទិវាបុណ្យវប្បធម៌កូរ៉េខាងត្បូង ឆ្នាំ២០២០ នៅទីរួមខេត្ត Sa Pa ខេត្ត Lao Cai វៀតណាម។
| ព្រឹត្តិការណ៍នេះត្រូវបានរៀបចំឡើងដោយស្ថានទូតកូរ៉េខាងត្បូង និងគណៈកម្មាធិការប្រជាជនខេត្ត Lao Cai ។ នៅក្នុងទិវាបុណ្យវប្បធម៌កូរ៉េខាងត្បូងខេត្ត Lao Cai ឆ្នាំ២០២០ ដែលមានសកម្មភាពកម្មវិធីផ្លាស់ប្ដូរវប្បធម៌ សិល្បៈជាច្រើន និងការតាំងពិព័រណ៌ផ្សព្វផ្សាយវប្បធម៌ ទេសចរណ៍ ម្ហូបអាហារ ល្បែងប្រជាប្រិយរបស់វៀតណាម កូរ៉េខាងត្បូង និងខេត្ត Lao Cai ទៀតផង។
ប្រតិភូកាត់ខ្សែបូរបើកទិវាបុណ្យវប្បធម៌កូរ៉េខាងត្បូងខេត្ត Lao Cai ឆ្នាំ២០២០ (រូបថត៖ vnanet.vn) |
នេះជាព្រឹត្តិការណ៍ដ៏មានអត្ថន័យមួយសម្រាប់ទំនាក់ទំនងការទូតរវាងវៀតណាម និងកូរ៉េខាងត្បូង និយយាយរួម និងខេត្ត Lao Cai និយាយដោយឡែក។ យោងតាមលោក Suk Jin Young នាយកមជ្ឈមណ្ឌលវប្បធម៌កូរ៉េខាងត្បូងប្រចាំវៀតណាមបានឲ្យដឹងថា ទិវាបុណ្យវប្បធម៌កូរ៉េខាងត្បូងខេត្ត Lao Cai ឆ្នាំ២០២០ ត្រូវបានរៀបចំឡើងក្នុងបំណងរឹតបន្តឹងថែមទៀតនូវទំនាក់ទំនងរវាងប្រទេសទាំងពីរនិយាយរួម រវាងកូរ៉េខាងត្បូង និងខេត្ត Lao Cai និយាយដោយឡែក ហើយជួយប្រជាជន និងភ្ញៀវទេសចរនៅវៀតណាមក៏ដូចជាភ្ញៀវទេសចរនៅទីរួមខេត្ត Sa Pa ខេត្ត Lao Cai មានការយល់ដឹងថែមទៀតអំពីវប្បធម៌កូរ៉េខាងត្បូង./.
（ប្រភពព័ត៌មាន: kh.qdnd.vn）
មតិពីមិត្តអ្នកអាន