យុគសម័យ - នាវា Gepard 015 – Tran Hung Dao បានចាប់ផ្តើមធ្វើទស្សនកិច្ចតាមសមុទ្រដែលជាដំណើរឆ្ងាយបំផុតដោយមានចំងាយជាង 5.000 ម៉ាយ និងចូលរួមក្នុងសកម្មភាពច្រើនបំផុតនៃនាវាកងទ័ពជើងទឹកវៀតណាមដើម្បីវាយតំលៃនូវសមត្ថភាពបញ្ជាជំនាញក្នុងការធ្វើសកម្មភាពអាវុធនិងការបំពាក់គ្រឿងបរិក្ខារបច្ចេកទេសរបស់កងទ័ពផងដែរ។
នាថ្ងៃទី១៥ខែកញ្ញា នៅកំពង់ផែ Cam Ranh (ខេត្ត Khanh Hoa) តំបន់លេខ៤ទ័ពជើងទឹក បានរៀបចំពិធីជូនដំណើរក្រុមការងារនិងកម្មាភិបាល នាវឹកនៃនាវាលេខ ០១៥ - Tran Hung Dao ចំណុះកងពលតូចលេខ ១៦២ ដែលធ្វើទស្សនកិច្ចនៅប្រទេសជប៉ុន ប្រទេសកូរ៉េខាងត្បូង និងប្រទេសចិន។ វរៈសេនីយ៍ឯក Le Hong Chien បញ្ជាការរងតំបន់ទី៤នៃកងទ័ពជើងទឹកជាប្រធានប្រតិភូ។ នេះយោងតាមកាសែតកងទ័ពជើងទឹក។
យោងតាមផែនការ ក្រុមការងារនិងកម្មាភិបាល នាវឹកនឹងទៅទស្សនាហើយជួបប្រាស្រ័យជាមួយកងទ័ពជើងទឹកជប៉ុននៅមូលដ្ឋាន Yokosuka នៃខេត្ត Kanagawa និងទីក្រុង Sakai នៃខេត្ត Osaka; ចូលរួមការដង្ហែក្បួនអន្តរជាតិនៅមូលដ្ឋានទ័ពជើងទឹក Jeju នៃកូរ៉េខាងត្បូង; ហាត់សម អាស៊ាន-ចិននៅ Zhanjiang ប្រទេសចិន។
សកម្មភាពកិច្ចការបរទេសយោធារបស់នាវាលេខ 015 នេះ សំដៅបន្តបង្កើនទំនាក់ទំនងមិត្តភាព កិច្ចសហប្រតិបត្តិការនិងការអភិវឌ្ឍន៍ជាមួយកងទ័ពជើងទឹកនិងប្រជាជននៃប្រទេសទាំងបី ព្រមទាំងបញ្ជាក់ពីសមត្ថភាពនិងជំហររបស់កងទ័ពជើងទឹកប្រជាជនវៀតណាមក្នុងការធ្វើសមាហរណកម្មអន្តរជាតិ៕
（យោងតាម chinhphu.vn បកប្រែដោយស្រីពេជ្រ）
មតិពីមិត្តអ្នកអាន