អាជ្ញាធរមូលដ្ឋានកំពុង​ប្រគល់អដ្ឋិធាតុយុទ្ធជនពលី ដើម្បីបម្រើការធ្វើកោសល្យវិច័យ ADN

ក្នុងរយៈពេលប៉ុន្មានថ្ងៃថ្មីៗនេះ ការជីកកកាយ និងការប្រមូលសំណាកជីវសាស្រ្តសម្រាប់ធ្វើតេស្ត ADN ត្រូវបានអនុវត្តជាបន្ទាន់នៅក្នុងតំបន់ជាច្រើន។ គណៈកម្មាធិការដឹកនាំការស្វែងរក ការប្រមូល និងការកំណត់អត្តសញ្ញាណអដ្ឋិធាតុយុទ្ធជនពលី (គណៈកម្មាធិការដឹកនាំ) នៅក្នុងតំបន់ផ្សេងៗកំពុងខិតខំពន្លឿនដំណើរការនេះ ដោយមានគោលបំណងកំណត់អត្តសញ្ញាណព័ត៌មានឱ្យបានឆាប់រហ័ស និងនាំយុទ្ធជនពលីត្រឡប់ទៅគ្រួសារ និងស្រុកកំណើតរបស់ពួកគេវិញ។

គិតត្រឹមថ្ងៃទី ១៥ ខែកញ្ញា ទីក្រុង Da Nang បានបញ្ចប់ការគាស់កកាយ និងប្រមូលគំរូជីវសាស្ត្រចំពោះផ្នូរសពយុទ្ធជនពលីដែលមិនទាន់កំណត់បានអត្តសញ្ញាណជិត ២៦.០០០ ផ្នូរ នៅតាមទីបញ្ចុះសពចំនួន ១៤៤ ក្នុងភូមិសាស្ត្រ។ បច្ចុប្បន្ន នេះជាមូលដ្ឋានដែលមានចំនួនផ្នូរសពយុទ្ធជនពលីត្រូវការយកគំរូ ADN ច្រើនជាងគេបំផុតទូទាំងប្រទេស។

ឧបនាយករដ្ឋមន្ត្រី Pham Thi Thanh Tra បានអញ្ជើញជាអធិបតីក្នុងកិច្ចប្រជុំប្រចាំការនៃគណៈកម្មាធិការដឹកនាំជាតិស្តីពីការស្វែងរក ប្រមូល និងកំណត់អត្តសញ្ញាណអដ្ឋិធាតុយុទ្ធជនពលី។

ការបំពេញភារកិច្ចឱ្យបានរួចរាល់មុនរដូវវស្សា បានរួមចំណែកកាត់បន្ថយផលប៉ះពាល់អវិជ្ជមាននៃអាកាសធាតុចំពោះដំណើរការគាស់កកាយ និងប្រមូលគំរូជីវសាស្ត្រ ព្រមទាំងបង្កើតបុរេលក្ខខណ្ឌដើម្បីឱ្យគំរូនានាត្រូវបាននាំយកទៅធ្វើកោសល្យវិច័យ ADN ឈានទៅកំណត់ជាបណ្តើរៗនូវអត្តសញ្ញាណយុទ្ធជនពលីដែលមិនទាន់ច្បាស់ព័ត៌មាន។

ទន្ទឹមនឹងការងារយកគំរូ ADN ទីក្រុង Da Nang ស្វែងរក និងប្រមូលបានអដ្ឋិធាតុយុទ្ធជនពលីចំនួន ៦១។ មូលដ្ឋានបន្តពិនិត្យ ផ្ទៀងផ្ទាត់ប្រភពព័ត៌មាននានា និងពង្រីកតំបន់ស្វែងរក ប្រកបដោយការប្តេជ្ញាចិត្តបញ្ជាក់ឱ្យច្បាស់រាល់ដានដែលនៅសេសសល់ មិនទុកឱ្យពេលវេលាបាត់បង់ឱកាសស្វែងរក និងកំណត់អត្តសញ្ញាណបុគ្គលទាំងឡាយដែលបានពលីជីវិតដើម្បីមាតុភូមិឡើយ។

គំរូរាប់ពាន់ត្រូវបានប្រគល់ដើម្បីធ្វើកោសល្យវិច័យ

នៅ Phu Tho ដោយអនុវត្ត «យុទ្ធនាការ ៥០០ ថ្ងៃយប់ ជំរុញខ្លាំងការអនុវត្តការស្វែងរក ប្រមូល និងកំណត់អត្តសញ្ញាណអដ្ឋិធាតុយុទ្ធជនពលី» ខេត្តបានបញ្ចប់ការយកគំរូនៅ ៤.៦៩៤ ផ្នូរសពយុទ្ធជនពលី នៃទីបញ្ចុះសពចំនួន ១២៨ សម្រេចបាន ១០០% នៃផែនការដំណាក់កាលទី ១។

គិតត្រឹមថ្ងៃទី ១៥ ខែកញ្ញា ទីក្រុង Da Nang បានបញ្ចប់ការគាស់កកាយ និងប្រមូលគំរូជីវសាស្ត្រចំពោះផ្នូរសពយុទ្ធជនពលីដែលមិនទាន់កំណត់បានអត្តសញ្ញាណជិត ២៦.០០០ ផ្នូរ នៅតាមទីបញ្ចុះសពចំនួន ១៤៤ ក្នុងភូមិសាស្ត្រ។ បច្ចុប្បន្ន នេះជាមូលដ្ឋានដែលមានចំនួនផ្នូរសពយុទ្ធជនពលីត្រូវការយកគំរូ ADN ច្រើនជាងគេបំផុតទូទាំងប្រទេស។

ការបំពេញភារកិច្ចឱ្យបានរួចរាល់មុនរដូវវស្សា បានរួមចំណែកកាត់បន្ថយផលប៉ះពាល់អវិជ្ជមាននៃអាកាសធាតុចំពោះដំណើរការគាស់កកាយ និងប្រមូលគំរូជីវសាស្ត្រ ព្រមទាំងបង្កើតបុរេលក្ខខណ្ឌដើម្បីឱ្យគំរូនានាត្រូវបាននាំយកទៅធ្វើកោសល្យវិច័យ ADN ឈានទៅកំណត់ជាបណ្តើរៗនូវអត្តសញ្ញាណយុទ្ធជនពលីដែលមិនទាន់ច្បាស់ព័ត៌មាន។

ទន្ទឹមនឹងការងារយកគំរូ ADN ទីក្រុង Da Nang ស្វែងរក និងប្រមូលបានអដ្ឋិធាតុយុទ្ធជនពលីចំនួន ៦១។ មូលដ្ឋានបន្តពិនិត្យ ផ្ទៀងផ្ទាត់ប្រភពព័ត៌មាននានា និងពង្រីកតំបន់ស្វែងរក ប្រកបដោយការប្តេជ្ញាចិត្តបញ្ជាក់ឱ្យច្បាស់រាល់ដានដែលនៅសេសសល់ មិនទុកឱ្យពេលវេលាបាត់បង់ឱកាសស្វែងរក និងកំណត់អត្តសញ្ញាណបុគ្គលទាំងឡាយដែលបានពលីជីវិតដើម្បីមាតុភូមិឡើយ។

គំរូរាប់ពាន់ត្រូវបានប្រគល់ដើម្បីធ្វើកោសល្យវិច័យ

នៅ Phu Tho ដោយអនុវត្ត «យុទ្ធនាការ ៥០០ ថ្ងៃយប់ ជំរុញខ្លាំងការអនុវត្តការស្វែងរក ប្រមូល និងកំណត់អត្តសញ្ញាណអដ្ឋិធាតុយុទ្ធជនពលី» ខេត្តបានបញ្ចប់ការយកគំរូនៅ ៤.៦៩៤ ផ្នូរសពយុទ្ធជនពលី នៃទីបញ្ចុះសពចំនួន ១២៨ សម្រេចបាន ១០០% នៃផែនការដំណាក់កាលទី ១។

Phu Tho បានរៀបចំពិធីប្រគល់ចំនួន ៨ លើក ជូនវិទ្យាស្ថានវេជ្ជសាស្ត្រកោសល្យវិច័យកងទ័ព សរុបជាង ៤.០០០ គំរូ ក្នុងនោះមាន ៣ គំរូអដ្ឋិធាតុយុទ្ធជនពលីពីបណ្តាផ្នូរដែលទើបតែប្រមូលថ្មី។

កាលពីចុងសប្តាហ៍កន្លងទៅ នៅព្រលានយន្តហោះ Gia Lam (Ha Noi) ទីក្រុង Ho Chi Minh ទីក្រុង Dong Nai ខេត្ត Tay Ninh និងខេត្ត Lam Dong បានប្រព្រឹត្តទៅពិធីអុជធូប ដឹកជញ្ជូន និងប្រគល់គំរូអដ្ឋិធាតុយុទ្ធជនពលីចំនួន ១៣.៥៦៣ គំរូ ជូនវិទ្យាស្ថានបណ្ឌិត្យសភាវិទ្យាសាស្ត្រ និងបច្ចេកវិទ្យាវៀតណាម និងវិទ្យាស្ថានវេជ្ជសាស្ត្រកោសល្យវិច័យកងទ័ព។

គំរូជីវសាស្ត្រអដ្ឋិធាតុយុទ្ធជនពលីចំនួន ៥.២៨៧ ត្រូវបានខេត្ត Tay Ninh ប្រគល់ដើម្បីបញ្ជូនទៅ Ha Noi សម្រាប់បម្រើការធ្វើកោសល្យវិច័យ ADN។

បណ្តាគំរូត្រូវបានផ្ទេរប្រគល់ដើម្បីបម្រើការធ្វើកោសល្យវិច័យ ADN កំណត់អត្តសញ្ញាណយុទ្ធជនពលី។

ក្នុងចំណោមគំរូអដ្ឋិធាតុដែលបានប្រគល់លើកនេះ ខេត្ត Tay Ninh មាន ៤.៦១៨ គំរូ ដែលត្រូវបានប្រមូលពីទីបញ្ចុះសពយុទ្ធជនពលីនានាក្នុងភូមិសាស្ត្រ និងពីសមរភូមិកម្ពុជា។

វរសេនីយ៍ឯក Bui Dang Ninh ស្នងការនយោបាយនៃបញ្ជាការដ្ឋានយោធា អនុប្រធានគណៈកម្មាធិការដឹកនាំស្តីពីការស្វែងរក ប្រមូល និងកំណត់អត្តសញ្ញាណអដ្ឋិធាតុយុទ្ធជនពលីខេត្ត Tay Ninh បានឱ្យដឹងថា៖ «យើងខ្ញុំមានបំណងថានឹងទទួលបានលទ្ធផលល្អប្រសើរនានាដើម្បីកំណត់បានអត្តសញ្ញាណរបស់បណ្តាយុទ្ធជនពលី។ នោះគឺជាបំណងប្រាថ្នារបស់ក្រុមគ្រួសារ របស់ម្តាយៗ របស់សមមិត្ត... ហើយយើងខ្ញុំទន្ទឹងរង់ចាំទទួលវីរយុទ្ធជនពលីវិលត្រឡប់មកវិញជាមួយអត្តសញ្ញាណរបស់ខ្លួន»។

បន្តរៀបចំជើងហោះហើរដឹកជញ្ជូនគំរូ

នេះគឺជាជើងហោះហើរលើកទី ២ ក្នុងការដឹកជញ្ជូន និងប្រគល់គំរូជីវសាស្ត្រអដ្ឋិធាតុយុទ្ធជនពលីបម្រើការធ្វើកោសល្យវិច័យ ADN ពីទីក្រុង Ho Chi Minh ទៅកាន់ Ha Noi។

មុននោះ កាលពីថ្ងៃទី ២១ ខែសីហា ជើងហោះហើរលើកដំបូងបានដឹកជញ្ជូនគំរូអដ្ឋិធាតុយុទ្ធជនពលីចំនួន ៧.១០៤ គំរូ។

ឧត្តមសេនីយ៍ទោ Nguyen Huy Tuan អនុស្នងការនយោបាយនៃកងទ័ពជើងអាកាស - ការពារដែនអាកាស បានឱ្យដឹងថា៖ «ដើម្បីបន្តអនុវត្តយុទ្ធនាការ ៥០០ ថ្ងៃយប់ កងទ័ពជើងអាកាស - ការពារដែនអាកាស នឹងបន្តសហការជាមួយគណៈកម្មាធិការដឹកនាំការស្វែងរក ប្រមូល និងកំណត់អត្តសញ្ញាណនៃបណ្តាយោធភូមិភាគ ក៏ដូចជាបណ្តាខេត្ត និងបញ្ជាការដ្ឋានយោធាក្រុង ដើម្បីបន្តអនុវត្តបណ្តាជើងហោះហើរដឹកជញ្ជូនឱ្យបានទាន់ពេលវេលាបំផុត លឿនបំផុត ដិតដល់បំផុត និងប្រកបដោយការគោរពបំផុត»។

ទន្ទឹមនឹងការពន្លឿនការប្រមូល និងប្រគល់គំរូជីវសាស្ត្រ ការងារស្វែងរក ប្រមូល និងកំណត់អត្តសញ្ញាណអដ្ឋិធាតុយុទ្ធជនពលី បន្តត្រូវបានបណ្តាមូលដ្ឋានអនុវត្តយ៉ាងខ្លាំងក្លា។

នេះទើបជាភារកិច្ចនយោបាយដ៏មានសារៈសំខាន់ពិសេសផង និងទើបជាការបង្ហាញនូវការទទួលខុសត្រូវ មនោសញ្ចេតនា និងសីលធម៌ «ផឹកទឹកនឹកដល់ប្រភពដើម» របស់ប្រជាជាតិផងដែរ៕

វៀតណាម - ឡាវ រុញច្រានកិច្ចសហប្រតិបត្តិការបណ្តុះបណ្តាលកម្មាភិបាល ការស្វែងរក និងការប្រមូលផ្តុំអដ្ឋិធាតុយុទ្ធជនពលី យុគសម័យ - នៅក្នុងដំណើរទស្សនកិច្ចផ្លូវការនៅប្រទេសឡាវ នាថ្ងៃទី ០៥ ខែសីហា អ្នកដឹកនាំកងទ័ពនៃប្រទេសទាំងពីរ បានបញ្ជាក់ពីការបន្តបង្កើនការសម្របសម្រួលអំពីកិច្ចការបក្ស កិច្ចការនយោបាយ ការបណ្តុះបណ្តាលកម្មាភិបាល ការគ្រប់គ្រងព្រំដែន ព្រមទាំងការស្វែងរក និងការប្រមូលផ្តុំអដ្ឋិធាតុយុទ្ធជនពលី ដោយរួមចំណែកធ្វើឱ្យកាន់តែស៊ីជម្រៅថែមទៀតនូវទំនាក់ទំនងមិត្តភាពពិសេស វៀតណាម - ឡាវ។

បណ្តាមូលដ្ឋានជាច្រើនជំរុញល្បឿននៃការយកសំណាក ADN ដើម្បីកំណត់អត្តសញ្ញាណអដ្ឋិធាតុយុទ្ធជនពលី យុគសម័យ - នាបណ្តាថ្ងៃដំបូងនៃខែសីហា ឆ្នាំ ២០២៦ ខេត្ត Thanh Hoa, Dak Lak, Khanh Hoa និង Thai Nguyen បានលាតត្រដាងព្រមៗគ្នានូវការយកសំណាកជីវសាស្ត្រអដ្ឋិធាតុយុទ្ធជនពលីដែលមិនទាន់កំណត់បានព័ត៌មាន។ បណ្តាសំណាកជីវសាស្ត្រត្រូវបានប្រគល់ជូនដើម្បីធ្វើកោសល្យវិច័យ ADN បំពេញបន្ថែមទិន្នន័យមូលដ្ឋាន បម្រើឱ្យកិច្ចការកំណត់អត្តសញ្ញាណអដ្ឋិធាតុយុទ្ធជនពលី។

ឌឿងង្វៀន