រួមគ្នាដកសាងមូលដ្ឋានគ្រឹះរូបវន្តដ៏រឹងមាំសម្រាប់ទំនាក់ទំនងទ្វេភាគីវៀតណាម-ចិន

រួមគ្នាដកសាងមូលដ្ឋានគ្រឹះរូបវន្តដ៏រឹងមាំសម្រាប់ទំនាក់ទំនងទ្វេភាគីវៀតណាម-ចិន

ក្នុងកិច្ចចរចានេះ សមមិត្តលេខាធិការប្រចាំការនៃគណៈលេខា Tran Cam Tu បានថ្លែងអំណរគុណយ៉ាងស្មោះត្រង់ចំពោះបក្ស និងរដ្ឋចិន ដែលបានផ្តល់ការទទួលបដិសណ្ឋារកិច្ចយ៉ាងយកចិត្តទុកដាក់ និងកក់ក្តៅបំផុត ចំពោះដំណើរទស្សនកិច្ចផ្លូវរដ្ឋនៅប្រទេសចិនរបស់លោកអគ្គលេខាបក្ស និងជាប្រធានរដ្ឋ To Lam និងគណៈប្រតិភូជាន់ខ្ពស់វៀតណាម។

ភាគីទាំងពីរបានសម្តែងនូវភាពរីករាយ ដោយស្ថិតក្រោមការដឹកនាំ និងការតម្រង់ទិសរបស់លោកអគ្គលេខាបក្ស និងជាប្រធានរដ្ឋនៃប្រទេសទាំងពីរ ទំនាក់ទំនងរវាងបក្សទាំងពីរ និងរដ្ឋទាំងពីរវៀតណាម - ចិន បានអភិវឌ្ឍយ៉ាងវិជ្ជមាន គ្រប់ជ្រុងជ្រោយ និងកាន់តែឈានចូលដល់ជម្រៅជាក់ស្តែង។ ជាពិសេស ការផ្លាស់ប្តូរ និងកិច្ចសហប្រតិបត្តិការតាមច្រកបក្ស បាននិងកំពុងលើកកម្ពស់មិនឈប់ឈរនូវតួនាទីត្រួសត្រាយផ្លូវ និងតម្រង់ទិសយុទ្ធសាស្ត្រ ក្នុងការជ្រាបចូល និងជំរុញការអនុវត្តប្រកបដោយប្រសិទ្ធភាពនូវរាល់ការយល់ដឹងរួមជាន់ខ្ពស់បានទាន់ពេលវេលា។

ដោយអះអាងនូវលទ្ធផលដ៏ល្អប្រសើរនៃកិច្ចចរចាជាន់ខ្ពស់រវាងលោកអគ្គលេខាបក្ស និងជាប្រធានរដ្ឋនៃប្រទេសទាំងពីរ ភាគីទាំងពីរបានផ្លាស់ប្តូរមតិអំពីបណ្តាវិធានការដើម្បីបន្តធ្វើឱ្យការយល់ដឹងរួមរវាងលោកអគ្គលេខាបក្ស និងជាប្រធានរដ្ឋទាំងពីរក្លាយជាការពិត រួមគ្នាលើកកម្ពស់ឧត្តមភាពពិសេស និងតួនាទីដឹកនាំយុទ្ធសាស្ត្រនៃច្រកបក្សចំពោះទំនាក់ទំនងទ្វេភាគី រួមចំណែកបន្តកំណត់រូបរាង លើកកម្ពស់ការផ្សារភ្ជាប់យុទ្ធសាស្ត្រ និងបង្កើតកម្រិតខ្ពស់ថ្មីសម្រាប់ទំនាក់ទំនងវៀតណាម - ចិន ក្នុងដំណាក់កាលថ្មី។

ភាគីទាំងពីរបានឯកភាពរក្សាការប្រាស្រ័យទាក់ទងជាទៀងទាត់រវាងថ្នាក់ដឹកនាំជាន់ខ្ពស់បំផុតនៃបក្សទាំងពីរ និងរដ្ឋទាំងពីរ តាមរយៈរូបភាពបត់បែនជាច្រើន; លើកកម្ពស់ឱ្យបានល្អនូវតួនាទីដឹកនាំនៃយន្តការជំនួបជាន់ខ្ពស់តាមច្រកបក្ស និងតួនាទីសម្របសម្រួលនៃយន្តការជំនួបប្រចាំឆ្នាំរវាងគណៈកម្មាធិការបក្សនៃក្រសួងការបរទេសវៀតណាម និងគណៈទាក់ទងបរទេសនៃមជ្ឈិមបក្សកុម្មុយនីស្តចិន; អនុវត្តឱ្យបានល្អនូវផែនការសហប្រតិបត្តិការរវាងបក្សទាំងពីរដំណាក់កាល ២០២៦-២០៣០ ក្នុងនោះមានកិច្ចសហប្រតិបត្តិការបណ្តុះបណ្តាលកម្មាភិបាល ជាពិសេសគឺកម្មាភិបាលថ្នាក់យុទ្ធសាស្ត្រ; លើកកម្ពស់កិច្ចសហប្រតិបត្តិការទ្រឹស្តីរវាងបក្សទាំងពីរ ឆាប់កំណត់ប្រធានបទ និងផែនការរៀបចំសិក្ខាសាលាទ្រឹស្តីលើកទី ២១ រវាងបក្សទាំងពីរ; បង្កើនការផ្លាស់ប្តូរមិត្តភាព និងកិច្ចសហប្រតិបត្តិការជាក់ស្តែងរវាងស្ថាប័នប្រហាក់ប្រហែលគ្នានៃបក្សទាំងពីរនៅថ្នាក់មជ្ឈិម និងបណ្តាអង្គការបក្សនៅមូលដ្ឋាន ជាពិសេសគឺបណ្តាមូលដ្ឋាននៅជាប់ព្រំដែន។ បក្សកុម្មុយនីស្តចិនបានអះអាងថា ត្រៀមខ្លួនជាស្រេចក្នុងការបន្តចែករំលែកបទពិសោធន៍យ៉ាងសកម្ម និងសម្របសម្រួលជាមួយវៀតណាមក្នុងដំណើរការកសាងសារមន្ទីរបក្សកុម្មុយនីស្តវៀតណាម។

សមមិត្តលេខាធិការប្រចាំការនៃគណៈលេខា Tran Cam Tu បានស្នើឱ្យភាគីទាំងពីរសម្របសម្រួលគ្នាឱ្យបានជិតស្និទ្ធ បង្កើនកម្រិតទំនុកចិត្តយុទ្ធសាស្ត្រឱ្យកាន់តែខ្ពស់ ធានាសន្តិសុខនយោបាយ បង្កើនកិច្ចសហប្រតិបត្តិការរវាងស្ថាប័នសំខាន់ៗ និងជាទៀងទាត់នៃប្រទេសទាំងពីរ អនុវត្តប្រកបដោយប្រសិទ្ធភាពនូវយន្តការកិច្ចសន្ទនាយុទ្ធសាស្ត្រ 3+3 ថ្នាក់រដ្ឋមន្ត្រីការបរទេស សន្តិសុខសាធារណៈ និងការពារជាតិ; ដោះស្រាយឱ្យបានសមស្របនូវរាល់ការខ្វែងគំនិតគ្នា ផ្អែកលើមូលដ្ឋាននៃការយល់ដឹងរួមជាន់ខ្ពស់ និងសមស្របតាមច្បាប់អន្តរជាតិ រួមគ្នារក្សាបរិយាកាសសន្តិភាព និងស្ថិរភាពសម្រាប់ប្រទេសទាំងពីរ។

សមមិត្តលេខាធិការប្រចាំការនៃគណៈលេខា បានស្នើឱ្យភាគីទាំងពីរបង្កើតការផ្សារភ្ជាប់គ្នាកាន់តែជិតស្និទ្ធបន្ថែមទៀតនៅក្នុងកិច្ចសហប្រតិបត្តិការ រួមគ្នាដកសាងមូលដ្ឋានគ្រឹះរូបវន្តដ៏រឹងមាំសម្រាប់ទំនាក់ទំនងទ្វេភាគី ដោយផ្តោតសំខាន់លើការជំរុញការលើកកម្ពស់ការតភ្ជាប់ហេដ្ឋារចនាសម្ព័ន្ធយុទ្ធសាស្ត្រ ផ្តល់អាទិភាពខ្ពស់បំផុតសម្រាប់កិច្ចសហប្រតិបត្តិការផ្លូវដែក ជំរុញពាណិជ្ជកម្មឱ្យមានការអភិវឌ្ឍប្រកបដោយតុល្យភាព និងចីរភាពជាងមុន ព្រមទាំងលើកកម្ពស់ការផ្សារភ្ជាប់គ្នាបន្ថែមទៀតលើផ្នែកវិទ្យាសាស្ត្របច្ចេកវិទ្យា នវានុវត្តន៍ និងការផ្លាស់ប្តូរឌីជីថល។

សមមិត្តលេខាធិការប្រចាំការនៃគណៈលេខា មានបំណងចង់ឱ្យភាគីទាំងពីររុញច្រានឱ្យកាន់តែខ្លាំងក្លានូវការផ្លាស់ប្តូររវាងប្រជាជន និងប្រជាជន អនុវត្តឱ្យបានល្អនូវឆ្នាំកិច្ចសហប្រតិបត្តិការទេសចរណ៍វៀតណាម - ចិន ២០២៦-២០២៧ តាមគំនិតផ្តួចផ្តើមរបស់លោកអគ្គលេខាបក្ស និងជាប្រធានរដ្ឋនៃប្រទេសទាំងពីរ; បង្កើនកិច្ចសហប្រតិបត្តិការលើវិស័យវប្បធម៌ និងអប់រំ; បន្តសម្របសម្រួលយ៉ាងជិតស្និទ្ធ និងគាំទ្រគ្នាទៅវិញទៅមកក្នុងការធ្វើជាម្ចាស់ផ្ទះរៀបចំព្រឹត្តិការណ៍អន្តរជាតិសំខាន់ៗ ដូចជាឆ្នាំ APEC 2026 នៅប្រទេសចិន និងឆ្នាំ APEC 2027 នៅប្រទេសវៀតណាម។

ដោយសម្តែងនូវការឯកភាពខ្ពស់ចំពោះមតិរបស់សមមិត្តលេខាធិការប្រចាំការនៃគណៈលេខា Tran Cam Tu សមមិត្ត Thai Ky បានសង្កត់ធ្ងន់លើសារៈសំខាន់ពិសេសដែលមិនអាចជំនួសបាននៃការផ្លាស់ប្តូរយុទ្ធសាស្ត្ររវាងថ្នាក់ដឹកនាំជាន់ខ្ពស់បំផុតនៃបក្សទាំងពីរ; លោកបានស្នើឱ្យភាគីទាំងពីរសម្របសម្រួលគ្នាធានាឱ្យបានល្អនូវការផ្លាស់ប្តូរយុទ្ធសាស្ត្រជាទៀងទាត់ តាមរូបភាពបត់បែនរវាងលោកអគ្គលេខាបក្ស និងជាប្រធានរដ្ឋនៃប្រទេសទាំងពីរ។

សមមិត្ត Thai Ky បានស្នើឱ្យភាគីទាំងពីរប្រញាប់ប្រញាល់អនុវត្ត និងធ្វើឱ្យការយល់ដឹងរួមជាន់ខ្ពស់ដែលសម្រេចបានក្នុងដំណើរទស្សនកិច្ចលើកនេះរបស់លោកអគ្គលេខាបក្ស និងជាប្រធានរដ្ឋ To Lam ក្លាយជាសកម្មភាពជាក់ស្តែង បន្តធ្វើឱ្យកាន់តែស៊ីជម្រៅនូវការផ្លាស់ប្តូរ និងកិច្ចសហប្រតិបត្តិការរវាងបក្សទាំងពីរលើការផ្លាស់ប្តូរទ្រឹស្តី ការចែករំលែកបទពិសោធន៍អំពីការកសាងបក្ស និងការគ្រប់គ្រងប្រទេស ដោយមិនឈប់ឈរលើកកម្ពស់តួនាទីគន្លឹះ និងការដឹកនាំនៃទំនាក់ទំនងបក្សទាំងពីរចំពោះការអភិវឌ្ឍនៃទំនាក់ទំនងទ្វេភាគី។

សមមិត្ត Thai Ky បានអះអាងថា ចិនត្រៀមខ្លួនជាស្រេចក្នុងការចែករំលែកឱកាសអភិវឌ្ឍន៍ជាមួយវៀតណាម ក្នុងដំណើរការអនុវត្តផែនការអភិវឌ្ឍន៍សេដ្ឋកិច្ច-សង្គម ៥ ឆ្នាំ លើកទី ១៥; រួមដៃគ្នាជំរុញការធ្វើទំនើបកម្ម បង្កើតការបំបែកទម្លាយ និងចំណុចលេចធ្លោក្នុងវិស័យសហប្រតិបត្តិការថ្មីៗ ជាពិសេសគឺវិទ្យាសាស្ត្របច្ចេកវិទ្យា នវានុវត្តន៍ និងការបណ្តុះបណ្តាលធនធានមនុស្សប្រកបដោយគុណភាពខ្ពស់។

ថ្នាក់ដឹកនាំទាំងពីរក៏បានឯកភាពបង្កើនការផ្លាស់ប្តូររវាងប្រជាជន និងប្រជាជនបន្ថែមទៀត អនុវត្តឱ្យបានល្អនូវកម្មវិធីសហប្រតិបត្តិការមិត្តភាព ដូចជាដំណើរក្រហម ការផ្លាស់ប្តូរប្រជាជននៅតាមព្រំដែន; រួមគ្នាគ្រប់គ្រង និងដោះស្រាយការខ្វែងគំនិតគ្នាឱ្យកាន់តែល្អប្រសើរ ផ្អែកលើមូលដ្ឋាននៃការយល់ដឹងរួមជាន់ខ្ពស់ និងសមស្របតាមច្បាប់អន្តរជាតិ៕

លើកកម្ពស់ប្រពៃណីមិត្តភាពវៀតណាម-ចិន និងបង្កើនកម្រិតនៃការតភ្ជាប់យុទ្ធសាស្ត្រក្នុងដំណាក់កាលអភិវឌ្ឍន៍ថ្មី យុគសម័យ - នៅមុនដំណើរទស្សនកិច្ចផ្លូវរដ្ឋទៅកាន់ប្រទេសចិន លោកអគ្គលេខាបក្ស និងជាប្រធានរដ្ឋ To Lam បានមានអត្ថបទដ៏មានសារៈសំខាន់មួយដែលត្រូវបានចុះផ្សាយក្នុងកាសែតប្រជាជនប្រចាំថ្ងៃរបស់ប្រទេសចិន ក្រោមចំណងជើងថា៖ “លើកកម្ពស់ប្រពៃណីមិត្តភាពវៀតណាម-ចិន និងបង្កើនកម្រិតនៃការតភ្ជាប់យុទ្ធសាស្ត្រក្នុងដំណាក់កាលអភិវឌ្ឍន៍ថ្មី”។ ខាងក្រោមនេះគឺជាខ្លឹមសារទាំងស្រុងនៃអត្ថបទរបស់លោកអគ្គលេខាបក្ស និងជាប្រធានរដ្ឋ To Lam៖

ប្រជាជនជាមិត្តចិនរួមវិភាគទានដល់ការអភិវឌ្ឍន៍ប្រកបដោយចីរភាពនៃទំនាក់ទំនងវៀតណាម-ចិន អគ្គលេខាបក្ស និងជាប្រធានរដ្ឋលោក To Lam ជឿជាក់ថា ប្រតិភូនីមួយៗក្នុងកិច្ចប្រជុំ មិនថាពួកគេជានរណា ឬស្ថិតក្នុងឋានៈអ្វីនោះទេ សុទ្ធតែមានបំណងប្រាថ្នារួមដ៏អស្ចារ្យសម្រាប់ទំនាក់ទំនងវៀតណាម-ចិន “បៃតង និងនិរន្តរភាព”។

ហេង វុធ្ធី