ក្រសួងឧស្សាហកម្ម និងពាណិជ្ជកម្មវៀតណាមបានឲ្យដឹងថា ក្នុងដំណាក់កាល ២០១៦-២០២០ វៀតណាមសម្រេចបានការវិវឌ្ឍដ៏លេចធ្លោលើវិស័យថាមពលកកើតឡើងវិញ រួមចំណែកដល់ការអភិរក្សធនធានថាមពល កាត់បន្ថយផលប៉ះពាល់អវិជ្ជមានដល់បរិស្ថាន និងការប្រែប្រួលអាកាសធាតុក្នុងការផលិតអគ្គិសនី។
រូបថតឧទាហរណ៍
នៅចុងឆ្នាំ ២០២០ សមត្ថភាពសរុបនៃប្រភពអគ្គិសនីទាំងឡាយដែលមកពីថាមពលកកើតឡើងវិញរបស់វៀតណាមសម្រេចបានប្រមាណ ៦០០០ មេហ្គាវ៉ាត់ ដែលក្នុងនោះអគ្គិសនីពីថាមពលពន្លឺព្រះអាទិត្យមានប្រមាណ ៥,២៩០ មេហ្កាវ៉ាត់ និងអគ្គិសនីដើរដោយខ្យល់មានប្រមាណ ៥០០ មេហ្កាវ៉ាត់។ បរិមាណអគ្គិសនីដែលបានផ្គត់ផ្គង់ពីប្រភពថាមពលកកើតឡើងវិញបានកើនឡើងជាលំដាប់ពី ៣២០ លានគីឡូវ៉ាត់ម៉ោងដែលស្មើនឹងប្រមាណ ០,៤១% នៃប្រព័ន្ធទាំងមូលក្នុងឆ្នាំ ២០១៦ ដល់ប្រមាណ ៨ ពាន់លានគីឡូវ៉ាត់ម៉ោង ដែលស្មើនឹង ២.៥៣% នៃប្រព័ន្ធទាំងមូលក្នុងឆ្នាំ ២០២០៕
（ប្រភពព័ត៌មាន: kh.qdnd.vn）
មតិពីមិត្តអ្នកអាន