ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម នាព្រឹកថ្ងៃទី៧ ខែមករា ឆ្នាំ២០២៣ នៅច្រកទ្វារអន្តរជាតិម៉ុកបៃ (ខេត្ដ Tay Ninh) គណៈប្រតិភូកងរាជអាវុធហត្ថខេត្តស្វាយរៀង និងប៉ុស្ដិ៍នគរបាលច្រកទ្វារអន្តរជាតិបាវិតដឹកនាំដោយលោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង បានអញ្ជើញទៅសួរសុខទុក្ខ និងជូនពរឆ្នាំថ្មីប្រពៃណីជាតិវៀតណាមជូនចំពោះអតីតថ្នាក់ដឹកនាំក្រសួងនគរបាល ថ្នាក់ដឹកនាំខេត្ត Tay Ninh និងកម្មាភិបាលនិងយុទ្ធជននៃបញ្ជាការដ្ឋានកងទ័ពការពារព្រំដែនខេត្ត Tay Ninh ។
 កម្មវិធីជួបប្រាស្រ័យមិត្តភាពនិងកិច្ចសហប្រតិបត្តិការរវាងប្រជាជនវៀតណាម-កម្ពុជាលើកទី៥ |
 ការផ្លាស់ប្តូរមិត្តភាពរវាងយុវជននៃកងកម្លាំងប្រដាប់អាវុធវៀតណាម និងកម្ពុជា |
 |
| កងរាជអាវុធហត្ថខេត្តស្វាយរៀងជូនពរឆ្នាំថ្មីប្រពៃណីជាតិវៀតណាមជូនចំពោះបញ្ជាការដ្ឋានកងទ័ពការពារព្រំដែនខេត្ត Tay Ninh (រូបថត៖bienphong.com.vn) |
តាងនាមកម្មាភិបាលនិងយុទ្ធជននៃអង្គភាព លោកឧត្តមសេនីយ៍ត្រី សែ វុទ្ធី បានជូនពរឆ្នាំថ្មីប្រពៃណីជាតិវៀតណាមជូនចំពោះអតីតថ្នាក់ដឹកនាំក្រសួងនគរបាល ថ្នាក់ដឹកនាំខេត្ត Tay Ninh និងកម្មាភិបាលនិងយុទ្ធជននៃកងទ័ពការពារព្រំដែនខេត្ដ Tay Ninh ហើយសូមប្រសិទ្ធពរឱ្យចំណងសាមគ្គីភាពមិត្តភាពរវាងវៀតណាម និងកម្ពុជានិយាយរួម និងកងរាជអាវុធហត្ថខេត្តស្វាយរៀង និងបញ្ជាការដ្ឋានកងទ័ពព្រំដែនខេត្ត Tay Ninh និយាយដោយឡែកកាន់តែរឹងមាំ ស្អិតរមួត និងអភិវឌ្ឍន៍ជារៀងរហូត។
តាងនាមបញ្ជាការដ្ឋានកងទ័ពការពារព្រំដែនខេត្ត Tay Ninh លោកវរសេនីយ៍ឯក Le Hong Vuong មេបញ្ជាការបញ្ជាការដ្ឋានកងទ័ពការពារព្រំដែនខេត្ត Tay Ninh បានថ្លែងអំណរគុណយ៉ាងជ្រាលជ្រៅចំពោះមនោសញ្ចេតនាដ៏មានតម្លៃរបស់លោកឧត្តមសេនីយ៍ត្រី សែ វុទ្ធី ក៏ដូចជាកងរាជអាវុធហត្ថខេត្តស្វាយរៀងជូនចំពោះបញ្ជាការដ្ឋានកងទ័ពការពារព្រំដែនខេត្ដ Tay Ninh ទន្ទឹមនឹងនោះក៏បានថ្លែងអំណរគុណចំពោះការគាំទ្ររបស់កងរាជអាវុធហត្ថខេត្តស្វាយរៀងដែលបានសម្របសម្រួលជាមួយបញ្ជាការដ្ឋានកងទ័ពការពារព្រំដែនខេត្ត Tay Ninh ក្នុងការជួយជនវៀតណាមដែលកំពុងធ្វើការនៅកម្ពុជាឱ្យត្រឡប់ទៅកាន់វៀតណាមវិញ និងបានទប់ស្កាត់អង្គការនាំជនវៀតណាមឆ្លងដែនខុសច្បាប់ក្នុងរយៈពេលកន្លងមក៕
មតិពីមិត្តអ្នកអាន