Venezuela បដិសេធការគំរាមកំហែងចំពោះការដាក់ទណ្ឌកម្មរបស់សហភាពអឺរ៉ុប
នាថ្ងៃទី ២៣ ខែឧសភា ក្រសួងការបរទេស Venezuela បានចេញសេចក្តី ប្រកាសមួយដែលបដិសេធលើការចោទប្រកាន់របស់សហភាពអឺរ៉ុប។ សេចក្តី ប្រកាសរបស់ Venezuela បានបញ្ជាក់ថា ការរិះគន់របស់សហភាពអឺរ៉ុបមិន ប៉ះពាល់ដល់ទំនុកទុកចិត្តនៃការបោះឆ្នោតប្រជាធិបតេយ្យដែលត្រូវបានទទួលស្គាល់ដោយអ្នកសង្កេតការណ៍ជាតិអន្តរជាតិនិងប្រទេសផ្សេងៗជាច្រើនទៀតនោះ ដែរ។រដ្ឋាភិបាល Venezuela ស្នើឱ្យសហភាពអឺរ៉ុបគោរពច្បាប់អន្តរជាតិ ក៏ដូចជា គោលជំហរដែលមិនជ្រៀតជ្រែកក្នុងកិច្ចការផ្ទៃក្នុងរបស់បណ្តាប្រទេសដទៃទៀតព្រមទាំងគោរពអធិបតេយ្យភាពនិងសិទ្ធិប្តេជ្ញាចិត្តរបស់បណ្តាប្រជាជាតិផងដែរ។
រីឯការបោះឆ្នោតនៅ Venezuela ប្រធានក្រុមប្រឹក្សាជំនាញការខាងបោះឆ្នោត អាមេរិកឡាទីន (Ceela) លោក Nicanor Moscoso បានបញ្ជាក់ពី តម្លាភាព និង ធានាភាពសម្ងាត់នៃប្រព័ន្ធបោះឆ្នោតរបស់ប្រទេសអាមេរិចខាងត្បូងនេះ។ ទន្ទឹម នឹងនេះ អ្នកសង្កេតការណ៍មកពីសហភាពអាហ្រ្វិក (AU) អេស្ប៉ាញ ស៊ីរី និង ប៉ាឡេស្ទីន ក៏បានសំដែងការទទួលស្គាល់នូវលទ្ធផលនៃការបោះឆ្នោតដែល ប្រកាសចេញដោយគណៈកម្មាធិការបោះឆ្នោតជាតិនៃប្រទេស Venezuela ដែរ៕
（ប្រភពព័ត៌មាន:
តាម VOV5-វិទ្យុសម្លេងវៀតណាម）