ទីក្រុងហាណូយអភិវឌ្ឍផលិតផលភូមិសិប្បកម្មប្រពៃណីដើម្បីបំរើភ្ញៀវទេសចរ

ការអភិវឌ្ឍផលិតផលភូមិសិប្បកម្មប្រពៃណីសម្រាប់បម្រើភ្ញៀវទេសចរ ក្នុងគោលបំណងឧទ្ទេសនាមអំពីតម្លៃវប្បធម៌របស់ទីក្រុងហាណូយដល់ភ្ញៀវទេសចរ បានរួមចំណែកជំរុញការអភិវឌ្ឍផលិតកម្មភូមិសិប្បកម្មឲ្យកាន់តែរីកចម្រើន និងអះអាងអំពីតួនាទីនៃវត្ថុអនុស្សាវរីយ៍របស់វៀតណាមជាជំហានៗ។

នារសៀលថ្ងៃទី ២ ៣ ទីក្រុងហាណូយ យោងតាមព័ត៌មាននៅក្នុងសិក្ខាសាលារវាងមន្ទីរទេសចរណ៍ហាណូយ និងសិប្បករនិងមូលដ្ឋានផលិតកម្មនៅភូមិរបរហាណូយ បានឲ្យដឹងថាមានភូមិសិប្បកម្មប្រមាណ ១.៣៥០ ដែលក្នុងនោះមានភូមិសិប្បកម្មប្រពៃណីគួរឲ្យកត់សម្គាល់ជាង ៣០០ ។

លោក Tran Duc Hai នាយកមន្ទីរទេសចរណ៍ទីក្រុងហាណូយ បានមានប្រសាសន៍ថា ចាប់តាំងពីទីក្រុងហាណូយអនុវត្តការអភិវឌ្ឍទេសចរណ៍ដោយផ្សារភ្ជាប់ជាមួយភូមិរបរនានានោះ ការផលិតផលិផលវត្ថុអនុស្សាវរីយ៍ក៏មានការផ្លាស់ប្តូរជាច្រើនជាងកាលពីមុនផងដែរ។ 

ទោះជាយ៉ាងណាក៏ដោយ ដើម្បីអភិវឌ្ឍឲ្យបានល្អគឺចាំបាច់ត្រូវការវិនិយោគកាន់តែច្រើនថែមទៀត ហើយផលិតផលត្រូវតែឆ្លើយតបនឹងតម្រូវការរបស់ភ្ញៀវទេសចរ។ មន្ទីរទេសចរណ៍ហាណូយក្នុងតួនាទីជាស្ថាប័នគ្រប់គ្រងវិស័យទេសចរណ៍ នឹងបង្កលភាពងាយស្រួលយ៉ាងខ្លាំងបំផុតសម្រាប់ការអភិវឌ្ឍន៍ ផលិតផលវត្ថុអនុស្សាវរីយ៍សម្រាប់ភ្ញៀវទេសចរផងដែរ៕