វៀតណាមបញ្ជាក់ពីភាពចាំបាច់ដើម្បីថែរក្សាសន្តិភាពប្រកបដោយចីរភាពនិងស្ថេរភាពនៅសមុទ្រខាងកើត

09:55 2020/11/21

យុគសម័យ - ចាំបាច់ក្នុងការថែរក្សាសន្តិភាពប្រកបដោយស្ថេរភាពនិងស្ថិរភាពនៅសមុទ្រខាងកើត។ នេះគឺជាខ្លឹមសារនៃការឆ្លើយតបរបស់អ្នកនាំពាក្យក្រសួងការបរទេសវៀតណាមស្តីពីបញ្ហាសមុទ្រខាងកើត ដែលត្រូវលើកយកមកពិភាក្សាក្នុងកិច្ចប្រជុំកំពូលអាស៊ានលើកទី ៣៧ និងកិច្ចប្រជុំកំពូលអាស៊ីបូព៌ា (EAS) លើកទី១៥ ។

វៀតណាមបញ្ជាក់ពីភាពចាំបាច់ដើម្បីថែរក្សាសន្តិភាពប្រកបដោយចីរភាពនិងស្ថេរភាពនៅសមុទ្រខាងកើត
លោកស្រី​ Le Thi Thu Hang អ្នកនាំពាក្យក្រសួងការបរទេសវៀតណាម

នារសៀលថ្ងៃទី ១៩ ខែវិច្ឆិកានៅសន្និសីទសារព័ត៌មានវិសាមញ្ញនៃក្រសួងការបរទេសវៀតណាម លោកស្រី​ Le Thi Thu Hang អ្នកនាំពាក្យក្រសួងការបរទេសបានថ្លែងថា៖ «នៅក្នុងកិច្ចប្រជុំកំពូលអាស៊ានលើកទី ៣៧ និងកិច្ចប្រជុំកំពូលអាស៊ីបូព៌ាលើកទី ១៥ តំណាងនៃប្រទេសជាច្រើនបានសម្តែងការព្រួយបារម្ភអំពីស្ថានភាពសមុទ្រខាងកើតនិងបានបញ្ជាក់ពីភាពចាំបាច់ដើម្បីរក្សាសន្តិភាពប្រកបដោយស្ថិរភាពនិងយូរវែងនៅលើដែនសមុទ្រសំខាន់ៗនៃតំបន់នេះ។ ដើម្បីសំរេចបាននូវគោលដៅនេះ ប្រទេសនានាចាំបាច់ត្រូវលើកកំពស់ស្មារតីទទួលខុសត្រូវជាពិសេសចៀសវាងសកម្មភាពដែលអាចបង្កើនភាពតានតឹងធ្វើឱ្យកានើតែស្មុគស្មាញដល់ស្ថានភាពនិងមិនធ្វើយោធូបនីយកម្មផងដែរ។

បណ្តាប្រទេសទាំងនោះក៏បានបញ្ជាក់ថា ចាំបាច់ត្រូវប្រកាន់ខ្ជាប់នូវច្បាប់អន្តរជាតិ រួមមានអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS ១៩៨២) និងស្ថិតនៅក្នុងក្របខ័ណ្ឌច្បាប់សម្រាប់សកម្មភាពទាំងអស់នៅសមុទ្រនិងការដោះស្រាយជម្លោះដោយសន្តិវិធីផងដែរ។ ទន្ទឹមនឹងនេះដែរ បណ្តាប្រទេសនានាបានអំពាវនាវឱ្យអាស៊ាននិងចិនបង្កើនការអនុវត្តន៍ពេញលេញនៃសេចក្តីប្រកាសស្តីពីការប្រតិបត្តិរបស់ភាគីនានានៅសមុទ្រខាងកើត (DOC) និងព្យាយាមបន្តការចរចាស្តីពីក្រមប្រតិបត្តិរបស់ភាគីនានានៅសមុទ្រខាងកើតប្រកបដោយប្រសិទ្ធភាព និងអនុលោមតាមច្បាប់អន្តរជាតិ ក្នុងនោះរួមមានអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS ១៩៨២) ផងដែរ៕

(បកប្រែដោយ ហេង វុធ្ធី)
(ប្រភពព័ត៌មាន: tapchithongtindoingoai.vn)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll