យុគសម័យ - នារសៀលថ្ងៃទី១៦ខែឧសភានៅឈាបនដ្ឋានយុទ្ធជនពលីខេត្ត Dak Laខេត្ត Dak Lak បានរៀបចំពិធីរំលឹកវិញ្ញាណក្ខ័ន្ធនិងបញ្ចុះអដ្ឋធាតុយុទ្ធជនពលីស្ម័គ្រចិត្តវៀតណាមនិងជំនាញការវៀតណាមដែលពលីកម្មនៅសមរភូមិកម្ពុជា។
អដ្ឋិធាតុរបស់យុទ្ធជនពលីបានបញ្ចុះនៅឈាបនដ្ឋាន Dak Lak (រូបថតៈ TTXVN)
នៅពិធីរំលឹកវិញ្ញាណក្ខ័ន្ធ អនុប្រធានគណៈកម្មាធិការប្រជាជនខេត្ត Dak Lak លោកស្រី H’Yim Kđok បានឲ្យដឹងថា ក្រោយរយៈពេល៧ខែក្នុងឆ្នាំ២០១៧-២០១៨ (ពោលគឺពីខែវិច្ឆិកាដល់ខែឧសភា) ក្រុម K51 (បញ្ជាការដ្ឋានយោធាខេត្ត Dak Lak) បានជំនះពុះពារ ស្វែងរក ប្រមូលផ្តុំនិងធ្វើមាតុភូមិនិវត្តន៍អដ្ឋិធាតុយុទ្ធជនពលី កងទ័ពស្មគ្រចិត្តនិងជំនាញការវៀតណាម ពលីកម្មនៅសមរភូមិខេត្តមណ្ឌលគិរីនៃព្រះរាជាណាចក្រកម្ពុជា (ទាំងអស់នេះមិនទាន់ស្គាល់ឈ្មោះក្នុងនោះមានអដ្ឋិធាតុមួយជាស្រ្តី)។
ក្នុងបរិយាកាសនេះ តំណាងទាំងអស់និងប្រជាជនបានគោរពដាក់កម្រងផ្កា អុជធូបរំលឹកវិញ្ញាណក្ខ័ន្ធ និងសម្តែងនូវការដឹងគុណយ៉ាងជ្រាលជ្រៅចំពោះយុទ្ធជនដែលពលីសាច់ស្រស់ឈាមស្រស់ដើម្បីបុព្វហេតុអន្តរជាតិដ៏ខ្ពុងខ្ពស់។
យុទ្ធជ័យរបស់យុទ្ធជនពលីបានរួមចំណែកធ្វើឲ្យទំព័រប្រវត្តិសាស្ត្ររបស់ប្រទេសទាំងពីរកាន់តែត្រចះត្រចង់។ បន្ទាប់ពីពិធីរំលឹកវិញ្ញាណក្ខ័ន្ធមក អដ្ឋិធាតុយុទ្ធជនពលីបានបញ្ចូនទៅបញ្ចុះក្នុងឈាបនដ្ឋានយុទ្ធជនពលីរបស់ខេត្ត។
សូមគូសបញ្ជាក់ថា អស់រយៈពេល១៧ឆ្នាំ ក្រុម K51 ប្រមូលផ្តុំបានអដ្ឋិធាតុយុទ្ធជនពលីស្ម័គ្រចិត្តនិងជំនាញការវៀតណាមចំនួន៦៥២រូប ដែលពលីកម្មនៅសមរភូមិកម្ពុជា ធ្វើមាតុភូមិនិវត្តន៍៕
（ដោយ ស្រីពេជ្រ）
មតិពីមិត្តអ្នកអាន