លោកឧត្តមសេនីយ៍ឯក Nguyen Chi Vinh អញ្ជើញទទួលជួបអនុព័ន្ធការពារជាតិអាមេរិក

19:50 2019/09/13

យុគសម័យ - នាថ្ងៃទី ១២ ខែកញ្ញា នៅទីស្នាក់ការក្រសួងការពារប្រទេសវៀតណាម លោកឧត្តមសេនីយ៍ឯក Nguyen Chi Vinh អនុរដ្ឋមន្រ្តីក្រសួងការពារប្រទេសវៀតណាម បានអញ្ជើញទទួលជួបលោកវរសេនីយ៍ឯក Thomas Stevenson អនុព័ន្ធការពារជាតិអាមេរិក មកចូលជួបសំដែងការគួរសមក្នុងឱកាសដែលលោកបំពេញបេសកកម្មថ្មីរបស់ខ្លួននៅវៀតណាម។

លោកឧត្តមសេនីយ៍ឯក Nguyen Chi Vinh អញ្ជើញទទួលជួបអនុព័ន្ធការពារជាតិអាមេរិក
លោកឧត្តមសេនីយ៍ឯក Nguyen Chi Vinh អនុរដ្ឋមន្រ្តីក្រសួងការពារប្រទេសវៀតណាម និងលោកវរសេនីយ៍ឯក Thomas Stevenson អនុព័ន្ធការពារជាតិអាមេរិក  (រូបថត៖ qdnd.vn)

ក្នុងជំនួបនេះ លោកឧត្តមសេនីយ៍ឯក Nguyen Chi Vinh បានអបអរសាទរចំពោះលោកវរសេនីយ៍ឯក Thomas Stevenson ដែលត្រូវបានតែងតាំងជាអនុព័ន្ធការពារជាតិអាមេរិកប្រចាំនៅវៀតណាម។ លោកក៏បានសង្កត់ធ្ថន់ថានាពេលថ្មីៗនេះ ទំនាក់ទំនងការពារជាតិរវាងវៀតណាមនិងសហរដ្ឋអាមេរិកបានរីកចម្រើនជាច្រើនគួរឲ្យកត់សម្គាល់ ជាពិសេសគឺក្នុងវិស័យដូចជាការផ្លាស់ប្តូរគណៈប្រតិភូគ្រប់ជាន់ថ្នាក់ ការជំនះនូវផលវិបាកពីសង្គ្រាម ការបណ្តុះបណ្តាល និងការចែករំលែកបទពិសោធន៍ជាដើម។ លោកឧត្តមសេនីយ៍ឯក Nguyen Chi Vinh បានសង្ឃឹមថា ក្នុងឋានៈថ្មីនេះ លោកវរសេនីយ៍ឯក Thomas Stevenson នឹងចូលរួមចំណែកយ៉ាងសកម្មក្នុងការជម្រុញទំនាក់ទំនងការពារជាតិរវាងប្រទេសទាំងពីរឲ្យកាន់តែស៊ីជម្រៅព្រមទាំងនាំមកនូវប្រសិទ្ធភាពជាក់ស្តែងបន្ថែមទៀតផងដែរ។

រីឯខ្លួនវិញ លោកវរសេនីយ៍ឯក  Thmas Stevenson បានថ្លែងអំណរគុណចំពោះ លោកឧត្តមសេនីយ៍ឯក Nguyen Chi Vinh ដែលបានចំណាយពេលដ៏ថ្លៃថ្នូរដើម្បីទទួលជួបលោក ហើយបញ្ជាក់ទៀតថាលោកនឹងប្រឹងប្រែងអស់ពីសមត្ថភាពដើម្បីជំរុញកិច្ចសហប្រតិបត្តិការការពារជាតិរាងវៀតណាម និងអាមេរិកឲ្យកាន់តែល្អប្រសើរថែមទៀតនាពេលខាងមុខ៕
(ហេង វុធ្ធី)
(ប្រភពព័ត៌មាន: (ប្រភព៖ qdnd.vn))
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll