ស្ថានទូតវៀតណាមប្រចាំនៅសហរដ្ឋអាមេរិកបានប្រគល់ជូនដល់រដ្ឋ Maryland ម៉ាស់ចំនួន ១ ម៉ឺន

18:14 2020/08/08

យុគសម័យ - នាថ្ងៃទី ៧ ខែសីហា ស្ថានទូតវៀតណាមប្រចាំនៅសហរដ្ឋអាមេរិកបានប្រគល់ជូនរដ្ឋ Maryland ម៉ាស់ចំនួន ១ ម៉ឺន ដើម្បីបង្ការនិងប្រយុទ្ធប្រឆាំងនឹងជំងឺ Covid-19 ។

ស្ថានទូតវៀតណាមប្រចាំនៅសហរដ្ឋអាមេរិកបានប្រគល់ជូនដល់រដ្ឋ Maryland ម៉ាស់ចំនួន ១ ម៉ឺន

ថ្លែងក្នុងពិធីនោះ លោកឯកអគ្គរដ្ឋទូតវៀតណាមប្រចាំនៅសហរដ្ឋអាមេរិក Ha Kim Ngocបានសម្តែងក្តីសង្ឃឹមថា ចំនួនម៉ាស់ខាងលើនេះនឹងចូលរួមចំណែកក្នុងការបង្ការនិងប្រយុទ្ធប្រឆាំងនឹងជំងឺនេះ នៅរដ្ឋ Maryland និងសង្កត់ធ្ងន់ថា សកម្មភាពនេះបន្តបង្ហាញនូវទំនាក់ទំនងមិត្តភាព កិច្ចសហប្រតិបត្តិការនិងស្មារតីគាំទ្រគ្នាទៅវិញទៅមករវាងរដ្ឋាភិបាលនិងប្រជាជននៃប្រទេសទាំងពីរ រួមទាំងកិច្ចប្រឹងប្រែងរួមគ្នុងការប្រឆាំងនឹងការរាតត្បាតនៃជំងឺ Covid-19 ។

 

លោកឯកអគ្គរដ្ឋទូតវៀតណាមប្រចាំនៅសហរដ្ឋអាមេរិក Ha Kim Ngoc ថតរូប​ជាមួយតំណាងរដ្ឋាភិបាលរដ្ឋ Maryland ។ (រូបថត៖ VOV)

លោកឯកអគ្គរដ្ឋទូតក៏បានកោតសរសើរផងដែរថា រដ្ឋាភិបាលសហរដ្ឋអាមេរិកមានសកម្មភាពជាច្រើន ដើម្បីគាំទ្រដល់ប្រទេសវៀតណាមលើវិស័យសុខភាពការ ចែករំលែកព័ត៌មាន ការស្រាវជ្រាវអំពីជំងឺរាតត្បាតនិងជាពិសេសគឺការបរិច្ចាគម៉ាស៊ីនជំនួយដកដង្ហើមចំនួន ១០០ គ្រឿង ដើម្បីគាំទ្រដល់ការព្យាបាលអ្នកជំងឺ Covid-19 នៅប្រទេសវៀតណាម។

លោករដ្ឋមន្រ្តីកិច្ចការបរទេស រដ្ឋ Maryland  John Wobensmith បានថ្លែងអំណរគុណចំពោះអំណោយដ៏មានអត្ថន័យនេះនិងបានបញ្ជាក់ថា រដ្ឋ Maryland នឹងប្រើប្រាស់យ៉ាងប្រសិទ្ធភាពចំនួនម៉ាស់ដែលប្រគល់ជូនដោយស្ថានទូតវៀតណាម។ លោក John Wobensmith បានបញ្ជាក់ថា នេះគឺជាលទ្ធផលជាក់ស្តែងនៃកិច្ចសហប្រតិបត្តិការកាន់តែធ្វើឲ្យស៊ីជម្រៅថែមទៀតរវាងបណ្តាតំបន់នៃប្រទេសទាំងពីរ។

 

លោកឯកអគ្គរដ្ឋទូត Ha Kim Ngoc ធ្វើការជាមួយតំណាងរដ្ឋាភិបាលនៃរដ្ឋ Maryland។ (រូបថត៖ VOV) 

ក្នុងឱកាសនេះ ឯកអគ្គរដ្ឋទូត Ha Kim Ngoc និងលោក John Wobensmith បានពិភាក្សាអំពីទិសដៅនៃការពង្រឹងកិច្ចសហប្រតិបត្តិការរវាងភាគីទាំងពីរ នាពេលខាងមុខ រួមមានការជំរុញសកម្មភាពពាណិជ្ជកម្មនិងវិនិយោគ។ លោកឯកអគ្គរដ្ឋទូតក៏បានស្នើដល់រដ្ឋាភិបាល រដ្ឋ Maryland បន្តជួយសម្រួលនិងគាំទ្រសហគមន៍វៀតណាមដែលមានប្រជាជនប្រមាណ ៣០.០០០ នាក់កំពុងរស់នៅនិងសិក្សានៅទីនេះ។

 

លោកឯកអគ្គរដ្ឋទូត Ha Kim Ngoc និងរដ្ឋមន្រ្តីកិច្ចការបរទេស រដ្ឋ  Maryland John Wobensmith បានអញ្ជើញចូលរួមនៅក្នុងពិធីប្រគល់ម៉ាស់។(រូបថត៖ VOV) 
ថ្នាក់ដឹកនាំស្ថានទូតនិងរដ្ឋ Maryland សូមថ្លែងអំណរគុណដល់ក្រុមហ៊ុន Ecom Net ដែលជាក្រុមហ៊ុនវៀតណាមបានឧបត្ថម្ភចំនួនម៉ាស់ទាំងនេះ។ តំណាងក្រុមហ៊ុន Ecom Net ក៏បានលើកឡើងដែរថា ក្រុមហ៊ុនកំពុងស្វែងរកទីតាំងនៅសហរដ្ឋអាមេរិក ដើម្បីសាងសង់រោងចក្រផលិតផលិតផលការពាររបស់ប្រទេសវៀតណាម ដើម្បីផ្គត់ផ្គង់ដល់ទីផ្សារអាមេរិក។ តំណាងរដ្ឋ Maryland បានស្វាគមន៍និងបង្កលក្ខណៈងាយស្រួល ដើម្បីក្រុមហ៊ុនអនុវត្តផែនការខាងលើ នាពេល​ខាងមុខឆាប់ៗនេះ ./ .
(បកប្រែដោយឌីណា)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll