ចំណងសាមគ្គីភាពមិត្តភាពវៀតណាម-ឡាវ-កម្ពុជាកាន់តែបានពង្រឹងនិងពង្រីកតាមរយៈកិច្ចសហប្រតិបត្តិការបណ្តុះបណ្តាល

17:27 2018/06/01

យុគសម័យ - នាព្រឹកថ្ងៃទី៣០ឧសភា នៅអង្គភាពទ័ព ៨៧១ (អគ្គស្នងការនយោបាយ) នាយកដ្ឋានសាលា - អគ្គសេនាធិការដ្ឋានកងទ័ពប្រជាជនវៀតណាម បានរៀបចំសន្និសីទបូកសរុបកិច្ចការបណ្តុះបណ្តាលសិក្ខាកាមយោធា ឡាវនិងកម្ពុជា ដំណាក់កាល២០១៥-២០១៧។

វរសេនីយ៍ឯក Pham Duc Tu ថ្លែងមតិក្នុងសន្និសីទ 

អញ្ជើញថ្លែងមតិក្នុងស​ន្និសីទនេះ វរសេនីយ៍ឯក Pham Duc Tu នាយករង នៃនាយកដ្ឋានសាលា បានសង្កត់ធ្ងន់ថា កិច្ចការបណ្តុះបណ្តាលសិក្ខាកាមយោធាបរទេសនៅវៀតណាមនិយាយរួមនិងបណ្តុះបណ្តាលសិក្ខាកាមយោធាឡាវនិងកម្ពុជានិយាយដោយឡែក ជាផ្នែកសំខាន់មួយក្នុងគោលនយោបាយកិច្ចការបរទេសការពារជាតិរបស់បក្ស រដ្ឋនិងកងទ័ពវៀត ណាម សំដៅកសាងនិងការពារមាតុប្រទេស។

យោងតាមលោក Pham Duc Tu ប្រវត្តិសាស្ត្របដិវត្តន៍វៀតណាមនិងប្រវត្តិសាស្ត្រកងទ័ពប្រជា ជនវៀតណាមនៃពាក់កណ្តាលសតវត្សកន្លងទៅជាសក្ខីភាពថា ចំណងមិត្តភាពនិងទំនាក់ទំនងសហប្រតិបត្តិការពិសេសរវាងកងទ័ពប្រជាជន វៀតណាម កងទ័ពប្រជាជនឡាវនិងកងយោធពលខេមរៈភូមិន្ទ បានបង្កើតឡើងកម្លាំងពលំ ប្រឆាំងនឹងសត្រូវរួមដែលក្នុងនោះ កិច្ចសហប្រតិបត្តិការ​បណ្តុះបណ្តាលបានរួមចំណែកយ៉ាងសកម្មផងដែរ។

ទិដ្ឋភាពនៃសន្និសីទ 

សន្និសីទបានបានវាយតម្លៃថា ការទទួលយកនិងប្រគល់សិក្ខាកាមបានអនុវត្តន៍ត្រឹមត្រូវតាមសេច ក្តីកំណត់។ កិច្ចការបណ្តុះបណ្តាលត្រូវបានសាលាយោធាទាំងអស់យកចិត្តទុកដាក់ជាពិសេស ហើយគុណភាពក៏បានលើកកម្ពស់ពីមួយថ្ងៃទៅមួយថ្ងៃដែរ។ សិក្ខាកាមក្រេបយកខ្លឹមសារបណ្តុះបណ្តាលនិងម្ចាស់ការស្រាវជ្រាវ។​ សិក្ខាកាមពេលបញ្ចប់ការសិក្សាគឺត្រូវទទួលបាននូវចំណេះមូលដ្ឋាន។ ពេលត្រឡប់មកប្រទេសវិញ សិក្ខាកាមសុទ្ធសឹងតែបំពេញភារកិច្ចតាមគោលដៅបណ្តុះបណ្តាល។

សូមគូសបញ្ជាក់ថា ចំណងសាមគ្គីភាព មិត្តភាពជាប្រពៃណីនិងកិច្ចសហប្រតិបត្តិការលើគ្រប់វិស័យ រវាងប្រទេសទាំងបី កងទ័ពនៃប្រទេសទាំងបី វៀតណាម-ឡាវ-កម្ពុជា កាន់តែបានពង្រឹងនិងពង្រីកយ៉ាងរឹងមាំពីមួយថ្ងៃទៅមួយថ្ងៃ រួមចំណែករក្សាសន្តិភាព ស្ថិរភាពនិងការអភិវឌ្ឍក្នុងតំបន់៕

 

;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll