អគ្គលេខាធិការរង អ.ស.ប ទទួលបន្ទុកបញ្ហានយោបាយនិងការកសាងសន្តិភាពលោកស្រីរ៉ូស្មីរីឌីការ៉ា (Rosemary DiCarlo) បានសង្កត់ធ្ងន់ថាអ.ស.ប បានខិតខំប្រឹងប្រែងយ៉ាងខ្លាំងដើម្បីសម្រេចបាននូវគោលដៅនេះតាមរយៈការធ្វើសមាហរណកម្មសមភាព យេនឌ័រនៅក្នុងប្រព័ន្ធរបស់អង្គការសហប្រជាជាតិនិងបានមានប្រសាសន៍ថា រហូតមកដល់ពេលនេះស្ត្រីមានចំនួន ៥៤% នៃថ្នាក់ដឹកនាំជាន់ខ្ពស់ក្នុងបេសកកម្មនយោបាយពិសេស។

ថ្លែងក្នុងអង្គប្រជុំ លោកឯកអគ្គរដ្ឋទូត Dang Dinh Quy ប្រធានស្ថានបេសកកម្ម វៀតណាមប្រចាំនៅ អ.ស.ប បានលើកឡើងពីសមិទ្ធិផលនិងបញ្ហាប្រឈមនាពេលបច្ចុប្បន្នក្នុងការជំរុញការចូលរួមរបស់ស្ត្រីក្នុងដំណើរការសន្តិភាព។ លោកឯកអគ្គរដ្ឋទូតបានសង្កត់ធ្ងន់លើភាពចាំបាច់ដើម្បីបន្តលើកកម្ពស់ការយល់ដឹងរួមរបស់ស្ត្រីឱ្យចូលរួមពេញលេញពេញលេញស្មើភាពនិងប្រកបដោយអត្ថន័យនៅក្នុងដំណើរការសន្តិភាពនៅគ្រប់កម្រិតដែលសិទ្ធិផលប្រយោជន៍និងតម្រូវការនៃការជំរុញដ៏ធំធេងគឺចាំបាច់សម្រាប់ស្ត្រីនិងក្មេងស្រីដើម្បីធានាថាស្ត្រីជាដៃគូស្មើគ្នានិងជាដំណាក់កាលដំបូងនៃដំណើរការសន្តិភាពនិងនយោបាយ ។

ប្រទេសនានាត្រូវធានាឱ្យមានការចូលរួមរបស់ស្ត្រីក្នុងការបង្កើតគោលនយោបាយជាតិតំបន់និងអន្តរជាតិយុទ្ធសាស្ត្រនិងគំនិតផ្តួចផ្តើមស្តីពីសន្តិភាពនិងសន្តិសុខដែលស្ត្រីមានចំណេះដឹងនិងជំនាញផ្តល់អំណាចផ្នែកនយោបាយនិងអាចចូលដំណើរការបានសម្រាប់ការចូលរួមពេញលេញនិងស្មើភាពគ្នាក្នុងការធ្វើការសម្រេចចិត្តនិងគោលនយោបាយ៕

បណ្តាប្រទេសអាស៊ាមនអនុម័តលើអាទិភាពចំនួន ១៣ សម្រាប់កិច្ចសហប្រតិបត្តិការសេដ្ឋកិច្ច

កិច្ចប្រជុំចង្អៀតរបស់រដ្ឋមន្រ្តីសេដ្ឋកិច្ចអាស៊ានលើកទី ២៧ (AEM Retreat ២៧) បានប្រារព្ធធ្វើឡើងក្នុងរយៈពេល ២ ចាប់ពីថ្ងៃ ២ថល់ថ្ងៃទី៣ ខែមិនា តាមប្រព័ន្ធវីដេអូ។ នេះជាកិច្ចប្រជុំលើកដំបូងបង្អស់របស់រដ្ឋមន្រ្តីសេដ្ឋកិច្ចអាស៊ានក្នុងនាជាប្រធានអាស៊ានឆ្នាំ២០២១ របស់ប្រទេសប្រ៊ុយណេ។ នៅក្នុងកិច្ចប្រជុំនេះ រដ្ឋមន្រ្តី និងអ្នកតំណាងដែលពាក់ព័ន្ធនានា បានពិភាក្សាអំពីកិច្ចខិតខំប្រឹងប្រែងដើម្បីស្តារសេដ្ឋកិច្ចឡើងវិញក្រោយពីវិបត្តិជំងឺរាតត្បាតកូវីដ-១៩ នៅទូទាំងតំបន់ក៏ដូចជាវឌ្ឍនភាពនានា ដែលសម្រេចបានក្នុងកិច្ចខិតខំប្រឹងប្រែង ដើម្បីកសាងសហគមន៍សេដ្ឋកិច្ច និងទំនាក់ទំនងសេដ្ឋកិច្ចបរទេសរបស់អាស៊ានផងដែរ។

ទន្ទឹមនឹងនោះរដ្ឋមន្រ្តីសេដ្ឋកិច្ចអាស៊ានបានអនុម័តលើគោលដៅសេដ្ឋកិច្ចអាទិភាពទាំង ១៣ ក្នុងនាមជាប្រធានអាស៊ាន ២០២១ របស់ប្រទេសព្រុយណេ ដោយផ្តោតសំខាន់លើការស្តារសេដ្ឋកិច្ចឡើងវិញ ការធ្វើឌីជីថល និងរក្សានិរន្តរភាពផងដែរ៕

ទាក់ទងនឹងការផ្លាស់ប្តូរឌីជីថល និងល្បឿនឌីជីថលយ៉ាងឆាប់រហ័សដែលបណ្តាលមកពីជំងឺរាតត្បាតកូវីដ- ១៩ រដ្ឋមន្រ្តីបានសង្កត់ធ្ងន់លើភាពចាំបាច់ដើម្បីធានាថាប្រជាជនអាស៊ានទទួលបានអត្ថប្រយោជន៍ពីឌីជីថល។ រដ្ឋមន្រ្តីទាំងអស់ក៏បានបញ្ជាក់ជាថ្មីនូវការប្តេជ្ញាចិត្តរបស់ខ្លួនក្នុងការធ្វើការដើម្បីផ្តល់សច្ចាប័នដល់ភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) នៅក្នុងប្រទេសដើម្បីធានាថាអាជីវកម្មនិងប្រជាពលរដ្ឋអាចទទួលបានអត្ថប្រយោជន៍ពីកិច្ចព្រមព្រៀងនេះ៕

（ប្រែសម្រួលដោយ ហេងវុធ្ធី）

（ប្រភពព័ត៌មាន: baotintuc.vn）

វៀតណាមទទូចឱ្យជំរុញការអនុវត្តដំណើរការអន្តរកាលនៅតំបន់ស៊ូដង់ខាងត្បូង

នាថ្ងៃទី ៣ ខែមិនា (ម៉ោងនៅទីក្រុងញូវយ៉ក) ក្រុមប្រឹក្សាសន្តិសុខអង្គការសហប្រជាជាតិ បានបើកកិច្ចប្រជុំតាមប្រព័ន្ធវីដេអូដើម្បីពិភាក្សាអំពីស្ថានភាពនៅស៊ូដង់ខាងត្បូង និងប្រតិបត្តិការរបស់ស្ថានបេសកកម្មរក្សាសន្តិភាពរបស់អង្គការសហប្រជាជាតិ (UNMISS) នៅប្រទេសនេះ។

（ប្រភពព័ត៌មាន: vov）

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា

សេចក្តីសម្រេច ស្តីពី​ការប្រកាស​កាលបរិច្ឆេទ នៃ​ការបោះឆ្នោត​ជ្រើសរើស​ក្រុមប្រឹក្សា ឃុំ សង្កាត់ អណ​ត្តិ​ទី​៥ ប្រការ​១​បាន​បញ្ជាក់ថា ត្រូវបាន​កំណត់​យក​ថ្ងៃទី​០៥ ខែមិថុនា ឆ្នាំ​២០២២ ជា​កាលបរិច្ឆេទ​នៃ​ការបោះឆ្នោត​ជ្រើសរើស​ក្រុមប្រឹក្សា ឃុំ សង្កាត់ អាណត្តិ​ទី​៥ ហើយ​ប្រការ​៣ បាន​បញ្ជាក់ថា រដ្ឋមន្ត្រី​ទទួលបន្ទុក​ទីស្ដីការគណៈរដ្ឋមន្ត្រី រដ្ឋមន្ត្រី​ក្រសួងមហាផ្ទៃ រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ រដ្ឋមន្ត្រីក្រសួង​មុខងារសាធារណៈ រដ្ឋមន្ត្រី​គ្រប់​ក្រសួង និង​ប្រធាន​គ្រប់​ស្ថាប័ន ដែល​ពាក់ព័ន្ធ​ត្រូវ​ទទួលបន្ទុក​អនុវត្ត​សេចក្តីសម្រេច​នេះ តាម​ភារកិច្ច​រៀងៗ​ខ្លួន ចាប់​ពីថ្ងៃ​ចុះហត្ថលេខា​នេះ​តទៅ​។​

គណបក្ស​ទាំង​១២​នោះ​រួមមាន ១- គណបក្ស​ប្រជាជន​កម្ពុជា ដែលមាន​សម្តេច​តេ​ជោ ហ៊ុន សែន ជា​ប្រធាន ២- អតីត​គណបក្ស​សង្គ្រោះ​ជាតិ របស់លោក កឹម សុខា ៣- គណបក្ស​សម្ព័ន្ធ​ដើម្បី​ប្រជាធិបតេយ្យ របស់លោក ខឹម វាសនា ៤- គណបក្ស​សំបុក​ឃ្មុំ​សង្គម​ប្រជាធិបតេយ្យ របស់លោក ម៉ម សូណង់ដូ ៥- គណបក្ស​ប្រជាធិបតេយ្យ​មូលដ្ឋាន របស់លោក យ៉េ​ង វីរៈ ៦- គណបក្ស​សញ្ជាតិ​កម្ពុជា របស់លោក សេង សុ​ខេង ៧- គណបក្ស​ហ្វ៊ិ​ន​ស៊ិនប៉ិច របស់​សម្តេចក្រុមព្រះ នរោត្តម រណឫទ្ធិ ៨- គណបក្ស​ខ្មែរ​រួបរួម​ជាតិ របស់លោក ញឹក ប៊ុនឆៃ ៩- គណបក្ស​អំណាច​ខ្មែរ របស់លោក សួន សេរី​រដ្ឋា ១០- គណបក្ស​សាធារណរដ្ឋ​ប្រជាធិបតេយ្យ​កម្ពុជា របស់លោក​ស្រី សុខ រ័ត្ន​សុវណ្ណ​ប​ច្ចៈ​សីលា ១១- គណបក្ស​ជនជាតិដើម​ប្រជាធិបតេយ្យ​កម្ពុជា របស់លោក ប្លា​ង ស៊ីន ១២- គណបក្ស​យុវជន​កម្ពុជា​របស់លោក ពេជ្រ ស្រស់​។ តែ​សម្រាប់​អាណត្តិ​នេះ គេ​មិនទាន់​ដឹងថា មាន​គណបក្ស​ណាខ្លះ​អាច​ចូល​ប្រ​គួ​ត​បាន​នោះទេ​៕

（សរុបដោយ ហេង វុធ្ធី）

（ប្រភពព័ត៌មាន: kampucheathmey.com/）

លោកឯកអគ្គរដ្ឋទូត Dang Dinh Quy ប្រធានស្ថាន បេសកកម្មអចិន្រ្តៃយ៍វៀតណាមប្រចាំនៅអង្គការសហប្រជាជាតិ

ក្រុមប្រឹក្សាសន្តិសុខអង្គការសហប្រជាជាតិ (អ.ស.ប) បានជួបប្រជុំគ្នាតាមប្រព័ន្ធវីដេអូកាលពីថ្ងៃទី ២ ខែមីនា ជាមួយបណ្តាប្រទេសដែលចូលរួមចំណែកកម្លាំងក្នុងគណៈបេសកកម្មរក្សាសន្តិភាពរបស់អង្គការសហប្រជាជាតិប្រចាំនៅស៊ូដង់ខាងត្បូង (UNMISS) ។

ថ្លែងនៅក្នុងជំនួបនេះ ឯកអគ្គរដ្ឋទូត Dang Dinh Quy ប្រធានស្ថាន បេសកកម្មអចិន្រ្តៃយ៍វៀតណាមប្រចាំនៅអង្គការសហប្រជាជាតិ បានវាយតម្លៃខ្ពស់ចំពោះការវិវឌ្ឍន៍ទាំងនយោបាយនិងសន្តិសុខនៅស៊ូដង់ខាងត្បូងនាពេលកន្លងមក ដែលក្នុងនោះ UNMISS បានដើរតួនាទីយ៉ាងសំខាន់ក្នុងការពន្លឿនការ វិវត្តទាំងនេះផងដែរ។ លោក ឯកអគ្គរដ្ឋទូតបានវាយតម្លៃខ្ពស់ចំពោះសកម្មភាពរបស់គណៈបេសកម្ម ដោយបានសង្កត់ធ្ងន់ទៅលើការចូលរួមចំណែករបស់វៀតណាមតាមរយៈការអនុវត្តពេទ្យយោធាកំរិត២ នៅទីក្រុង Bentiu ព្រមទាំងបានអះអាងថា វៀតណាមនឹងបន្តចូលរួមវិភាគទានយ៉ាងសកម្មបន្ថែមទៀតដល់សកម្មភាពរបស់ UNMISS នាពេលខាងមុខទៀតផង។ ទន្ទឹមនឹងនេះ លោកឯកអគ្គរដ្ឋទូត Dang Dinh Quy បានសម្តែងនូវគោលបំណងថាសកម្មភាពរបស់ UNMISS នឹងបន្តឆ្លើយតបចំពោះការផ្លាស់ប្តូរស្ថានភាពជាក់ស្តែងនៅស៊ូដង់ខាងត្បូង ក្នុងនោះមានការបង្កើនគាំទ្រដល់ដំណើរការផ្លាស់ប្តូរនៅក្នុងប្រទេសនេះ ក៏ដូចជាលើកកំពស់ប្រសិទ្ធភាពនៃសកម្មភាពការពារជនស៊ីវិលផងដែរ។

ជាមួយគ្នានេះ លោកឯកអគ្គរដ្ឋទូតក៏បានសង្កត់ធ្ងន់ពីសារសំខាន់នៃការធានាសុវត្ថិភាពរបស់កងកំលាំង UNMISS ក្នុងបរិបទនៃការរីករាលដាលនៃជំងឺកូវីដ-១៩ និងជួយគាំទ្រដល់ការជំរុញនិងសម្របសម្រួលស្ត្រីអោយចូលរួមក្នុងបេសកកម្មនេះផងដែរ៕

（ប្រភពព័ត៌មាន: VOV）

រដ្ឋមន្ត្រីការបរទេសអាស៊ានចេញសេចក្តីថ្លែងការណ៍ស្តីពីប្រទេសមីយ៉ាន់ម៉ា

នាថ្ងៃទី ២ ខែមីនា កិច្ចប្រជុំពិសេសរបស់រដ្ឋមន្រ្តីការបរទេសនៃប្រទេសជាសមាជិកអាស៊ានទាំង ១០ ស្តីពីវិបត្តិនយោបាយនៅមីយ៉ាន់ម៉ា បានបិទបញ្ចប់ដោយចេញសេចក្តីថ្លែងការណ៍រួមមួយ។ សេចក្តីថ្លែងការណ៍នេះបានបញ្ជាក់ថា “ យើងខ្ញុំតែងតែតាមដានយ៉ាងដិតដល់នូវការវិវត្តនៅក្នុងតំបន់ ហើយឯកភាពគ្នាថា ស្ថេរភាពនយោបាយរបស់ប្រទេសជាសមាជិកណាមួយ គឺជាកត្តាដ៏ចាំបាច់ដើម្បីសម្រេចបានសហគមន៍អាស៊ានមួយប្រកបដោយសន្តិភាព ស្ថិរភាព និងវិបុលភាពរួម។ យើងខ្ញុំសម្តែងការព្រួយបារម្ភអំពីស្ថានភាពនៅប្រទេសមីយ៉ាន់ម៉ា និងអំពាវនាវឱ្យគ្រប់ភាគីទាំងអស់គួរតែអត់ធ្មត់ និងចៀសវាងពីការញុះញង់ឱ្យមានអំពើហិង្សា។ ទន្ទឹមនឹងនេះ យើងខ្ញុំអំពាវនាវឱ្យភាគីពាក់ព័ន្ធនានា ចាំបាច់ត្រូវស្វែងរកដំណោះស្រាយដោយសន្តិវិធីតាម រយៈការធ្វើកិច្ចសន្ទនានិងមានលក្ខណៈស្ថាបនា​ ក៏ដូចជាការផ្សះផ្សា ដើម្បីផលប្រយោជន៍របស់ប្រជាជន និងជីវភាពរស់នៅរបស់ពួកគេ។ អាស៊ានត្រៀមខ្លួនជាស្រេច ដើម្បីជួយគាំទ្រមីយ៉ាន់ម៉ាយ៉ាងសកម្ម ដោយឈរលើមូលដ្ឋាននៃសន្តិភាព និងមានលក្ខណៈស្ថាបនាផងដែរ” ។

កិច្ចប្រជុំដែលធ្វើឡើងតាមប្រព័ន្ធវីដេអូ ដោយសារជំងឺរាតត្បាតកូវីដ- ១៩ នៅតែមានភាពស្មុគស្មាញនៅឡើយ។ ចូលរួមក្នុងកិច្ចប្រជុំនេះគឺរដ្ឋមន្ត្រីការបរទេសនៃបណ្តាប្រទេសអាស៊ានទាំងអស់ រួមទាំងលោក Wunna Maung Lwin ដែលត្រូវបានកងទ័ពមីយ៉ាន់ម៉ាតែងតាំងធ្វើជារដ្ឋមន្រ្តីក្រសួងការបរទេសរបស់ប្រទេសនេះ៕

（ប្រែសម្រួលដោយ ហេងវុធ្ធី）

（ប្រភពព័ត៌មាន: baotintuc.vn）

កិច្ចសន្ទនាត្រូវបានរៀបចំឡើងតាមប្រព័ន្ធវីដេអូ

ចូលរួមក្នុងកិច្ចសន្ទនា មានឯកអគ្គរាជទូតកម្ពុជា ដែលជាប្រទេសសម្របសម្រួលទំនាក់ទំនងភាពជាដៃគូមេគង្គ - អាមេរិក និងឯកអគ្គរដ្ឋទូតថៃ។ ចំពោះភាគីសហរដ្ឋអាមេរិក មានការចូលរួមពីឧបការីរងរដ្ឋមន្រ្តីការបរទេសទទួលបន្ទុកអាស៊ីបូព៌ា លោក Atul Keshap និងសមាជិកសភាជាន់ទាប លោក Ted Lieu សមាជិកនៃគណៈទាក់ទងបរទេសរបស់សភាជាន់ទាប។

នៅក្នុងកិច្ចសន្ទនា លោកឯកអគ្គរដ្ឋទូត Ha Kim Ngoc បានវាយតម្លៃខ្ពស់ចំពោះមជ្ឈមណ្ឌលខាងកើត - ខាងលិច ក្នុងការសម្របសម្រួលជាមួយក្រសួងការបរទេសអាមេរិក និងមជ្ឈមណ្ឌលអន្តរជាតិ Meridian ដើម្បីប្រកាសរបាយការណ៍នេះ ជាមួយនឹងអនុសាសន៍គោលនយោបាយជាក់ស្តែង។ លោកឯកអគ្គរដ្ឋទូតបានសង្កត់ធ្ងន់ពីសារៈសំខាន់នៃសន្តិសុខធនធានទឹក ជាពិសេសធនធានទឹកឆ្លងព្រំដែន សម្រាប់សន្តិភាព និងវិបុលភាពក្នុងតំបន់។ បណ្តាប្រទេសនៃមហាអនុតំបន់មេគង្គ គប្បីមានទំនួលខុសត្រូវក្នុងការប្រើប្រាស់ និងគ្រប់គ្រងធនធានទឹករបស់ទន្លេមេគង្គប្រកបដោយចីរភាព ដើម្បីកាត់បន្ថយផលប៉ះពាល់ដល់ការអភិវឌ្ឍ និងបរិស្ថាន។

លោកឯកអគ្គរដ្ឋទូត Ha Kim Ngoc បានអះអាងថា វៀតណាមតែងតែជាសមាជិកដែលមានទំនួលខុសត្រូវក្នុងកិច្ចប្រឹងប្រែងរួមគ្នាដើម្បីឆ្លើយតបទៅនឹងបញ្ហាប្រឈមនៃបរិស្ថាន ការប្រែប្រួលអាកាសធាតុ ការអភិវឌ្ឍសេដ្ឋកិច្ច និងសន្តិសុខនៅក្នុងមហាអនុតំបន់មេគង្គ។ លោកឯកអគ្គរដ្ឋទូត Ha Kim Ngoc បានស្នើឲ្យបណ្តាប្រទេសនានារួមគ្នាកសាងលក្ខការណ៍ និងក្របខ័ណ្ឌច្បាប់សម្រាប់ការគ្រប់គ្រងទន្លេឆ្លងព្រំដែន។ ទន្ទឹមនឹងនេះ សហរដ្ឋអាមេរិក និងដៃគូនានា គប្បីជំរុញការវិនិយោគនៅក្នុងមហាអនុតំបន់មេគង្គលើវិស័យថាមពល ហេដ្ឋារចនាសម្ព័ន្ធ ព្រមទាំងដោះស្រាយបញ្ហាប្រឈមនៃការប្រែប្រួលអាកាសធាតុ និងជំរុញការអភិវឌ្ឍទន្លេមេគង្គប្រកបដោយចីរភាព។

របាយការណ៍ “ពង្រឹងការគ្រប់គ្រងទន្លេឆ្លងព្រំដែន និងការដោះស្រាយបញ្ហាប្រឈមនៅតំបន់ទន្លេមេគង្គ” ត្រូវបានកសាងឡើងផ្អែកលើលទ្ធផលនៃសន្និសិទ ឥណ្ឌូ - ប៉ាស៊ីហ្វិក ស្តីពីការពង្រឹងការគ្រប់គ្រងទន្លេឆ្លងព្រំដែន តាមប្រព័ន្ធវីដេអូ ដែលរៀបចំឡើងដោយមជ្ឈមណ្ឌលខាងកើត - ខាងលិច នៅខែតុលាឆ្នាំ ២០២០៕

（យោងតាមកាសែតកងទ័ពប្រជាជន）

ទិដ្ឋភាពនៃកិច្ចប្រជុំ

ថ្លែងទៅកាន់អង្គប្រជុំនេះ ទីប្រឹក្សា អនុប្រធានស្ថានបេសកកម្មអចិន្ត្រៃ យ៍វៀតណាមប្រចាំនៅអង្គការសហប្រជាជាតិ Nguyen Phuong Tra បានស្វាគមន៍ចំពោះវឌ្ឍនភាពនាពេលថ្មីៗនេះឆ្ពោះទៅរក ការបោះ ឆ្នោតនៅប៉ាឡេស្ទីន ដែលជាជំហានសំខាន់ក្នុងការបង្រួបបង្រួមនិងសម្រុះសម្រូល ព្រមទាំងអំពាវនាវឱ្យរដ្ឋាភិបាលអ៊ីស្រាអែល ជួយសម្រួលដល់ការបោះឆ្នោតនៅតំបន់ដី ប៉ាឡេស្ទីនដែលបានត្រូវទន្ទ្រានកាន់កាប់ រួមទាំងក្រុងហ្សេរុយសាឡឹមខាងកើតផង។ តំណាងរបស់វៀតណាមបានស្វាគមន៍គំនិតផ្តួចផ្តើមរបស់លោកប្រធានាធិបតី Mahmoud Abbas ក្នុងការបើកកិច្ចប្រជុំអន្តរជាតិមួយ និងរាល់ការខិតខំឆ្ពោះទៅរកសន្តិភាពពេញលេញនិងស្ថិតស្ថេររវាងអ៊ីស្រាអែលនិងប៉ាឡេស្ទីន ស្របតាមច្បាប់អន្តរជាតិ និងសេចក្តីសម្រេចចិត្តរបស់អង្គការសហប្រជាជាតិ។ វៀតណាមបានអះអាងថា វិធានការកសាងទំនុកចិត្តគឺចាំបាច់ជាពិសេស និងអំពាវនាវឱ្យគ្រប់ភាគីចៀសវាងរាល់សកម្មភាពឯកតោភាគីដែលអាចធ្វើឱ្យសំណឹកដល់ទំនុកចិត្ត។ អនុប្រធានគណៈប្រតិភូវៀតណាមបានស្វាគមន៍ចំពោះវិធានការរបស់រដ្ឋាភិបាលអេហ្ស៊ីបនាពេលថ្មីៗនេះ ដើម្បីដកការហ៊ុំព័ទ្ធតំបន់ហ្គាហ្សា និងអំពាវនាវឱ្យអ៊ីស្រាអែលចាត់វិធានការស្រដៀងគ្នា។ ស្តីពីបញ្ហាមនុស្សធម៌ វៀតណាមបន្តលើកឡើងនូវការព្រួយបារម្ភអំពីស្ថានភាពបច្ចុប្បន្ននៅប៉ាឡេស្ទីននិងជំរុញឱ្យម្ចាស់ជំនួយអន្តរជាតិបន្តការសន្យាផ្តល់ជំនួយរបស់ខ្លួន៕

（ប្រភពព័ត៌មាន: vovworld.vn）

កិច្ចប្រជុំតាមប្រព័ន្ធវីដេអូរបស់ក្រុមប្រឹក្សាសន្តិសុខអង្គការសហប្រជាជាតិ។ (រូបថត៖ េVOV)

ថ្លែងនៅកិច្ចប្រជុំនេះ លោកឯកអគ្គរដ្ឋទូត Dang Dinh Quy ប្រធានស្ថានបេសក កម្មវៀតណាមប្រចាំអ.ស.ប បានចែករំលែកការព្រួយបារម្ភរួមរបស់ប្រទេសសមាជិក ក្រុមប្រឹក្សាសន្តិសុខទាំងអស់ ចំពោះស្ថានភាពមនុស្សធម៌កាន់តែអាក្រក់ទៅៗ នៅស៊ីរី ជាពិសេសគឺព័ត៌មានស្ដីពីការបាត់បង់សន្តិសុខស្បៀងអាហារ និងផលប៉ះពាល់ដោយ វិបត្តិសេដ្ឋកិច្ចដ៏ធ្ងន់ធ្ងរនាបច្ចុប្បន្នទៅលើប្រជាជនស៊ីរីនិយាយរួមនិងមុខសញ្ញាងាយរងគ្រោះដូចជាកុមារនិយាយដោយឡែក។ លោកឯកអគ្គរដ្ឋទូត Dang Dinh Quy បាន អំពាវនាវឲ្យភាគីនានានៅស៊ីរីបង្កើនកិច្ចសហប្រតិបត្តិការ សំដៅធានាឲ្យដំណើរការ ផ្ដល់ជំនួយមនុស្សធម៌មិនឲ្យរងការអាក់ខាន។ លោកឯកអគ្គរដ្ឋទូតអំពាវនាវឲ្យ បង្កើនជំនួយឧបត្ថម្ភអន្តរជាតិសម្រាប់ប្រជាជនស៊ីរី រួមទាំងជំនួយក្នុងការទទួលថ្នាំ វ៉ាក់សាំងបង្ការ Covid-19 ក្នុងបរិបទដែលជម្ងឺរាតត្បាតនៅតែវិវឌ្ឍន៍យ៉ាងស្មុគស្មាញនៅ ប្រទេសនេះ៕

（ប្រភពព័ត៌មាន: vovworld.vn）

រួមដៃគ្នាឆ្លើយតបនឹងបញ្ហាប្រឈម

កិច្ចប្រជុំ G7 បានផ្ញើរសាររួមមួយថា ការប្រយុទ្ធប្រឆាំងនឹងជម្ងឺ Covid-19 លើ ទូទាំងពិភពលោកនឹងមិនមានអត្ថន័យអ្វីសោះ ប្រសិនបើប្រជាជននៅតាមប្រទេស អ្នកមាន ទទួលបានការចាក់វ៉ាក់សាំង ខណៈដែលប្រជាជននៅតាមប្រទេសកំពុង អភិវឌ្ឍមិនមានវ៉ាក់សាំងគ្រប់គ្រាន់នោះ។ ហេតុដូច្នេះ ការងារចាំបាច់និងបន្ទាន់បំផុត នាបច្ចុប្បន្ន គឺរួមគ្នាធ្វើសកម្មភាព ធានាឲ្យប្រជាជនលើពិភពលោកទាំងមូលទទួលបាន ការចាក់វ៉ាក់សាំងបង្ការ Covid-19 ហើយយកឈ្នះលើជម្ងឺរាតត្បាតនេះ។

Ảnh minh họa

ក្នុងនាមជាប្រធានប្ដូរវេន G7 អង់គ្លេសបានឈានមុខគេក្នុងកិច្ចខិតខំប្រឹងប្រែង រួមនេះ ដោយការសន្យានឹងផ្ដល់ជាងពាក់កណ្ដាលនៃចំនួនវ៉ាក់សាំងនៅសល់របស់ អង់គ្លេសជូនចំពោះប្រទេសកំពុងអភិវឌ្ឍនានា តាមរយៈកម្មវិធី COVAX។ ប្រធាន គណៈកម្មាធិការអឺរ៉ុបលោកស្រី Ursula von der Leyen បានប្រកាសថា សហភាពអឺរ៉ុប (EU) នឹងបង្កើនទ្វេដងនៃទំហំហិរញ្ញប្បទានសម្រាប់កម្មវិធី COVAX ស្មើនឹងទឹកប្រាក់ ចំនួន១ពាន់លានអឺរ៉ូ។

ប្រធានាធិបតីអាមេរិក លោក Joe Biden ក៏បានបញ្ជាក់ថា អាមេរិកនឹងផ្ដល់ប្រាក់ ជំនួយចំនួន៤ ពាន់លានដុល្លាអាមេរិកបន្ថែមទៀតដល់កម្មវិធី COVAX ក្នុងនោះទឹក ប្រាក់ចំនួន២ពាន់លានដុល្លាត្រូវបានផ្ដល់ជូនភ្លាមមួយរំពិច។

ក្នុងពេលជាមួយគ្នានោះ លើវិសាលភាពទូទាំងពិភពលោក គិតរហូតមកទល់ ពេលនេះ ចិនបានផ្គត់ផ្គង់វ៉ាក់សាំងជាង៤២៤លានដូសជូនប្រទេសចំនួន២៧ ខណៈ ដែលរុស្ស៊ីបានផ្គត់ផ្គង់ចំនួន ៣៨៨ លានដូស ជូនប្រទេសចំនួន២០។ ឥណ្ឌា ដែលជា ប្រទេសផលិតវ៉ាក់សាំងធំបំផុតលើពិភពលោក កំពុងខិតខំផ្គត់ផ្គង់វ៉ាក់សាំងជូនដល់ ប្រទេសជិតខាងនានាក៏ដូចជាប្រទេសមានប្រាក់ចំណូលទាបនិងមធ្យមនៅទ្វីបអាហ្វ្រិកផងដែរ។

លុបបំបាត់វ៉ាក់សាំងជាតិនិយម

ការប្រកួតប្រជែងរកទិញវ៉ាក់សាំងរវាងប្រទេសនានាលើពិភពលោកចាប់ផ្ដើម ឡើងកំដៅតាំងពីដើមឆ្នាំនេះ ក្រោយពីវ៉ាក់សាំងជាច្រើនប្រភេទត្រូវបានស្រាវជ្រាវ ដោយជោគជ័យហើយឈានចូលដំណាក់កាលផលិតកម្ម។ តាមពិតទៅ ប្រទេស អ្នកមានមួយចំនួនបានកក់ទិញវ៉ាក់សាំងក្នុងបរិមាណធំចាប់តាំងពីឆ្នាំ២០២០រួចហើយ នៅពេលដែលវ៉ាក់សាំងកំពុងស្ថិតនៅក្នុងដំណាក់កាលសាកល្បង។ ក្នុងពេលជាមួយ គ្នានោះ ប្រទេសក្រីក្រនិងប្រទេសកំពុងអភិវឌ្ឍដែលទើបតែកក់ទិញ នឹងត្រូវតែរង់ចាំ ព្រមទាំងត្រូវទិញតាមរយៈការដេញថ្លៃផងដែរ។

រហូតមកដល់ពេលនេះ លើពិភពលោកមានប្រទេសប្រមាណ១៣០ មិនទាន់កក់ទិញ បានវ៉ាក់សាំងនៅឡើយ។ ហេតុដូច្នេះ ដើម្បីរុញថយក្រោយជម្ងឺរាតត្បាត ចាំបាច់ត្រូវអនុវត្តការចែកចាយវ៉ាក់សាំងដោយសមភាព។ នៅពេលណាដែល ប្រជាជនទាំងអស់លើពិភពលោកត្រូវបានអភិក្រមនឹងវ៉ាក់សាំងនោះ ទើបសកម្ម ភាពដោះដូរពាណិជ្ជកម្មវិលត្រឡប់មកប្រក្រតីភាពឡើងវិញ ហើយបង្កលក្ខណៈងាយ ស្រួលដល់ការស្ដារសេដ្ឋកិច្ចសកល។

នាពេលថ្មីៗនេះ អគ្គនាយកនៃអង្គការសុខភាពពិភពលោក (WHO) លោក Tedros Adhanom Ghebreyesus ក៏បានព្រមានថា ការដែលប្រទេសនានាផ្ទុកបម្រុង វ៉ាក់សាំងសំដៅបម្រើផលប្រយោជន៍ជាតិ អាចបណ្ដាលឲ្យស្ថានភាពជម្ងឺរាតត្បាតកាន់ តែធ្ងន់ធ្ងរឡើង ព្រមទាំងអំពាវនាវឲ្យសហគមន៍អន្តរជាតិទប់ស្កាត់ “វ៉ាក់សាំងជាតិ និយម” ក្នុងការចែកចាយវ៉ាក់សាំងលើទូទាំងពិភពលោកផងដែរ។

ក្នុងបរិបទដែលជម្ងឺ Covid-19 នៅតែបង្កឡើងផលប៉ះពាល់ដ៏ធ្ងន់ធ្ងរលើទូទាំង ពិភពលោក ទោះបី ជាល្បឿននៃការរាតត្បាតមានសញ្ញាធូរស្បើយក៏ដោយ រាល់ការ ព្រមព្រៀងនិងការសន្យារបស់ថ្នាក់ដឹកនាំក្រុម G7 ក្នុងកិច្ចប្រជុំកំពូលលើកនេះ ពិតជា សញ្ញាវិជ្ជមានមួយដែលជួយបង្កាត់ភ្លើងនៃចំណងសាមគ្គីភាព ការចែករំលែក កិច្ចសហ ប្រតិបត្តិការនិងការប្ដេជ្ញាចិត្តយកឈ្នះលើជម្ងឺរាតត្បាត Covid-19៕

（ប្រភពព័ត៌មាន: vovworld.vn）

លោកឯកអគ្គរដ្ឋទូត Nguyen Hai Bang បានជូនសារតាំងឡើងអគ្គលេខាធិការអាស៊ានលោក Dato Lim Jock Hoi

នាថ្ងៃទី ២៦ ខែកុម្ភៈ លោកឯកអគ្គរដ្ឋទូត Nguyen Hai Bang បានជូនសារតាំងរបស់ឧបនាយករដ្ឋមន្រ្តីនិងជារដ្ឋមន្រ្តីការបរទេសលោក Pham Binh Minh ឡើងអគ្គលេខាធិការអាស៊ានលោក Dato Lim Jock Hoi ដូច្នេះ លោកបានក្លាយទៅជាប្រធានស្ថានបេសកកម្មតំណាងអចិន្ត្រៃយ៍វៀតណាមប្រចាំនៅអាស៊ាន។ នៅក្នុងពិធីនេះអគ្គលេខាធិការអាស៊ានបានអបអរសាទរនិងវាយតម្លៃខ្ពស់ចំពោះជោគជ័យរបស់វៀតណាមក្នុងឆ្នាំប្រធានអាស៊ាន ២០២០ ជាពិសេសក្នុងការដឹកនាំអាស៊ាន រក្សាសាមគ្គីភាពនិងការបន្សាំខ្លួនចំពោះការវិវឌ្ឍដ៏ស្មុគស្មាញនៃជំងឺរាតត្បាតកូវីដ ១៩ ។

អគ្គលេខាធិការលោក Dato Lim Jock Hoi ក៏បានបញ្ជាក់ជាថ្មី នូវការរួមចំណែកដ៏សំខាន់របស់គណៈកម្មាធិការអចិន្ត្រៃយ៍ប្រចាំតំបន់អាស៊ាន (CPR) ក្នុងឆ្នាំប្រធានអាស៊ាន ២០២០ ។ លើសពីនេះទៅទៀត លោក Dato Lim Jock Hoi ជឿជាក់ថា លោកឯកអគ្គរដ្ឋទូត Nguyen Hai Bang ជាមួយនឹងបទពិសោធន៍ការងាររបស់អ្នកការទូតជើងចាស់ម្នាក់នោះ នឹងចូលរួមវិភាគទានដ៏សំខាន់និងវិជ្ជមានដល់ការងាររបស់ CPR ក៏ដូចជាបន្តពង្រឹងតួនាទីនិងឋានៈរបស់វៀតណាមក្នុងអាស៊ាននិងអាស៊ានក្នុង សហគមន៍អន្តរជាតិផងដែរ៕

（យោងតាមវិឡុសំលេងវៀតណាម）

ឯកអគ្គរដ្ឋទូតលោក Dang Dinh Quy ប្រធានស្ថានបេសកកម្មវៀតណាមប្រចាំនៅអង្គការសហប្រជាជាតិ (រូបថត៖ TTXVN)

អញ្ជើញថ្លែងនៅក្នុងកិច្ចប្រជុំនេះ ឯកអគ្គរដ្ឋទូតលោក Dang Dinh Quy ប្រធានស្ថានបេសកកម្មវៀតណាមប្រចាំនៅអង្គការសហប្រជាជាតិបានសម្ដែងក្ដីព្រួយបារម្ភអំពីករណីប្រើប្រាស់ ឬការគំរាមកំហែងប្រើប្រាស់កម្លាំងអាវុធក្នុងទំនាក់ទំនងអន្តរជាតិ ដោយផ្ទុយនឹងធម្មនុញ្ញអង្គការសហប្រជាជាតិ ហើយគំរាមកំហែងដល់សន្តិភាព សន្តិសុខអន្តរជាតិ។ លោកឯកអគ្គរដ្ឋទូតបានសង្កត់ធ្ងន់ថាបណ្តាប្រទេសមានកាតព្វកិច្ចកសាងទំនាក់ទំនងមិត្តភាព កសាងវប្បធម៌ ដែលលើកត្រដែត ធម្មនុញ្ញអង្គការសហប្រជាជាតិនិងច្បាប់អន្តរជាតិ គោរពគោលការណ៍អធិបតេយ្យ បូរណភាពដែនដី មិនជ្រៀតជ្រែកចូលកិច្ចការផ្ទៃក្នុង មិនប្រើប្រាស់ឬគំរាមកំហែងប្រើប្រាស់កម្លាំងអាវុធ ព្រមទាំងត្រូវដោះស្រាយ ជម្លោះដោយសន្តិវិធី។ ក្រុមប្រឹក្សាសន្តិសុខចាំបាច់ត្រូវគោរពច្បាប់អន្តរជាតិ ហើយបង្កើនតួនាទីនៃច្បាប់អន្តរជាតិ ធម្មនុញ្ញអង្គការសហប្រជាជាតិ ដូចជាឧបករណ៍ចាំបាច់ក្នុងការថែរក្សាសន្តិភាព សន្តិសុខអន្តរជាតិ បង្កើនការសម្របសម្រួលជាមួយអង្គការក្នុងតំបន់ទីភ្នាក់ងារ គតិយុត្តិអន្តរជាតិក្នុងការជំរុញការដោះស្រាយជម្លោះ ក៏ដូចជាថែរក្សាសន្តិភាព និងទប់ស្កាត់ជម្លោះផងដែរ។

នាថ្ងៃទី ២៤ ខែកុម្ភៈ ដដែល ក្រុមប្រឹក្សាសន្តិសុខអង្គការសហប្រជាជាតិ ក៏បានបើកកិច្ចប្រជុំ ដើម្បីពិភាក្សាអំពីស្ថានភាពអំពើហឹង្សាដែលកើតមានឡើងនៅអាហ្វ្រិកកណ្តាលផងដែរ៕

（ប្រភពព័ត៌មាន: vovworld.vn）

អាស៊ាន - រុស្ស៊ីចុះហត្ថលេខាលើកិច្ចព្រមព្រៀងសហប្រតិបត្តិការស្តីពីការគ្រប់គ្រងគ្រោះមហន្តរាយ

កិច្ចព្រមព្រៀងនេះ ត្រូវបានចុះហត្ថលេខាដោយអគ្គលេខាធិការអាស៊ាន លោក Dato Lim Jock Hoi និងរដ្ឋមន្រ្តីទទួលបន្ទុកបញ្ហាការពារជាតិប្រជាជនទាំងមូល ស្ថានភាពបន្ទាន់និងជំនះពុះពារគ្រោះមហន្តរាយរុស្ស៊ីលោក Yevgeny Zinichev។ ការចុះហត្ថលេខាលើ MoU នេះក៏បើកចេញឱកាសសម្រាប់កិច្ចសហប្រតិបត្តិការយ៉ាងទូលំទូលាយរវាងអាស៊ាននិងរុស្ស៊ី នៅក្នុងវិស័យសំខាន់ៗ ដូចជាការព្រមាននិងការឃ្លាំមើលហានិភ័យ ការផ្លាស់ប្តូរបច្ចេកវិទ្យាជឿនលឿន ការបណ្តុះបណ្តាលអ្នកជំនាញនិងជំនួយក្នុងការឆ្លើយតបជាមួយនឹងស្ថានភាពគ្រោះមហន្តរាយធម្មជាតិក្នុងគ្រាអាសន្ន។

សូមគូសបញ្ជាក់ថា បណ្តាប្រទេសអាស៊ានស្ថិតនៅក្នុងតំបន់មួយក្នុងចំណោមប្រទេសលើពិភពលោក ដែលងាយរងគ្រោះពីគ្រោះមហន្តរាយធម្មជាតិ។ ការកើនឡើងនូវទំហំនិងភាពញឹកញាប់នៃគ្រោះមហន្តរាយធម្មជាតិ តម្រូវឱ្យអាស៊ានត្រូវលើកកម្ពស់លទ្ធភាពត្រៀមជាស្រេច ក៏ដូចជាឆ្លើយតបចំពោះស្ថានភាពអាសន្នក្នុងតំបន់ទៀតសោត៕

វៀតណាមរួមជាមួយសហគមន៍អន្តរជាតិ ដើម្បីខិតខំប្រឹងប្រែងដំណោះស្រាយ បញ្ហានៅប្រទេសសូម៉ាលី ព្រមទាំងអំពាវនាវឱ្យភាគីនានានៅប្រទេស Haiti បង្កើនការធ្វើកិច្ចសន្ទនា

នាថ្ងៃទី ២២ ខែកុម្ភៈ ក្រុមប្រឹក្សាសន្តិសុខអង្គការសហប្រជាជាតិ បានបើកកិច្ចប្រជុំតាមប្រព័ន្ធវីដេអូ អំពីស្ថានភាពរបស់ប្រទេសសូម៉ាលី និងសកម្មភាពរបស់ស្ថានបេសកកម្មផ្តល់ជំនួហឧបត្ថម្ភនៃអង្គការសហប្រជាជាតិប្រចាំនៅប្រទេសសូម៉ាលី (UNSOM)។

អញ្ជើញថ្លែងនៅក្នុងកិច្ចប្រជុំនេះ លោកឯកអគ្គរដ្ឋទូត Dang Dinh Quy ប្រធានស្ថានបេសកកម្មវៀតណាម ប្រចាំនៅអង្គការសហប្រជាជាតិ បានអំពាវនាវឱ្យរដ្ឋាភិបាលសូម៉ាលី និងបណ្តារដ្ឋជាសមាជិកដទៃទៀត មមាញឹកតភ្ជាប់ការចរចារគ្នាជាបន្ទាន់ឡើងវិញ ដើម្បីលុបចោលនូវរាល់ការខ្វែងគំនិត ឆ្ពោះទៅសម្រេចបានកិច្ចព្រមព្រៀងនយោបាយស្តីពីពេលវេលានិងផែនការបោះឆ្នោត។ លោក ឯកអគ្គរដ្ឋទូត Dang Dinh Quy ក៏បានអំពាវនាវដល់អង្គការសហប្រជាជាតិ និងសហគមន៍អន្តរជាតិ បង្កើនការផ្តល់ជំនួយខាងហិរញ្ញវត្ថុ បច្ចេកទេស និងវិធានការការពារប្រជាជនក្នុងដំណើរការរៀបចំ និងចូលរួមការបោះឆ្នោតផងដែរ។ វៀតណាមក៏បានរំលឹកឡើងវិញនូវការគាំទ្ររបស់ខ្លួនចំពោះប្រទេសសូម៉ាលីក្នុងការខិតខំឆ្ពោះទៅសន្តិភាព ស្ថិរភាពនិងការអភិវឌ្ឍ៕

នាថ្ងៃដដែលនោះ ក្រុមប្រឹក្សាសន្តិសុខអង្គការសហប្រជាជាតិ បានបើកកិច្ចប្រជុំតាមប្រព័ន្ធវីដេអូ ដើម្បីពិភាក្សាគ្នាអំពីស្ថានភាពនៅប្រទេស Haiti និងប្រតិបត្តិការរបស់ខុទ្ទកាល័យសម្របសម្រួលនៃអង្គការសហប្រជាជាតិប្រចាំនៅHaiti (BINUH)។ អញ្ជើញថ្លែងនៅក្នុងកិច្ចប្រជុំនេះ អនុប្រធានស្ថានបេសកកម្មវៀតណាមប្រចាំនៅ អង្គការសហប្រជាជាតិ លោកស្រី Nguyen Phuong Tra បានសម្តែងការព្រួយបារម្ភអំពីការលំបាកនិងអស្ថិរភាពនៅ Haiti ព្រមទាំងថ្កោលទោសចំពោះអំពើ ហឹង្សា និងការចាប់ជំរិតទារប្រាក់របស់ក្រុមឧក្រិដ្ឋជន ដែលបណ្តាលឱ្យមានអស្ថិរភាពដល់នយោបាយនិងសង្គមនៅ Haiti ។ អ្នកតំណាងវៀតណាមរូបនេះក៏បានអំពាវនាវឱ្យភាគីទាំងអស់បង្កើនការធ្វើកិច្ចសន្ទនា ព្រមទាំងកំណត់ពេលវេលាបោះឆ្នោតនិងរៀបចំផែនការឲ្យបានល្អ ដើម្បីបង្កភាពងាយស្រួលក្នុងការបោះឆ្នោតប្រឹព្រឹត្តទៅប្រកបដោយសមភាពនិងតម្លាភាពផងដែរ។ ទន្ទឹមនឹងនេះដែរ វៀតណាមបានទទូចឲ្យសហគមន៍អន្តរជាតិ រួមទាំងប្រទេសក្នុងតំបន់ បន្តគាំទ្រដំណើរការនយោបាយនៅ Haiti និងជួយជ្រោមជ្រែងដល់ប្រជាជន Haiti ក្នុងការជំនះពុះពារលើរាល់ការលំបាកនាពេលបច្ចុប្បន្នផងដែរ៕

（សរុបដោយ ហេង វុធី）

（ប្រភពព័ត៌មាន: vov）

នាវាពិឃាត Surcouf របស់បារាំង។

នាថ្ងៃទី ១៩ ខែកុម្ភៈ នាវាចម្បាំងTonnere និងនាវាពិឃាត Surcouf របស់បារាំង បានចាកចេញពីកំពង់ផែ Toulon ហើយចេញដំណើរទៅកាន់តំបន់ប៉ាស៊ីហ្វិក ដើម្បីបំពេញបេសកកម្មរបស់ខ្លួនក្នុងរយៈពេល ៣ ខែ។ គេហទំព័រព័ត៌មានកងទ័ពជើងទឹក បានឲ្យដឹងថានាវាទាំងអស់នេះ នឹងធ្វើដំណើរទៅកាន់សមុទ្រខាងកើតចំនួនពីរដង ហើយក៏ចូលរួមក្នុងធ្វើសមយុទ្ធរួមជាមួយសហរដ្ឋអាមេរិកនិងជប៉ុននៅខែឧសភាឆ្នាំ ២០២១ ។ លោកមេនាវឹក Arnaud Tranchant មេបញ្ជាការនាវា Tonnere បានឲ្យដឹងថាកងទ័ពជើងទឹកបារាំងមានបំណងចង់ពង្រឹងទំនាក់ទំនងភាពជាដៃគូជាមួយក្រុមទាំង៤ Quads រួមមានសហរដ្ឋអាមេរិក ជប៉ុន ឥណ្ឌា និងអូស្ត្រាលីផងដែរ។

ក្រុមអ្នកជំនាញបានអះអាងថា បារាំងនឹងពង្រឹងគោលជំហររបស់ខ្លួនបន្ថែមទៀតដើម្បីប្រឆាំងជំទាស់ទៅនឹងការទាមទារខុសច្បាប់របស់ចិននៅសមុទ្រខាងកើត តាមរយៈការបង្កើនសកម្មភាពយោធានៅក្នុងតំបន់នេះផងដែរ៕

（យោងតាមវិឡុសំលេងវៀតណាម）

កិច្ចប្រជុំមន្ត្រីជាន់ខ្ពស់វេទិកាតំបន់អាស៊ាន (រូបថត៖ ក្រសួងការបរទេសវៀតណាម)

ក្រោមការដឹកនាំរបស់ “វៀតណាម” និងការចូលរួមចំណែករបស់បណ្តាប្រទេសជាសមាជិកនិងដៃគូមិត្តភក្តិក្នុងតំបន់និងអន្តរជាតិ “នាវាអាស៊ាន ២០២០” បានជំនះពុះពាររាល់បញ្ហាប្រឈមដោយបញ្ជាក់យ៉ាងខ្លាំងនូវតួនាទីមជ្ឈភាពនៅក្នុងតំបន់ លើកកម្ពស់កិត្យានុភាពរបស់ខ្លួនលើឆាកអន្តរជាតិ។

ដំណើរការកសាងក្នុងរយៈពេលវែង និងចីរភាព

ទស្សនទាននៃ "តួនាទីមជ្ឈភាព" របស់អាស៊ានត្រូវបានគេយល់ថា សមាគមតែងតែសម្របសម្រួលទំនាក់ទំនងជាមួយដៃគូនានា និងរក្សាតួនាទី "សំខាន់" ក្នុងកិច្ចសហប្រតិបត្តិការ ក៏ដូចជានៅក្នុង "តួនាទីមជ្ឈភាព" ក្នុងការកំណត់និម្មាបនកម្មនៃកិច្ចសហប្រតិបត្ដិការក្នុងតំបន់ដែរ។ ជាមួយនឹងការបង្កើតធម្មនុញ្ញអាស៊ាន “តួនាទីមជ្ឈភាព”​ បានក្លាយជាគោលដៅផង និងជាគោលការណ៍ណែនាំសម្រាប់រាល់សកម្មភាពរបស់អាស៊ានផង។

តួនាទីមជ្ឈភាពរបស់អាស៊ានមានមូលដ្ឋានគ្រឹះពីសមិទ្ធិផលសហប្រតិបត្ដិការដែលសមាគមសម្រេចបានក្នុងដំណើរការបង្កើតនិងអភិវឌ្ឍន៍ និងពីកិច្ចសហប្រតិបត្តិការជាមួយដៃគូក្រៅតំបន់ ក៏ដូចជាពីជោគជ័យរបស់ក្របខណ្ឌ និងយន្ដការសហប្រតិបត្តិការក្នុងតំបន់ដែលសមាគមបានផ្តួចផ្តើមនិងដឹកនាំ។

ពីប្រទេសសមាជិកចំនួន ៥ ដំបូង អាស៊ានបានបំពេញបន្ថែមសមាជិកនៅអាស៊ី - អាគ្នេយ៍ទាំង ១០។ អាស៊ានបានបង្កើតទំនាក់ទំនងភាពជាដៃគូសន្ទនាជាមួយប្រទេសចំនួន ៩ និងអង្គការសហប្រជាជាតិនិងសហភាពអ៊ឺរ៉ុប។ អាស៊ានបានឈានមុខគេក្នុងការបង្កើតវេទិកានិងយន្តការសំខាន់ៗជាច្រើនដូចជាវេទិកាតំបន់អាស៊ាន (ARF) ដំណើរការអាស៊ានបូក ៣ និងកិច្ចប្រជុំកំពូលអាស៊ីបូព៌ា (EAS) អាស្រ័យហេតុនេះ ផ្សាភ្ជាប់ជាមួយដៃគូនានាក្នុងដំណើរការសន្ទនា និងកិច្ចសហប្រតិបត្តិការក្នុងតំបន់​។

តួនាទីមជ្ឈភាពរបស់អាស៊ានបានផ្ដើមចេញពីគំនិតផ្តួចផ្តើមនិងរបៀបវារៈដែលបានលើកសំណើនិងដឹកនាំដោយសមាគម។ ផ្ដើមចេញពីសំណើរបស់អាស៊ាន កម្មវិធីសហប្រតិបត្តិការនិងតភ្ជាប់ក្នុងតំបន់ជាច្រើនត្រូវបានដំណើរការ ដូចជាកិច្ចព្រមព្រៀងពាណិជ្ជកម្មសេរី ផែនការតភ្ជាប់ ... ។ ដៃគូរាប់សិបបានចូលរួមដោយស្ម័គ្រចិត្តក្នុងសន្ធិសញ្ញាមិត្តភាពនិងសហប្រតិបត្តិការអាស៊ីអាគ្នេយ៍ (TAC) ដែលត្រូវបានគេចាត់ទុកថាជា“ ក្រមប្រតិបត្ដិ “ របស់អាស៊ាន។ ផ្ដើមចេញពីសមិទ្ធិផលនិងបទពិសោធន៍ដែលសម្រេចបាននោះ អាស៊ានបានអនុវត្ដប្រកបដោយប្រសិទ្ធភាពនូវតួនាទីមជ្ឈភាពរបស់អាស៊ានក្នុងទិដ្ឋភាពចំនួន ៥ រួមមានតួនាទីមជ្ឈភាពរបស់អាស៊ានចំពោះបញ្ហាក្តៅគគុកក្នុងតំបន់ និងទំនាក់ទំនងជាមួយប្រទេសធំៗ និងដៃគូសន្ទនាផ្សេងៗទៀតក្នុងនិម្មាបនកម្មតំបន់និងក្នុងការដោះស្រាយរាល់បញ្ហាប្រឈមសកល។

ជំនះពុះពាររាល់ការលំបាកនិងឧបសគ្គដែលមិនធ្លាប់មានពីមុនមក

ជាបឋម ប្រធានបទនៃឆ្នាំប្រធានអាស៊ាន ២០២០ “ ភាពស្អិតរមួតនិងការឆ្លើយតប” បានបង្ហាញពីគ្រប់ទិដ្ឋភាពនៃតួនាទីមជ្ឈភាព។ ឆ្លងផុតការលំបាកដែលបង្កឡើងដោយការរីករាលដាលនៃ Covid-19 អាស៊ាននៅតែបន្តរក្សាការកសាងសហគមន៍ ជំរុញការសំរេចគោលដៅដែលបានកំណត់ក្នុងចក្ខុវិស័យសហគមន៍អាស៊ាន ២០២៥។ ក្រោមការដឹកនាំរបស់វៀតណាម អាស៊ានបានរៀបចំកិច្ចប្រជុំជាច្រើនតាមប្រព័ន្ធវីដេអូ ដែលជួយរក្សាកិច្ចសន្ទនា និងកិច្ចសហប្រតិបត្ដិការក្នុងតំបន់។

ទី ២ ទាក់ទងនឹងសន្តិភាពនិងសន្តិសុខក្នុងតំបន់ រដ្ឋមន្ត្រីការបរទេសអាស៊ានបានចេញសេចក្តីប្រកាសស្តីពីសារៈសំខាន់នៃការថែរក្សាសន្តិភាពនិងស្ថិរភាពនៅអាស៊ីអាគ្នេយ៍ ដែលក្នុងនោះបញ្ជាក់ពីការសន្យារក្សាសន្តិភាព សន្តិសុខ អព្យាក្រឹតនិងស្ថិរភាព។ ជាមួយនឹងបញ្ហាស្មុគស្មាញ ដូចជាសមុទ្រខាងកើត អាស៊ានតែងតែធ្វើការយ៉ាងជិតស្និទ្ធ រក្សាការឯកភាពនិងសំលេងរួមគ្នា។ ប្រទេសនានាសង្កត់ធ្ងន់លើការគោរពច្បាប់អន្តរជាតិ ជាពិសេសគឺអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ដែលជាក្របខ័ណ្ឌច្បាប់សម្រាប់ការកែសម្រួលរាល់សកម្មភាពនៅសមុទ្រ និងមហាសមុទ្រ។

ទីបី អាស៊ានបន្តពង្រឹងនិងពង្រីកបន្ថែមទៀតនូវទំនាក់ទំនងសហប្រតិបត្ដិការដែលមានស្រាប់ ដែលក្នុងនោះអាស៊ានបានឯកភាពក្នុងការដំឡើងទំនាក់ទំនងអាស៊ាន - អឺរ៉ុប ទៅជាភាពដៃគូយុទ្ធសាស្ដ្រ ព្រមទាំងពង្រឹងទំនាក់ទំនងជាមួយដៃគូផ្សេងៗទៀត។

ទីបួន នៅកម្រិតសកលលោក អាស៊ានបានខិតខំប្រឹងប្រែងយ៉ាងខ្លាំងក្នុងការចូលរួមដោះស្រាយរាល់បញ្ហាប្រឈមរួម។ សំណើជាច្រើនក្នុងការជំរុញការអភិវឌ្ឍប្រកបដោយចីរភាព និងផ្តល់សិទ្ធិអំណាចដល់ស្ត្រី ... ត្រូវបានអនុម័តនិងអនុវត្ត។ កិច្ចសហប្រតិបត្តិការអាស៊ានជាមួយអង្គការសហប្រជាជាតិ និងស្ថាប័នពាក់ព័ន្ធត្រូវបានពង្រឹងជាបន្ដបន្ទាប់។ ការបញ្ចប់ការចរចារ និងការចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) បានជួយពង្រឹងទំនុកចិត្តនិងបង្កកម្លាំងចលករសម្រាប់ពហុភាគីនិយមនិងប្រព័ន្ធពាណិជ្ជកម្មពហុភាគី។

តួនាទីមជ្ឈភាពមិនមែនជា “ឯកសិទ្ធិ” ដែលមានស្រាប់ទេ។ អាស៊ានគ្រាន់តែបង្កើតនិងលើកកម្ពស់បានតួនាទីមជ្ឈភាពរបស់ខ្លួនតាមរយៈកិត្យានុភាព ភាពស្មោះត្រង់និងជំហរអព្យាក្រឹត សន្តិភាព កិច្ចសន្ទនានិងកិច្ចសហប្រតិបត្តិការ” ដែលត្រូវបានបង្កើតឡើងក្នុងដំណើរកកើតនិងអភិវឌ្ឍន៍។ លោកនាយករដ្ឋមន្រ្តី Nguyen Xuan Phuc បានថ្លែងនៅក្នុងកិច្ចប្រជុំបូកសរុបលទ្ធផលការងារនៃគណៈកម្មាធិការជាតិអាស៊ាន ២០២០ ថា វៀតណាមបានក្លាយជា “ទីបង្អែកដ៏រឹងមាំ ជឿទុកចិត្ត ជាពិសេសនៅពេលដែលអាស៊ានប្រឈមនឹងការលំបាកនិងឧបសគ្គជាច្រើន”។ លទ្ធផលទាំងនេះនឹងបង្កើតមូលដ្ឋានគ្រឹះសំខាន់ដើម្បីវៀតណាមបន្ដដឹកនាំ “នាវាអាស៊ាន” ជំនះពុះពាររាល់ឧបសគ្គទាំងអស់ រួបរួមគ្នានិងសម្រេចបានជោគជ័យជាច្រើនថែមទៀត./.

（ប្រភពព័ត៌មាន: kh.qdnd.vn）

វៀតណាមថ្កោលទោសរាល់សកម្មភាពភេរវកម្មនិងអំពើហឹង្សាជ្រុលនិយមនៅប្រទេសអ៊ីរ៉ាក់

នាថ្ងៃទី ១៦ ខែកុម្ភៈក្រុមប្រឹក្សាសន្តិសុខអង្គការសហប្រជាជាតិ បានបើកកិច្ចប្រជុំតាមប្រព័ន្ធវីដេអូ ស្តីពីស្ថានភាពនៅប្រទេសអ៊ីរ៉ាក់ ដោយមានការចូលរួមរបស់លោកស្រី Jeanine Hennis - Plasschaert តំណាងពិសេសរបស់អគ្គលេខាធិការអង្គការសហប្រជាជាតិ និងជាប្រធានស្ថានបេសកកម្ម អ.ស.ប ទទួលបន្ទុកការផ្តល់ជំនួយប្រទេសអ៊ីរ៉ាក់ (UNAMI)។

ថ្លែងមិតនៅឯកិច្ចប្រជុំនេះ លោកឯកអគ្គរដ្ឋទូត Dang Dinh Quy ប្រធានស្ថានបេសកកម្មវៀតណាមប្រចាំនៅអង្គការសហប្រជាជាតិ បានវាយតម្លៃជាវិជ្ជមាននូវកិច្ចខិតខំប្រឹងប្រែងរបស់រដ្ឋាភិបាលអ៊ីរ៉ាក់និងវឌ្ឍនភាពដែមស្រេចបាននៅអ៊ីរ៉ាក់ក្នុងរយៈពេលកន្លងមកនេះ ព្រមទាំងសំដែងការព្រួយបារម្ភអំពីស្ថានភាពសន្តិសុខនៅអ៊ីរ៉ាក់ផងដែរ។ ទាក់ទិននឹងការបោះឆ្នោតនាពេលខាងមុខ។ លោកឯកអគ្គរដ្ឋទូត Dang Dinh Quy បានសង្កត់ធ្ងន់ថា ការបោះឆ្នោតគួរតែប្រព្រឹត្តទៅដោយសេរី យុត្តិធម៌ និងធានាការចូលរួមយ៉ាងទូលំទូលាយរបស់ប្រជាជន ក្នុងនោះមានយុវជននិងស្ត្រី។ ទន្ទឹមនឹងនេះដែរ លោកឯកអគ្គរដ្ឋទូតក៏បានអំពាវនាវដល់សហគមន៍អន្តរជាតិឱ្យបន្តអនុវត្តការប្តេជ្ញាចិត្តដើម្បីជួយឧបត្ថម្ភដល់ប្រទេសអ៊ីរ៉ាក់ ព្រមទាំងធានានូវការគោរពពេញលេញចំពោះឯករាជ្យភាពនយោបាយ ឯកភាព អធិបតេយ្យភាពនិងបូរណភាពដែនដីរបស់អ៊ីរ៉ាក់ផងដែរ។

លើសពីនេះទៀតប្រទេសវៀតណាមនៅតែបន្តស្វាគមន៍ការបង្កើនកិច្ចសហប្រតិបត្តិការរវាងអ៊ីរ៉ាក់និងគុយវ៉ែតក្នុងការស្វែងរកកូវ៉ែតនិងបាត់ខ្លួនពលរដ្ឋនៃប្រទេសទីបីនៅអ៊ីរ៉ាក់ ក៏ដូចជាការប្រគល់មកវិញនូវទ្រព្យសម្បត្តិរបស់គុយវ៉ែតតាមដំណោះស្រាយលេខ ២១០៧ របស់ក្រុមប្រឹក្សាសន្តិសុខផងដែរ៕

（ប្រែសម្រួលដោយ ហេង វុធ្ធី）

（ប្រភពព័ត៌មាន: VN+）

ឯកអគ្គរដ្ឋទូត ប្រធានស្ថានបេសកកម្មវៀតណាមប្រចាំនៅអង្គការសហប្រជាជាតិ លោក Dang Dinh Quy

ថ្លែងនៅក្នុងសម័យប្រជុំ ឯកអគ្គរដ្ឋទូត ប្រធានស្ថានបេសកកម្មវៀតណាមប្រចាំនៅអង្គការសហប្រជាជាតិ លោក Dang Dinh Quy បានសង្កត់ធ្ងន់ថា ការឆ្លៀតយករាល់សមិទ្ធផលពីបច្ចេកវិទ្យាឌីជីថលនិងកាត់បន្ថយផលប៉ះពាល់អវិជ្ជមានរបស់វានឹងជួយពន្លឿនការអនុវត្តកម្មវិធីរបៀបវារៈឆ្នាំ ២០៣០ ស្តីពីការអភិវឌ្ឍប្រកបដោយចីរភាព។ ដើម្បីសម្រេចបានប្រការនេះ ឯកអគ្គរដ្ឋទូត លោក Dang Dinh Quy បានចាត់ទុកថា ចាំបាច់ត្រូវផ្តោតលើការអប់រំនិងបណ្តុះបណ្តាលជំនាញវិទ្យាសាស្ត្រនិងបច្ចេកវិទ្យា។ ក្នុងឱកាសនេះលោកឯកអគ្គរដ្ឋទូតក៏បានសង្កត់ធ្ងន់ថា រដ្ឋាភិបាលវៀតណាមតែងតែចាត់ទុកប្រជាជនជាកម្លាំងចលករសម្រាប់ការអភិវឌ្ឍប្រទេស។ ម្យ៉ាងទៀត រដ្ឋាភិបាលវៀតណាមបានកំណត់គោលដៅពីរដើរទន្ទឹមគ្នា គឺរាំងស្កាត់ជំងឺរាតត្បាតផងនិងអភិវឌ្ឍន៍សេដ្ឋកិច្ចសង្គមផង។ ទន្ទឹមជាមួយគ្នានោះ វៀតណាមប្តេជ្ញាអនុវត្តការទទួលខុសត្រូវរបស់ខ្លួនយ៉ាងពេញលេញនិងចូលរួមចំណែកក្នុងការខិតខំរួមគ្នារបស់សហគមន៍អន្តរជាតិក្នុងការជំរុញការអភិវឌ្ឍសង្គមសកលលោក៕

（ប្រភពព័ត៌មាន: vovworld.vn）

អង្គការជំរុញពាណិជ្ជកម្មជប៉ុន (JETRO) ៖ ការនាំចេញរបស់ប្រទេសអាស៊ានចំនួន ៦ នៅឆ្នាំ ២០២០ បានថយចុះត្រឹមតែ ២,២% ទោះបីមានជំងឺរាតត្បាតក៏ដោយ

អង្គការជំរុញពាណិជ្ជកម្មជប៉ុន (JETRO) បានផ្សព្វផ្សាយទិន្នន័យដូចពោលខាងលើនេះ និងវាយតម្លៃចំពោះការកាត់បន្ថយនេះថាមានចំនួនតិចតួចទេនៅក្នុងបរិបទនៃការរីករាលដាលនៃជំងឺកូវីដ-19 ដែលមានឥទ្ធិពលដល់តំបន់និងពិភពលោក។

ក្នុងចំណោមប្រទេសចំនួន ៦ វៀតណាមមានកំណើននាំចេញជិត ៧% ក្នុងឆ្នាំ ២០២០ ដល់ ២៨២ ពាន់លានដុល្លារអាមេរិក។ ការធ្លាក់ចុះ ៥,២% នៃការនាំចេញទៅទីផ្សារជប៉ុនត្រូវបានបំពេញដោយមានការកើនឡើង ២៥,៧% ទៅកាន់ទីផ្សារអាមេរិក និង ១៨% ទៀតទៅទីផ្សារចិន។ ទន្ទឹមនឹងនេះដែរ ការនាំចេញរបស់ហ្វីលីពីន បានថយចុះ ១០,១% ប្រទេសថៃមានការថយចុះ ៦% ប្រទេសសិង្ហបុរីធ្លាក់ចុះ ៤,១% និងប្រទេសម៉ាឡេស៊ីនិងឥណ្ឌូនេស៊ីមានការថយចុះ ២,៦% ។

គួរបញ្ជាក់ថា អតិរេកពាណិជ្ជកម្មសរុបរបស់ប្រទេសសមាជិកអាស៊ានទាំង ៦ បានកើនឡើងបីដងក្នុងឆ្នាំ ២០២០ ដែកើនឡើងដល់ ១៣៣,៦៦ ពាន់លានដុល្លារអាមេរិក ដោយសារតម្លៃថាមពលនិងតម្រូវការក្នុងស្រុកធ្លាក់ចុះ ដែលបណ្តាលឱ្យការនាំចូលក៏ធ្លាក់ចុះយ៉ាងខ្លាំងជាងការនាំចេញផងដែរ។

（ប្រភពព័ត៌មាន: VOV）

ប្រជាជននៅតំបន់អាស៊ីទទួលអំណរពិធីបុណ្យចូលឆ្នាំថ្មីប្រពៃណី ឆ្នាំឆ្លូវត្រីស័ក ២០២១

ទោះជាយ៉ាងណាក៏ដោយក្តីសប្បាយរីករាយចំពោះការស្វាគមន៍ឆ្នាំថ្មីនៅតែមានភាពផ្តល់ក្តីសង្ឃឹមនិងសុទិដ្ឋិនិយមសម្រាប់ប្រជាជននៃប្រទេសទាំងអស់នៅក្នុងឆ្នាំថ្មីប្រពៃណី ឆ្នាំឆ្លូវត្រីស័ក ២០២១។

ជាក់ស្តែង ក្នុងពិធីបុណ្យចូលឆ្នាំថ្មី តាមដងផ្លូវនៅប្រទេសចិន សិង្ហបុរី និងម៉ាឡេស៊ី ក៏ត្រូវបានតុបតែងយ៉ាងស្រស់ស្អាតជាមួយនឹងអំពូលគោមចម្រុះពណ៌។ រាល់វិធានការដើម្បីបង្ការនិងទប់ស្កាត់ជំងឺរាតត្បាត Covid-19 ត្រូវបានធានា ដើម្បីឱ្យប្រជាជនអាចអបអរបុណ្យតេតដោយសុវត្ថិភាពនិងសប្បាយរីករាយ។

នៅក្នុងបរិយាកាសអបអរសាទរឆ្នាំថ្មីប្រពៃណីប្រកបដោយភាពអ៊ូអរនិងភ្លឺស្វាង ថ្នាក់ដឹកនាំនៃប្រទេសជាច្រើននៅជុំវិញពិភពលោកក៏បានផ្ញើសារជូនពរដល់ប្រជាជននៃប្រទេសទាំងអស់ក្នុងឱកាសបុណ្យចូលឆ្នាំថ្មីប្រពៃណី ឆ្នាំឆ្លូវត្រីស័ក ២០២១។

នាយករដ្ឋមន្រ្តីអូស្ត្រាលី លោក Scott Morrison បានអញ្ជើញផ្ញើសារអបអរសាទរដល់សហគមន៍ប្រជាជនដែលកំពុងរស់នៅប្រទេសអូស្ត្រាលីទទួលបាននូវឆ្នាំថ្មីពោរពេញទៅដោយក្តីសុខសាន្តត្រាណ។ នៅក្នុងសារនោះ នាយករដ្ឋមន្រ្តីអូស្រ្តាលីបានសង្កត់ធ្ងន់ថាមនុស្សគ្រប់គ្នាកំពុងចូលឆ្នាំថ្មីប្រកបដោយទំនុកចិត្ត សុទិដ្ឋិនិយមនិងក្តីសង្ឃឹម។

នៅក្នុងសារអបអរសាទរសម្រាប់ឆ្នាំថ្មីប្រពៃណីនេះ រដ្ឋមន្រ្តីការបរទេសអាមេរិកលោក Antony J. Blinken ក៏បានលើកច្បាស់ថា អាមេរិកប្រកៀកស្មាគ្នាជាមួយមិត្តភក្តិ និងសម្ព័ន្ធមិត្តរបស់ខ្លួន ដើម្បីលើកកម្ពស់ភាពរុងរឿងនិងគុណតម្លៃរួមគ្នាហើយសម្តែងក្តីសង្ឃឹមថាឆ្នាំថ្មីនឹងនាំមកនូវជោគជ័យ និងកាលានុវត្តភាពជាច្រើនសម្រាប់មនុស្សគ្រប់គ្នាផងដែរ។

រីឯអគ្គលេខាធិការអង្គការសហប្រជាជាតិលោក António Guterres បានសង្កត់ធ្ងន់ថា«សត្វក្របី» ជានិមិត្តរូបនៃថាមពលកម្លាំងមាំមួន និងភាពក្លាហាន។ គុណសម្បត្តិទាំងនេះគឺជាអ្វីដែលពិភពលោកត្រូវការនៅពេលនេះ។ ឆ្នាំ ២០២១ គឺជាឆ្នាំនៃក្តីសង្ឃឹមនិងការងើបឡើងវិញយ៉ាងខ្លាំងផងដែរ៕

（ប្រភពព័ត៌មាន: vovworld.vn）

ក្រុមគ្រួសារតូចរបស់លោកស្រី Anh Nguyenនឹងស្វាគមន៍បុណ្យតេតជាមួយគ្នានៅផ្ទះ។ រូបថតៈ Anh Nguyen / ABC News

ជីវភាពរស់នៅរបស់ប្រជាជននៅលើពិភពលោកបានប្រែប្រួលក្នុងរយៈពេលមួយឆ្នាំកន្លងមកដោយសារការរីករាលដាលនៃជំងឺ Covid-19 ហើយរបៀបអបអរសាទរបុណ្យតេតរបស់បណ្តាប្រទេសអាស៊ីក៏មានការផ្លាស់ប្តូរផងដែរ។ ការប្រមូលផ្តុំមានការរឹតត្បិត រាល់ព្រឹត្តិការណ៍ទទួលអំណរឆ្នាំថ្មីត្រូវបានលុបចោល ពុំមានការធ្វើដំណើរកំសាន្ត ហើយចំណាយពេលច្រើនសម្រាប់ក្រុមគ្រួសារ ទាំងនេះគឺជារបៀបដែលប្រជាជននៅប្រទេសអាស៊ីជាច្រើនអបអរបុណ្យតេតក្នុងបរិបទ«ធម្មតាថ្មី»។ ទោះជាយ៉ាងណាក៏ដោយក្តីសប្បាយរីករាយចំពោះការស្វាគមន៍ឆ្នាំថ្មីនៅតែមានភាពផ្តល់ក្តីសង្ឃឹមនិងសុទិដ្ឋិនិយមសម្រាប់ប្រជាជននៃប្រទេសទាំងអស់នៅក្នុងឆ្នាំថ្មីប្រពៃណី ឆ្នាំឆ្លូវត្រីស័ក ២០២១។

ពលរដ្ឋចិនឆ្លៀតយកឱកាសពីការស្នាក់នៅទីក្រុងដើម្បីធ្វើការនិងទទួលបានប្រាក់ចំណូលបន្ថែមក្នុងឱកាសឈប់សម្រាកបុណ្យតេត។រូបថត៖ Kevin Frayer / Getty Images

ជាក់ស្តែង ក្នុងពិធីបុណ្យចូលឆ្នាំថ្មី តាមដងផ្លូវដែលមានជនជាតិចិនរស់នៅច្រើននៅប្រទេសសិង្ហបុរី ត្រូវបានតុបតែងយ៉ាងស្រស់ស្អាតជាមួយនឹងអំពូលគោមចម្រុះពណ៌។ រាល់វិធានការដើម្បីបង្ការនិងទប់ស្កាត់ជំងឺរាតត្បាត Covid-19 ត្រូវបានធានា ដើម្បីឱ្យប្រជាជនអាចអបអរបុណ្យតេតដោយសុវត្ថិភាពនិងសប្បាយរីករាយ។ ក្រុមប្រឹក្សាទេសចរណ៍សិង្ហបុរីបានឲ្យដឹងថាព្រឹត្តិការណ៍អបអរសាទរបុណ្យចូលឆ្នាំថ្មីនេះនឹងត្រូវបានបង្រួមជាអប្បបរមានិងកាត់បន្ថយពេលវេលា ដើម្បីរារាំងឲ្យមនុស្សប្រមូលផ្តុំគ្នាជាច្រើនផងដែរ។

មិនដូចបរិយាកាសដែលមានមនុស្សច្រើនជារៀងរាល់ឆ្នាំ នៅស្ថានីយ៍រថភ្លើងក្រុងប៉េកាំង ប្រទេសចិនមិនសូវមានមនុស្សច្រើននៅឆ្នាំនេះទេ។ ដើម្បីរារាំងការរីករាលដាលនៃជំងឺរាតត្បាតនេះ រដ្ឋាភិបាលចិនអំពាវនាវឱ្យប្រជាជន “ទទួលអំណរបុណ្យតេតនៅនឹងកន្លែងរបស់ខ្លួន” ដើម្បីជៀសវាងធ្វើដំណើរទេសចរណ៍ក្នុងឱកាសបុណ្យចូលឆ្នាំថ្មីនេះ។

ប្រជាជនសាំងហ្គាពួរផ្លាស់ប្តូរទំលាប់នៃការបរិភោគតេតព្រោះពួកគេខ្លាចការរីករាលដាលនៃជំងឺ។។ ​ រូបថតៈ Marcus Mark Ramos / CNA

រីឯប្រទេសម៉ាឡេស៊ីវិញ បានសម្រេចចិត្តបន្ធូរបន្ថយវិធានការណ៍បង្ការនិងទប់ស្កាត់ការរីករាលដាលនៃជំងឺ កូវីដ១៩ ដោយអនុញ្ញាតឱ្យរៀបចំពិធីជួបជុំគ្នាក្នុងឱកាសបុណ្យចូលឆ្នាំថ្មីប្រពៃណីលើកនេះ។ ដូច្នោះហើយពិធីជួបជុំគ្នាទាំងនេះមានមនុស្សមិនលើសជាង ១៥ នាក់ ដែលក្នុងនោះមិនអនុញ្ញាតឲ្យធ្វើដំណើរឆ្លងកាត់រវាងស្រុកឬរដ្ឋនានាបានឡើយ៕

（យោងតាមវិឡុសំលេងវៀតណាម）

ការចាក់វ៉ាក់សាំង Covid-19 ជូនបុគ្គលិកសុខាភិបាលនៅទីក្រុងហ្សាកាតា ឥណ្ឌូនេស៊ី។ (រូបថត៖ Xinhua/TTXVN)

នេះបើតាមលទ្ធផលនៃការស្ទង់មតិ ប្រកាសកាលពីថ្ងៃទី១០ កុម្ភៈ ដោយមជ្ឈមណ្ឌលស្រាវជ្រាវសមាគមន៍ប្រជាជាតិអាស៊ីអាគ្នេយ៍ (អាស៊ាន) ចំណុះវិទ្យាស្ថានស្រាវជ្រាវអាស៊ី អាគ្នេយ៍ដែលមានទីស្នាក់ការនៅសឹង្ហបុរី។ ការស្ទង់មតិនេះត្រូវបានអនុវត្តនៅប្រទេស សមាជិកអាស៊ានទាំង១០ ដោយមានមនុស្សចូលរួមចំនួន១០៣២នាក់ ដែលជាអ្នក ប្រាជ្ញ សហគ្រិននិងអ្នកសារព័ត៌មាន។

មានរហូតដល់៧៦%នៃចំនួនអ្នកបានសួរ ចាត់ទុកថា ការគំរាមកំហែងនៃជម្ងឺរាត ត្បាតសកល Covid-19 ទៅលើសុខភាពមនុស្ស គឺជាបញ្ហាប្រឈមបន្ទាន់បំផុតនៃ តំបន់។ ប្រជាពលរដ្ឋអាស៊ីអាគ្នេយ៍ភាគច្រើន (៦០,៧%) បានគាំទ្រដល់ប្រតិកម្មរបស់ រដ្ឋាភិបាលនៃប្រទេសសាម៉ីចំពោះជម្ងឺ Covid-19។ ការស្ទង់មតិនេះក៏បានសរឲ្យឃើញ ថា អ្នកបានសួរភាគច្រើន មានការព្រួយបារម្ភចំពោះស្ថានភាពនៅសមុទ្រខាងកើត ហើយគាំទ្រចំពោះការ គោរពតាមច្បាប់អន្តរជាតិក្នុងការដោះស្រាយបញ្ហានេះផង ដែរ៕

（ប្រភពព័ត៌មាន: vovworld.vn）

ទិដ្ឋភាពទូទៅនៃសម័យប្រជុំលើកទី ៤៣ នៃក្រុមប្រឹក្សាសិទ្ធិមនុស្សរបស់អង្គការសហប្រជាជាតិនៅទីក្រុងហ្សឺណែវប្រទេសស្វីសនៅថ្ងៃទី ១៥ ខែមិថុនាឆ្នាំ ២០២០ (រូបថត៖ AFP / VNA)

អ្នកនាំពាក្យ អ.ស.ប លោក Stephane Dujarric បានឲ្យដឹងថា អ. ស.ប កំពុងទន្ទឹងរង់ចាំសហរដ្ឋអាមេរិកដែលមាន «សំឡេងដ៏សំខាន់» នៅក្នុងករណីជាបន្ទាន់នៅក្រុមប្រឹក្សាសិទ្ធិមនុស្សផងដែរ។

អញ្ជើញថ្លែងនៅក្នុងកិច្ចប្រជុំនៃក្រុមប្រឹក្សាសិទ្ធិមនុស្សអង្គការសហប្រជាជាតិនៅទីក្រុងហ្សឺណែវកាលពីថ្ងៃទី ៨ ខែកុម្ភៈ ភារធារីស្តីទីរបស់សហរដ្ឋអាមេរិកលោក Mark Cassayre បានបញ្ជាក់ថា រដ្ឋអំណាចរបស់ប្រធានាធិបតីអាមេរិក លោក Joe Biden បានផ្តល់ជំនឿទុកចិត្តទៅលើគោលនយោបាយកិច្ចការបរទេសដោយយកលទ្ធិប្រជាធិបតេយ្យ សិទ្ធិមនុស្ស និងសមភាពធ្វើជាមជ្ឈភាពហើយការប្រើប្រាស់ឧបករណ៍ពហុភាគីប្រកបដោយប្រសិទ្ធភាពគឺជាកត្តាមួយក្នុងការសម្រេចបាននូវចក្ខុវិស័យនោះ។

លោកលោក Cassayre បានបន្ថែមទៀតថា ជាបឋម សហរដ្ឋអាមេរិកនឹងចូលរួមឡើងវិញក្នុងនាមជាប្រទេសសង្កេតការណ៍ ហេតុដូច្នេះរដ្ឋាភិបាលសហរដ្ឋអាមេរិកនឹងមានឱកាសថ្លែងមតិនៅក្រុមប្រឹក្សាសិទ្ធិមនុស្ស ព្រមទាំងចូលរួមក្នុងកិច្ចចរចានានា ក៏ដូចជាតភ្ជាប់ទំនាក់ទំនងជាមួយដៃគូនានាដើម្បីដាក់ចេញសេចក្តីសម្រេចចិត្តទាំងឡាយ ផងដែរ៕

ពានរង្វាន់អាស៊ានឆ្នាំ២០២១ លើកសរសើរស្មារតីមិនចុះចាញ់របស់ពលរដ្ឋអាស៊ាន (រូបថត៖ vnanet.vn)

ក្នុងសេចក្តីប្រកាសព័ត៌មាននាថ្ងៃទី៥ ខែកុម្ភៈ លេខាធិការដ្ឋានអាស៊ានសង្កត់ធ្ងន់ថា បន្ទាប់ពីរយៈពេល ១ ឆ្នាំមានការលំបាកជាច្រើន ពានរង្វាន់អាស៊ានឆ្នាំ២០២១ គឺជាឱកាសសម្រាប់ “ការលើកសរសើរស្មារតីមិនចុះចាញ់” របស់ពលរដ្ឋអាស៊ានក្នុងការលើកកម្ពស់គុណភាពនៃជីវភាពរស់នៅរបស់សហគមន៍។

ពានរង្វាន់អាស៊ានដែលគ្រប់គ្រងដោយលេខាធិការដ្ឋានអាស៊ាន បានទទួលហិរញ្ញប្បទានពីមូលនិធិ Temasek របស់សិង្ហបុរី និងមូលនិធិ Yayasan Hasanah របស់ម៉ាឡេស៊ី។ តាំងពីបង្កើតនាឆ្នាំ២០១៨ មក ពានរង្វាន់អាស៊ានត្រូវបានប្រគល់ដល់បុគ្គល ២ នាក់ និងអង្គការមួយ ដោយសារមានការរួមវិភាគទានក្នុងការលើកកម្ពស់ការយល់ដឹងអំពីអាស៊ាន ក៏ដូចជាកិច្ចសហប្រតិបត្តិការ និងការធ្វើសមាហរណកម្មក្នុងតំបន់./.

（ប្រភពព័ត៌មាន: kh.qdnd.vn,）

ភាគីវៀតណាមចូលរួមកិច្ចប្រជុំនេះ។

កិច្ចប្រជុំនេះមានការចូលរួមពីថ្នាក់រដ្ឋមន្ត្រីទេសចរណ៍អាស៊ាន ថ្នាក់រដ្ឋមន្ត្រីទេសចរណ៍ចិន ជប៉ុន និងកូរ៉េខាងត្បូង អគ្គលេខាធិការអាស៊ាន លេខាធិការដ្ឋានអាស៊ាន មជ្ឈមណ្ឌលអាស៊ាន ចិន ជប៉ុន និងកូរ៉េខាងត្បូង ថ្នាក់ដឹកនាំក្រសួងទេសចរណ៍ ក្រសួងសុខាភិបាល ក្រសួងការបរទេស និងសហប្រតិបត្តិការអន្តរជាតិ ក្រសួងបរិស្ថាន ក្រសួងរៀបចំដែនដី នគរូបនីយកម្ម និងសំណង់ ក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ ក្រសួងកសិកម្ម រុក្ខាប្រមាញ់ និងនេសាទ ក្រសួងការងារ និងបណ្តុះបណ្តាលវិជ្ជាជីវៈ ក្រសួងសាធារណការ និងដឹកជញ្ជូន រដ្ឋលេខាធិការដ្ឋានអាកាសចរស៊ីវិល ក្រសួងវប្បធម៌ និងវិចិត្រសិល្បៈ ក្រុមប្រឹក្សាជាតិអភិវឌ្ឍន៍កម្ពុជា សមាគមទីភ្នាក់ងារទេសចរណ៍កម្ពុជា សមាគមសណ្ឋាគារកម្ពុជា សមាគមធ្វើដំណើរកម្ពុជា និងសហព័ន្ធទេសចរណ៍កម្ពុជា សរុបប្រមាណ១៥០នាក់៕

រដ្ឋមន្ត្រីទេសចរណ៍អាស៊ាន-ឥណ្ឌា បានប្តេជ្ញាពង្រឹងកិច្ចសហប្រតិបត្តិការនិងគាំទ្រដល់ការ​ផ្សព្វផ្សាយទេសចរណ៍អាស៊ាន ក៏ដូចជាទេសចរណ៍កម្ពុជាដល់ប្រជាជនឥណ្ឌា សំដៅស្តារ​វិស័យ​ទេសចរណ៍អាស៊ាន-ឥណ្ឌាឡើងវិញ។ ការប្ដេជ្ញារួមគ្នានេះ ធ្វើឡើងក្នុងកិច្ចប្រជុំរដ្ឋមន្ត្រី​ទេសចរណ៍អាស៊ាន-ឥណ្ឌា លើកទី៨ តាមរយៈប្រព័ន្ធវីដេអូ រៀបចំដោយក្រសួងទេសចរណ៍​កម្ពុជា កាលពីរសៀល ថ្ងៃទី០៥ ខែកុម្ភៈ ឆ្នាំ២០២១ ដែលមានឯកឧត្តមបណ្ឌិត ថោង ខុន រដ្ឋមន្ត្រីទេសចរណ៍កម្ពុជា និងឯកឧត្ដម Prahlad Singh Patel រដ្ឋមន្ត្រីទេសចរណ៍ឥណ្ឌា ជាសហ​ប្រធានដឹកនាំកិច្ចប្រជុំនេះ។ នេះបើយោងតាមក្រសួងទេសចរណ៍។

លោក​ ថោង ខុន រដ្ឋមន្ត្រីក្រសួងទេសចរណ៍។

បើតាមក្រសួងទេសចរណ៍កិច្ចប្រជុំរដ្ឋមន្ត្រីទេសចរណ៍អាស៊ាន-ឥណ្ឌាបានវាយតម្លៃ និងអនុម័តផងដែរលើលទ្ធផលការងារនៃការអនុវត្តផែនការសកម្មភាពសហប្រតិបត្តិការទេសចរណ៍អាស៊ាន-ឥណ្ឌា កន្លងមកព្រមទាំងបានអនុម័តផែនការ សកម្មភាពសហប្រតិបត្តិការ​ទេសចរណ៍អាស៊ាន-ឥណ្ឌា ២០២១-២០២១ ដែលផ្តោតការពង្រឹងកិច្ចសហប្រតិបត្តិការឱ្យ​កាន់​តែប្រសើរឡើង សំដៅដល់ការអភិវឌ្ឍទេសចរណ៍អាស៊ាន-ឥណ្ឌា ប្រកបដោយចីរភាព ការ​ទទួល​ខុសត្រូវ និងមានភាពធន់កាន់តែប្រសើរឡើង។

ក្នុងកិច្ចប្រជុំនេះ រដ្ឋមន្ត្រីទេសចរណ៍​ឥណ្ឌាបានគាំទ្រដល់សំណើរបស់កម្ពុជា រួមមាន បន្តគាំទ្រដល់កម្ពុជាក្នុងការបណ្តុះបណញដាលធនធានមនុស្ស ជាពិសេសអ្នកជំនាញ​ទេស​ចរណ៍លើជំនាញទេសចរណ៍ឌីជីថល បច្ចេកវិទ្យា និងនវានុវត្តន៍។ គាំទ្រដល់ការផ្សព្វផ្សាយ​ទេស​ចរណ៍អាស៊ាន ក៏ដូចជាទេសចរណ៍កម្ពុជាដល់ប្រជាជនឥណ្ឌា។ ជំរុញឱ្យមានការ​ហោះ​ហើរត្រង់មកម្ពុជាផងដែរ បន្ទាប់ពីវិបត្តិកូវីដ-១៩៕

（ប្រែសម្រូលដោយវិច្ឆិកា）