យុគសម័យ - ក្នុងឱកាសមហាសន្និបាតជាតិលើកទី XIII របស់បក្សកុម្មុយនិស្តវៀតណាមដែលកំពុងប្រព្រឹត្តិទៅនៅរដ្ឋធានីហាណូយ អ្នកសិក្សាអន្តរជាតិជាច្រើនបានមានការវាយតម្លៃនិងការព្យាករណ៍អំពីដំណើរការអភិវឌ្ឍរបស់ប្រទេសវៀតណាម នាពេលខាងមុខ។
ស្ពាន Vang នៅខេត្ត Da Nang។ (រូបថត៖ Cuc Hang Khong Viet Nam)
អ្នកជំនាញលោក Gregory B. Poling ធ្វើការក្នុង កម្មវិធីអាស៊ីអាគ្នេយ៍ និងជានាយកនៃគំនិតផ្តួចផ្តើមតម្លាភាពដែនសមុទ្រអាស៊ី នៅមជ្ឈមណ្ឌលសិក្សាយុទ្ធសាស្ត្រនិងអន្តរជាតិ (CSIS) នៅទីក្រុង Washington បាននិយាយថា មហាសន្និបាតលើកទី XIII របស់បក្សនឹងពិនិត្យឡើងវិញនូវគោលនយោបាយកិច្ចការបរទេសនិងសេដ្ឋកិច្ច ក្នុងទសវត្សកន្លងមក ហើយលើកឡើងតម្រែតម្រង់ឲ្យសមស្រប ក្នុងរយៈពេល ៥ ឆ្នាំបន្តបន្ទាប់។ គោលដៅរួមនៅតែធ្វើឱ្យវៀតណាមក្លាយជាប្រទេសដែលមានប្រាក់ចំណូលខ្ពស់ក្នុងនៅឆ្នាំ ២០៤៥។ យោងទៅតាមអ្នកជំនាញ លោក Gregory B. Poling សេដ្ឋកិច្ចរបស់ប្រទេសវៀតណាមបានកើនឡើងជាមធ្យម ៦% ក្នុងរយៈពេល ៥ ឆ្នាំចុងកន្លងទៅនិងបន្តកើនឡើង ២,៩% នៅឆ្នាំ ២០២០ បើទោះបីជាមានការរីករាលដាលនៃជំងឺ COVID-១៩ លើពិភពលោក។ រដ្ឋាភិបាលវៀតណាមទទួលបានជោគជ័យគួរឱ្យកត់សម្គាល់ តាមរយៈការទប់ស្កាត់នឹងការរីករាលដាលនៃជំងឺនិងកាត់បន្ថយផលប៉ះពាល់សេដ្ឋកិច្ច។
ទន្ទឹមនឹងនោះអ្នកជំនាញលោក Le Hong Hiep ធ្វើការ នៅវិទ្យាស្ថានសិក្សាអាស៊ីអាគ្នេយ៍ (សិង្ហបុរី) មានប្រសាសន៍ ថា វៀតណាមនឹងបន្តអនុវត្តន៍គោលនយោបាយធ្វើសមាហរណកម្មស៊ីជម្រៅទៅក្នុងសេដ្ឋកិច្ចអន្តរជាតិ ការពង្រីកនិងពហុភាគីនិយមទំនាក់ទំនងអន្តរជាតិ។ លោកក៏បានបញ្ជាក់ផងដែរថា ការដែលមានថ្នាក់ដឹកនាំដែលមានសមត្ថភាពនិងបទពិសោធន៍គឺចាំបាច់សម្រាប់ប្រទេសវៀតណាម ដើម្បីទប់ទល់នឹងបញ្ហាប្រឈម នាពេលអនាគតដូចជា ការរក្សារកំណើនសេដ្ឋកិច្ច ក្នុងស្ថានភាពជំងឹ រីករាលដាលយ៉ាងស្មុគស្មាញ ប្រយុទ្ធប្រឆាំងនឹងអំពើពុករលួយឬការយកឈ្នះលើការលំបាកដែលបណ្តាលមកពីការកើនឡើងនូវការប្រកួតប្រជែងជាយុទ្ធសាស្រ្តរវាងសហរដ្ឋអាមេរិក - ចិន។ ./.（បកប្រែដោយឌីណា）
（ប្រភពព័ត៌មាន: Baotintuc）
មតិពីមិត្តអ្នកអាន