យុគសម័យ - លោកឯកអគ្គរាជទូតវិសាមញ្ញនិងពេញសមត្ថភាពនៃព្រះរាជាណាចក្រថៃប្រចាំនៅប្រទេសវៀតណាម Tanee Sangrat បានវាយតម្លៃខ្ពស់ចំពោះលទ្ធផលនៃការគ្រប់គ្រងជំងឺរាតត្បាត COVID-19 នៅប្រទេសវៀតណាម។
លោកលេខានៃគណៈកម្មាធិការបក្សទីក្រុង Ha Noi Vuong Dinh Hue បានទទួលជួបលោកឯកអគ្គរាជទូតវិសាមញ្ញនិងពេញសមត្ថភាពនៃព្រះរាជាណាចក្រថៃប្រចាំនៅវៀតណាម Tanee Sangrat ក្នុងឱកាសចូលជួបនិងសំដែងការគួរសម។ (រូបថត៖ VNA)
នារសៀលថ្ងៃទី ២ មិថុនា ក្នុងជំនួបជាមួយលោកឯកអគ្គរាជទូតវិសាមញ្ញនិងពេញសមត្ថភាពនៃព្រះរាជាណាចក្រថៃប្រចាំនៅវៀតណាម Tanee Sangrat លោកលេខានៃគណៈកម្មាធិការបក្សទីក្រុង Ha Noi Vuong Dinh Hue បានអះអាងថា ទីក្រុងប្តេជ្ញាបង្កើតបរិយាកាសវិនិយោគប្រកបដោយស្ថេរភាពសម្រាប់អាជីវកម្មថៃនិងបានធានាចំពោះការវិនិយោគនិងធ្វើអាជីវកម្ម ក្នុងរយៈពេលវែងយូរ។ លោកលេខានៃគណៈកម្មាធិការបក្សទីក្រុង Ha Noi ក៏បានសម្តែងនូវគោលបំណងចង់ មានអាជីវកម្មថៃជាច្រើនបន្ថែមទៀតនឹងវិនិយោគនៅរដ្ឋធានី Ha Noi នៅពេលខាងមុខឆាប់ៗនេះ។
ចំណែកលោកឯកអគ្គរាជទូតវិសាមញ្ញនិងពេញសមត្ថភាពនៃព្រះរាជាណាចក្រថៃប្រចាំនៅប្រទេសវៀតណាម Tanee Sangrat បានវាយតម្លៃខ្ពស់ចំពោះលទ្ធផលនៃការគ្រប់គ្រងការរីករាលដាលនៃជំងឺ COVID-19 នៅវៀតណាមនិយាយរួម និងរដ្ឋធានី Ha Noi និយាយដោយឡែក ហើយជោគជ័យនេះក៏ត្រូវបានពិភពលោកទទួលស្គាល់ដែរ។ លោក Tanee Sangrat បានស្នើឱ្យភាគីទាំងពីរពិចារណាអំពីលទ្ធភាពនៃការរៀបចំសិក្ខាសាលារួមមួយដើម្បីពិភាក្សាអំពីកិច្ចសហប្រតិបត្តិការពាណិជ្ជកម្ម និងវិនិយោគទ្វេភាគី./.(បកប្រែដោយឌីណា)
មតិពីមិត្តអ្នកអាន