យុគសម័យ - នាព្រឹកថ្ងៃទី ៩ ឧសភា នៅទីស្នាក់ការសមាគមខ្មែរ - វៀតណាម នៅរាជធានីភ្នំពេញ គណៈកម្មការដឹកនាំនៃសមាគមនិងតំណាងស្ថានទូតវៀតណាមបានបន្តយុទ្ធនាការផ្តល់អំណោយសប្បុរសធម៌លើកទី ៣ ដើម្បីជួយឧបត្ថម្ភដល់ជនជាតិវៀតណាម នៅព្រះរាជាណាចក្រកម្ពុជាដែលជួបការលំបាកដោយសារជំងឺ Covid-19។ ក្នុងការប្រគល់អំណោយលើកនេះ អំណោយរាប់ពាន់នឹងបន្តប្រគល់ជូនដល់អាណិកជនដែលជួបការលំបាកដោយសារជំងឺ Covid-19 នៅក្នុងខេត្តនិងក្រុងនានាក្នុងប្រទេសកម្ពុជា។
លោកស៊ីមជី ប្រធានសមាគមខ្មែរ - វៀតណាមបានថ្លែងក្នុងពិធីប្រគល់អំណោយនេះ។ (រូបថត៖ VOV)
អំណោយជិត ៤៥០ រួមមាន អង្ក មីកញ្ចប់ ម៉ាស់ និងសាច់ប្រាក់ត្រូវបានប្រគល់ជូនដល់គ្រួសារមមានដើមកំណើតវៀតណាមជិត ៤០០ គ្រួសារ និង ៥០ គ្រួសារជនជាតិកម្ពុជារស់នៅរាជធានីភ្នំពេញចំនួន ៥០ គ្រួសារ ដែលមានស្ថានភាពលំបាកនិងគ្មានការងារធ្វើ គ្មានប្រាក់ចំណូលដោយសារតែការរីករាលដាលនៃជំងឺ Covid 19 ក្នុងរយៈពេលប៉ុន្មានខែថ្មីៗនេះ។
ប្រជាជនមានការរំភើបយ៉ាងខ្លាំង នៅពេលទទួលការយកចិត្តទុកដាក់។ (រូបថត៖ VOV)
លោកស៊ីមជី ប្រធានសមាគមខ្មែរ - វៀតណាមបានមានប្រសាសន៍ថា ស្ថានភាពនៃការរីករាលដាលនៃជំងឺ Covid-19 នៅកម្ពុជាត្រូវបានគ្រប់គ្រងដោយស្ថេរភាព។ សកម្មភាពសេដ្ឋកិច្ចសង្គមបានបន្ធូរបន្ថយជាបណ្តើរ ៗ សកម្មភាពសេវាកម្មនិងពាណិជ្ជកម្មមួយចំនួនត្រូវបានអនុញ្ញាតឱ្យប្រតិបត្តិការឡើងវិញ។
ក្នុងកំឡុងពេលនៃការរីករាលដាលជំងឺ Covid 19 ថ្មីៗនេះមានព័ត៌មានគួរឱ្យលើកទឹកចិត្តណាស់ដែលគ្មាននរណាម្នាក់នៅក្នុងសហគមន៍កម្ពុជាមានដើមកំណើតវៀតណាមឆ្លងជំងឺនេះនៅឡើយ។ ប្រជាជនបានអនុវត្តវិធានការបង្ការដែលបានណែនាំ ដោយរដ្ឋាភិបាលនិងក្រសួងសុខាភិបាលនៃប្រទេសកម្ពុជា។ ទោះជាយ៉ាងណាក៏ដោយជំងឺនេះនៅតែមានហានិភ័យផ្ទុះឡើងម្តងទៀត។ ដូច្នេះ ប្រជាពលរដ្ឋកុំធ្វេសប្រហែស បន្តអនុវត្តវិធានការរក្សាគម្លាតសង្គម ធានាសុវត្ថិភាពសម្រាប់ខ្លួននិងក្រុមគ្រួសារ។
នាពេលថ្មីៗនេះ ថ្នាក់ដឹកនាំបក្ស រដ្ឋ ក្រសួងនិងស្ថាប័នពាក់ព័ន្ធវៀតណាមបានយកចិត្តទុកដាក់ជាពិសេសចំពោះជីវភាពរបស់បងប្អូនប្រជាជនខ្មែរមានដើមកំណើតវៀតណាម នៅកម្ពុជា ក្នុងស្ថានភាពស្មុគស្មាញនៃការរីករាលដាលជំងឺនេះ។ រដ្ឋាភិបាលវៀតណាម ក្រសួង ស្ថាប័នពាក់ព័ន្ធ និងសប្បុរសជនក៏បានផ្តល់អំណោយភ្លាមៗ និងបញ្ជូនអំណោយរាប់ពាន់ ដើម្បីជួយឧបត្ថម្ភដល់ប្រជាជននៅទូទាំងខេត្ត ក្រុងនានានៃប្រទេស កម្ពុជា ដើម្បីជំនះនូវការលំបាកជាបន្ទាន់./.
（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន