អនុវត្តតាមការដឹកនាំរបស់គណៈកម្មាធិការប្រជាជនខេត្ត Khanh Hoa ក្នុងរយៈពេល២ថ្ងៃពីថ្ងៃ១៥-១៦ ខែមេសា ក្រុមបេសកកម្មនៃបញ្ជាការដ្ឋានយោធាខេត្ត Khanh Hoa ដោយមានលោកវរសេនីយ៍ឯក Tran Tan Cuong អនុបញ្ជាការជាប្រធានបានរៀបចំពិធីប្រគល់សំភារបរិក្ខារពេទ្យដែលជាការជួយឧបត្ថម្ភពីគណៈកម្មាធិការប្រជាជនខេត្ត Khanh Hoa ផ្តល់ជូនប្រជាជនខេត្តស្ទឹងត្រែងកម្ពុជាសំរាប់បង្ការនិងប្រឆាំងជំងឺកូវីដ១៩។
ខេត្ត Khanh Hoa ប្រគល់គ្រឿងសំភារៈពេទ្យសំរាប់បង្ការនិងប្រឆាំងជំងឺកូវីដ១៩ជូនខេត្តស្ទឹងត្រែងកម្ពុជា
អំណោយដែលក្រុមបេសកកម្មប្រគល់ជូនមិត្តខេត្តស្ទឹងត្រែងលើកនេះរួមមាន៖ ម៉ាស៊ីនបាញ់ថ្នាំកម្ចាត់មេរោគ០២គ្រឿង ម៉ាសពេទ្យ១០,០០០ អាវការពារពេទ្យ៣,០០០កំប្លេរ ថ្នាំ Cloramin B ៥០០គីឡូ ទឹកអាល់កុល៥០០ដបដែលមានតំលៃសរុប៩១៦លានដុង។
អំណោយប្រកបដោយអត្ថន័យរបស់ខេត្ត Khanh Hoa គឺសំរាប់ចែករំលែកនិងជួយឧបត្ថម្ភប្រជាជនខេត្តសម្ព័ន្ធមិត្តស្ទឹងត្រែងក្នុងកិច្ចការបង្ការនិងប្រឆាំងនឹងជំងឺរាលដាល និងជាការរួមចំណែករឹតបន្តឹងបន្ថែមទៀតនូវចំណងសាមគ្គីមិត្តភាពរវាងប្រទេសទាំងពីរកម្ពុជា-វៀតណាម ជាពិសេសគឺប្រជាជននៃខេត្តទាំងពីរ Khanh Hoa និងស្ទឹងត្រែង៕
（យោងតាមស្ថានទូតវៀតណាមប្រចាំកម្ពុជា）
（ប្រភពព័ត៌មាន: baokhanhhoa）
មតិពីមិត្តអ្នកអាន