យុគសម័យ - ធនាគារអភិវឌ្ឍន៍អាស៊ី (ADB) បានយល់ព្រមផ្តល់ជំនួយចំនួន ២,៥ លានដុល្លារ ដើម្បីជួយរដ្ឋាភិបាលវៀតណាមក្នុងការផ្តល់សេវាសង្គ្រោះបន្ទាន់និងមនុស្សធម៌ដល់ប្រជាជនdElរងគ្រោះដោយទឹកជំនន់នាពេលថ្មីៗនេះនៅភាគកណ្តាលវៀតណាម។
ADB យល់ព្រមផ្តល់ជំនួយចំនួន ២,៥ លានដុល្លារដើម្បីជួយវៀតណាមក្នុងការឆ្លើយតបនឹងគ្រោះមហន្តរាយធម្មជាតិ
នាយក ADB ប្រចាំនៅវៀតណាមលោក Andrew Jeffries បានមានប្រសាសន៍ថា “យើងកោតសរសើរចំពោះរដ្ឋាភិបាលវៀតណាមបានឆ្លើយតបយ៉ាងឆាប់រហ័សចំពោះភាពអាសន្នដែលបណ្តាលមកពីគ្រោះមហន្តរាយធម្មជាតិ។ ជំនួយឥតសំណងរបស់ ADB នឹងជួយពង្រឹងការឆ្លើយតបទូលំទូលាយរបស់រដ្ឋាភិបាលក្នុងការផ្តល់ជំនួយទាន់ពេលវេលាដល់អ្នកដែលត្រូវការបំផុត ជាពិសេសអ្នកដែលទទួលរងផលប៉ះពាល់ធ្ងន់ធ្ងរអំពីសេដ្ឋកិច្ចដែលបង្កឡើងដោយជំងឺរាតត្បាត Covid-19។
ធនាគារអភិវឌ្ឍន៍អាស៊ីក៏កំពុងធ្វើការយ៉ាងជិតស្និទ្ធជាមួយដៃគូអភិវឌ្ឍន៍ដទៃទៀតដើម្បីគាំទ្រដល់កិច្ចខិតខំប្រឹងប្រែងផ្តល់ជំនួយសង្គ្រោះរបស់រដ្ឋាភិបាល រួមមាន៖ការវាយតំលៃផលប៉ះពាល់គ្រោះមហន្តរាយនិងតម្រូវការជំនួយនៅក្នុងខេត្តនៅភាគកណ្តាលវៀតណាម។ ជំនួយរបស់ធនាគារអភិវឌ្ឍន៍អាស៊ីមានគោលបំណងដើម្បីធានាថា ប្រជាជនដែលរស់នៅក្នុងតំបន់រងគ្រោះដោយសារគ្រោះមហន្តរាយមានលទ្ធភាពទទួលបានសេវាសុខភាពនិងសង្គមជាមូលដ្ឋាន ក៏ដូចជាធនធានដើម្បីកសាងជីវិភាពរស់នៅរបស់ពួកគេឡើងវិញ។
ជាមួយនឹងផែនការឆ្លើយតបនឹងគ្រោះទឹកជំនន់របស់អ្នកសម្របសម្រួលអង្គការសហប្រជាជាតិ ADB នឹងធ្វើការយ៉ាងជិតស្និទ្ធជាមួយរដ្ឋាភិបាលនិងដៃគូអភិវឌ្ឍន៍ដទៃទៀតដើម្បីផ្តល់ជំនួយមនុស្សធម៌តាមរបៀបដែលជួយកាត់បន្ថយហានិភ័យនៃការរីករាលដាលនៃជំងឺរាតត្បាត Covid-19 សម្រាប់ប្រជាជនដែលរងផលប៉ះពាល់នៅក្នុងខេត្តដែលរងគ្រោះខ្លាំងជាងគេនៅភាគកណ្តាលវៀតណាម៕(បកប្រែដោយសាមេត)
(ប្រភពព័ត៌មាន: thoidai.com.vn)
មតិពីមិត្តអ្នកអាន