សហគ្រាសចំនួន ៥០០ ចូលរួមសន្និសីទជំរុញការវិនិយោគតាមអនឡាញរវាងវៀតណាម - សឹង្ហបុរី

រោងចក្រគ្រឿងបន្លាស់អេឡិចត្រូនិចរបស់ក្រុមហ៊ុនទទួលខុសត្រូវមានកំរិត Seibi Semiconductor វៀតណាម នៅសួនឧស្សាហកម្ម VSIP II ខេត្ត Binh Duong

អនុរដ្ឋមន្រ្តីក្រសួងផែនការនិងវិនិយោគលោក Tran Quoc Phuong បានមានប្រសាសន៍ថា ក្នុងបរិបទនៃការរីករាលដាលនៃ COVID-19 ដ៏ស្មុគស្មាញនោះ វៀតណាមនៅតែរក្សាជំហររឹងមាំជាមួយនឹងដំណោះស្រាយសកម្មនិងប្រសិទ្ធភាពដើម្បីសម្រេចបានគោលដៅពីរក្នុងការប្រយុទ្ធប្រឆាំងនឹងជំងឺរាតត្បាតប្រកបដោយសុវត្ថិភាព ដោយតភ្ជាប់នឹងការអភិវឌ្ឍសេដ្ឋកិច្ច ធានានូវប្រតិបត្តិការធម្មតានិងមិនឱ្យសេដ្ឋកិច្ចត្រូវបានបែកបាក់។

អនុរដ្ឋមន្រ្តី Tran Quoc Phuong បានអះអាងថា ជាមួយនឹងក្របខ័ណ្ឌច្បាប់ស្របគ្នាកាន់តែខ្លាំងឡើងៗ បណ្តាញតភ្ជាប់រវាងទីផ្សារក្នុងស្រុកនិងបរទេសកំពុងពង្រីកកាន់តែខ្លាំងឡើង បន្ថែមលើសក្តានុពល គុណសម្បត្តិនិងការប្តេជ្ញាចិត្តរបស់រដ្ឋាភិបាល ក្រសួង សាខា និងមូលដ្ឋានក្នុងការកែលម្អបរិយាកាសវិនិយោគអាជីវកម្ម សហគ្រាសសិង្ហបុរីនិយាយដោយឡែក និងវិនិយោគិនបរទេសនិយាយរួមនឹងទទួលបានឱកាសវិនិយោគអាជីវកម្មកាន់តែជោគជ័យនៅវៀតណាម។

រដ្ឋាភិបាលវៀតណាមលើកទឹកចិត្តសហគ្រាសសិង្ហបុរីឱ្យវិនិយោគលើវិស័យបច្ចេកវិទ្យាខ្ពស់ បង្កើតមជ្ឈមណ្ឌលច្នៃប្រឌិត មជ្ឈមណ្ឌលស្រាវជ្រាវនិងអភិវឌ្ឍន៍ (R&D) កសាងនិងអភិវឌ្ឍហេដ្ឋារចនាសម្ព័ន្ធសួនឧស្សាហកម្ម។ ឧស្សាហកម្មកែច្នៃនិងផលិតកម្មឧស្សាហកម្មគាំទ្រ សេវាកម្មដែលមានគុណភាពខ្ពស់ជាដើម។

នៅក្នុងសន្និសីទ អ្នកតំណាងទីភ្នាក់ងារនិងអង្គការនានាដូចជា ស្ថានទូតវៀតណាមប្រចាំនៅសឹង្ហបុរី សហព័ន្ធផលិតកម្មនិងសហព័ន្ធពាណិជ្ជកម្មសឹង្ហបូរី និងសហគ្រាសសិង្ហបុរីបានសង្កត់ធ្ងន់តួនាទីរបស់វៀតណាមដែលកំពុងកើនឡើងនៅក្នុងសហគមន៍អន្តរជាតិ ជាពិសេសសមិទ្ធិផលគួរឱ្យចាប់អារម្មណ៍ក្នុងការគ្រប់គ្រងជំងឺរាតត្បាត COVID-19 ហើយបានបញ្ជាក់ថា វៀតណាមជាប្រទេសមានសុវត្ថិភាព ដែលជាទិសដៅវិនិយោគដ៏ទាក់ទាញឈានមុខគេសម្រាប់សហគ្រាសសិង្ហបុរីក្រោយពីជំងឺរាតត្បាត៕

（បកប្រែដោយសាមេត）

（ប្រភពព័ត៌មាន: tapchithongtindoingoai.vn）

（បកប្រែដោយសាមេត）