យុគសម័យ - ដោយគោលនយោបាយរីកចម្រើននិងផ្លាស់ប្តូរថ្មី និងការធ្វើសមាហរណកម្មទៅកាន់ពិភពលោក។ វៀតណាមគឺជាកត្តាស្នូលរបស់អាស៊ាន ចាប់តាំងពីបានចូលរួមក្នុងសមាគមអាស៊ាន នៅឆ្នាំ ១៩៩៥ ។
លោកស្រីប្រធានរដ្ឋសភាវៀតណាម Nguyen Thi Kim Ngan បានទទួល តំណែងជាប្រធាន AIPA លើកទី ៤១ ក្នុងពិធីបិទមហាសន្និបាត AIPA លើកទី ៤០ នៅទីក្រុងបាងកក (ថៃ) នាថ្ងៃទី ២៩ ខែសីហាឆ្នាំ ២០១៩ ។ (រូបថត៖ ទីភ្នាក់ងារសារព័ត៌មានវៀតណាម)
លោកសាស្ត្រាចារ្យរង Simon Tay ប្រធាន SIIA បានវាយតម្លៃថាប្រទេសវៀតណាមបានចូលរួមវិភាគទានយ៉ាងច្រើនដល់សមាគម ហើយជាកត្តាស្នូលរបស់អាស៊ាន ជាពិសេសក្នុងឆ្នាំដែលវៀតណាមជាប្រធានអាស៊ាន។ លោកចាត់ទុកថា ការធ្វើសមាហរណកម្មរបស់វៀតណាមចំពោះពិភពលោកដែលជាជំហានគួរឱ្យកត់សម្គាល់។ បើតាមលោកសាស្ត្រាចារ្យរងរូបនេះ អាស៊ានបានអភិវឌ្ឍ ក្នុងរយៈពេលយូរមកហើយ នាបច្ចុប្បន្ននេះអាស៊ានមានភាពស៊ីចង្វាក់គ្នាជាងមុន។
ទន្ទឹមនឹងនោះលោកស្រី Jessica Wau នាយិការង SIIA ទទួលបន្ទុកខាងស្រាវជ្រាវអាស៊ាន បានវាយតម្លៃខ្ពស់ចំពោះតួនាទីឈានមុខរបស់វៀតណាមក្នុងអាស៊ាន ក្នុងឆ្នាំដែលវៀតណាមជាប្រធានអាស៊ានឆ្នាំ ២០២០ ។ ពិភពលោកនិងតំបន់ត្រូវប្រឈមនឹងបញ្ហាដែលមិនធ្លាប់មានពីមុន ដែលមកពីជំងឺ COVID- ១៩ ។ នៅក្នុងបរិបទនេះវិធីដែលប្រទេសវៀតណាមទប់ស្កាត់នឹងជំងឺរាតត្បាតនេះពិតជាគួរឱ្យចាប់អារម្មណ៍។ តាមលោកស្រីរូបនេះនិយាយឲ្យដឹងថា វៀតណាមបានប្រឹងប្រែងយ៉ាងខ្លាំងក្នុងការនាំមុខអាស៊ានរៀបចំកិច្ចប្រជុំកំពូលអំពី ជំងឺ COVID- 19 ដោយអំពាវនាវនិងបញ្ចុះបញ្ចូលប្រទេសនានាឱ្យពិភាក្សានិងសម្របសម្រួលជាមួយគ្នា ដើម្បីសហប្រតិបត្តិការនិងឆ្លើយតបនឹងជំងឺរាតត្បាត ជាពិសេសគឺការលើកកម្ពស់ “ភាពស្អិតរមួតនិងការឆ្លើយតបយ៉ាងសកម្ម” របស់អាស៊ានក្នុងឆ្នាំដែលវៀតណាមប្រឈមនឹងការលំបាកនេះ។
លោក Simon Tay បានវាយតម្លៃថា ការរីករាលដាលនៃជំងឺ COVID-19 គឺជាបញ្ហាប្រឈមធំបំផុតនៅក្នុងតំបន់។ ប៉ុន្តែចំណុចលេចធ្លោគឺថាប្រទេសភាគច្រើនបានគ្រប់គ្រងចំនួននៃការឆ្លង។ ទោះយ៉ាងណាក៏ដោយនៅលើកំរិតសកល ចំនួននៃការឆ្លងនៅតែបន្តកើនឡើង។ សូម្បីតែនៅក្នុងប្រទេសដែលបានគ្រប់គ្រងនូវការរីករាលដាលជំងឺនេះដោយជោគជ័យពីមុនក៏ដោយ ក៏រលកឆ្លងនៃជំងឺនេះលើកទីពីរ ឬទីបីបានលេចឡើងម្តងទៀត។
បញ្ហាប្រឈមទីពីរគឺសេដ្ឋកិច្ចពិភពលោកដែលរងការខូចខាតយ៉ាងធ្ងន់ធ្ងរនិងសំណួរនៃសណ្តាប់ធ្នាប់ពិភពលោកបច្ចុប្បន្ន។ ទំ នាក់ទំនងរវាងអាមេរិកនិងចិនបានបង្កើនភាពតានតឹងនិងមាននិន្នាការកើនឡើងដែលបណ្តាលឱ្យមានផលប៉ះពាល់គួរឱ្យ កត់សម្គាល់លើពិភពលោក។
ដូច្នេះបើយោងតាមលោកស្រី Jessica Wau អាទិភាពកំពូលរបស់អាស៊ាននាពេលអនាគតនឹងស្តារឡើងវិញនៃសេដ្ឋកិច្ច ក្រោយពីការរីករាលដាលជំងឺ COVID-19 ។ ដើម្បីឱ្យការស្តារខឿនសេដ្ឋកិច្ចឡើងវិញមានប្រសិទ្ធិភាព អាស៊ានចាំបាច់រក្សាខ្សែសង្វាក់ផ្គត់ផ្គង់ទំនិញដោយបើកចំហ វាយតម្លៃកម្រិតនៃការរំខាននៅដំណាក់កាលដំបូងនិងចាត់វិធានការជំនះ។
អាទិភាពបន្ទាប់គឺការបង្កើតយន្តការធ្វើដំណើរក្នុងតំបន់ ដោយមានវិធានការការពារ ដើម្បីធានាការធ្វើសមាហរណកម្ម និងការភ្ជាប់ទំនាក់ទំនង ក៏ដូចជាធានាខឿនសេដ្ឋកិច្ចបន្តរីកចម្រើនរហូតដល់មានវ៉ាក់សាំងប្រឆាំងនឹង COVID-19 ។ អ្នកជំនាញយកប្រទេសវៀតណាមជាឧទាហរណ៍នៃការ“ បើកទ្វារ” ឱ្យអ្នកជំនាញជប៉ុន អ្នកជំនាញកូរ៉េខាងត្បូង ... ចូលក្នុងប្រទេសវៀតណាមនិងធ្វើការ។ ដូច្នេះបណ្តាប្រទេសនានាគួរតែសម្របសម្រួលពិភាក្សាអំពីវិធានការនានាដើម្បីបង្កើតបទបញ្ញត្តិនូវការធ្វើដំណើរប្រកប ដោយសុវត្ថិភាព./.
(បកប្រែដោយឌីណា)
មតិពីមិត្តអ្នកអាន