អាស៊ានឆ្លើយតបយ៉ាងល្អប្រសើរចំពោះជំងឺរាតត្បាតកូវីដ១៩ ក្នុងតួនាទីជាប្រធានអាស៊ានរបស់វៀតណាម

លោកនាយករដ្ឋមន្រ្តីវៀតណាម Nguyen Xuan Phuc អញ្ជើញធ្វើជាប្រធានកិច្ចប្រជុំកំពូលអាស៊ានបូក ៣ ស្តីពីការទប់ស្កាត់ជំងឺរាតត្បាតកូវីដ១៩ (រូបថត៖ VNA)

អាស៊ានបានឆ្លើយតបយ៉ាងល្អប្រសើរចំពោះការរីករាលដាលនៃជំងឺឆ្លងកូវីដ១៩ ខណៈពេលដែល វៀតណាមកាន់តំណែងជាប្រធានអាស៊ានបន្តវេនឆ្នាំ២០២០ដែរ។ នោះគឺជាការវាយតម្លៃរួមរបស់អ្នកប្រាជ្ញនិងមន្ត្រីអាស៊ាននៅក្នុងកិច្ចពិភាក្សាតាមអ៊ិនធឺរណែតក្រោមប្រធានបទថា ”តើអាស៊ាននៅទីណាក្នុងការរីករាលដាលនៃជំងឺកូវីដ១៩” ដែលរៀបចំលើងដោយមជ្ឈមណ្ឌលច្បាប់អន្តរជាតិនៃសាកលវិទ្យាល័យជាតិសិង្ហបុរីកាលពីថ្ងៃទី ២០ ខែឧសភាកន្លងមក។

ក្នុងកិច្ចពិភាក្សានេះអ្នកប្រាជ្ញ និងមន្ត្រីអាស៊ាននៅសឹង្ហបុរីអះអាងថាអាស៊ានបានធ្វើបានយ៉ាងល្អក្នុងនាមជាជាប្លុកបង្រួបបង្រួមមួយនៅក្នុងតំបន់ដោយមិនត្រឹមតែឆ្លើយតបនឹងការរីករាលដាលនៃជំងឺឆ្លងកូវីដ១៩ តែ ប៉ុណ្ណោះទេ ប៉ុន្តែថែមទាំងធ្វើឱ្យមានតុល្យភាពល្អក្នុងទំនាក់ទំនងជាមួយបណ្តាប្រទេសផ្សេងៗទៀតនិងដៃគូសំខាន់ៗផងដែរ។

ឯកអគ្គរដ្ឋទូតវៀតណាមប្រចាំនៅសឹង្ហបុរី លោកស្រី Tao Thi Thanh Huong (រូបថត៖ baoquocte)

នៅពេលសួរអំពីការទទួលខុសត្រូវរបស់វៀតណាមក្នុងឋានៈជាប្រធានអាស៊ាន ឯកអគ្គរដ្ឋទូតវៀតណាមប្រចាំនៅសឹង្ហបុរី លោកស្រី Tao Thi Thanh Huong មានប្រសាសន៍ថាការរីករាលដាលនៃជំងឺកូវី១៩ បានបណ្តាលឱ្យកិច្ចប្រជុំអាស៊ានជាច្រើនបន្តបន្ទាប់ត្រូវបានពន្យាពេលតែម្តង។ ទោះជាយ៉ាងណាក៏ដោយ វៀតណាមក្នុងនាមជាប្រធានប្តូរវេនអាស៊ាន និងបណ្តាប្រទេសជាសមាជិកបាន “បន្តចាត់វិធានការយ៉ាងចាប់រស័ស មានសកម្មភាពសម្របសម្រួលនិងកិច្ចសហប្រតិបត្តិការយ៉ាងជិតស្និទ្ធ” មិនត្រឹមតែនៅក្នុងប្លុកប៉ុណ្ណោះទេប៉ុន្តែថែមទាំងជាមួយដៃគូនានាក្នុងការទប់ស្កាត់ជំងឺឆ្លងទៀតផង។

ទន្ទឹមនឹងនេះដែរ លោកស្រីឯកអគ្គរដ្ឋទូត Tao Thi Thanh Huong បានសង្កត់ធ្ងន់ថាកិច្ចសហប្រតិបត្តិការនិងការសម្របសម្រួលគ្នាយ៉ាងជិតស្និទ្ធក្នុងអាស៊ាន បានជួយឲ្យប្រទេសជាសមាជិកអាចគ្រប់គ្រងការរាលដាលនៃជំងឺដ៏កាចសាហាវនេះ ព្រមទាំងការពារអាយុជីវិតមនុស្សនិងធានាសន្តិសុខស្បៀងអាហារ និងសុវត្ថិភាពគ្រឿងឧបភោគបរិភោគផងដែរ។

លើសពីនេះទៀត អ្នកប្រាជ្ញាឈានមុខគេរបស់សឹង្ហបូរីនៅឯកិច្ចពិភាក្សានេះក៏បាន វាយតម្លៃខ្ពស់ចំពោះការដែលវៀតណាមបានចាត់វិធានការបានយ៉ាងល្អចំពោះការទប់ស្កាត់នឹងជំងឺកូវីដ១៩ រួមទាំងបំពេញបានល្អនូវភារកិច្ចធ្វើជាប្រធានអាស៊ានប្តូរវេនផងដែរ៕

（បកប្រែដោយ ហេងវុធ្ធី）

（ប្រភពព័ត៌មាន: vietnamplus.vn）

（បកប្រែដោយ ហេងវុធ្ធី）