យុគសម័យ - ថ្លែងក្នុងឱកាសបើកកិច្ចប្រជុំជាប្រចាំរបស់រដ្ឋាភិបាលនាខែមេសាឆ្នាំ ២០២០ លោកនាយករដ្ឋមន្រ្តីវៀតណាម Nguyen Xuan Phuc បានសង្កត់ធ្ងន់ថាត្រូវសម្រេចឲ្យបាននូវគោលដៅទាំងពីរ ហើយធ្វើយ៉ាងមេចដើម្បីសម្រេចគោលដៅកំណើនជាចាំបាច់ទៀតផង” ដែលមិនអាចនិងមិនត្រូវបានអនុញ្ញាតិឱ្យរីកលូតលាស់ទាបពេក។
លោកនាយករដ្ឋមន្រ្តីវៀតណាម Nguyen Xuan Phuc
នាព្រឹកថ្ងៃទី ៥ ឧសភា នៅទីក្រុងហាណូយ លោកនាយករដ្ឋមន្រ្តីវៀតណាម Nguyen Xuan Phuc បានអញ្ជើញចូលរួមកិច្ចប្រជុំជាប្រចាំរបស់រដ្ឋាភិបាលក្នុងខែមេសា និង ៤ខែ នៃឆ្នាំ ២០២០។ ទាក់ទងនឹងស្ថានភាពសេដ្ឋកិច្ចសង្គមក្នុងខែមេសា និង ៤ ខែកន្លងមក លោក Nguyen Xuan Phuc បានឲ្យដឹងថាមូលនិធិរូបិយវត្ថុអន្តរជាតិ (IMF) បានវាយតម្លៃថាឆ្នាំនេះសេដ្ឋកិច្ចពិភពលោកនឹងមានកំណើនអវិជ្ជមាន ៣% ។
ក្នុងបរិបទបែបនេះប្រទេសវៀតណាមមានគោលដៅចំនួនពីររួមមានការការពារសុខភាពប្រជាជនក្នុងរយៈពេលខ្លីជាភារកិច្ចសំខាន់ចម្បង ហើយទន្ទឹមនឹងនោះបន្តជំរុញការអភិវឌ្ឍន៍សេដ្ឋកិច្ចផងដែរ។
រដ្ឋាភិបាលបានចេញសេចក្តីណែនាំនិងដំណោះស្រាយជាច្រើនស្តីពីផលិតកម្មនិងអាជីវកម្ម ពន្យាពេលការបង់ពន្ធ សន្តិសុខសង្គម និងសេចក្តីណែនាំផ្សេងទៀតស្តីពីការធានាសន្តិសុខសណ្តាប់ធ្នាប់ផងដែរ។ ហេតុដូច្នេះសេដ្ឋកិច្ចមិនបបានបែកបាក់និងនៅតែ កើនឡើងដល់ ៣,៨២% បើធៀបនឹងរយៈពេលដូចគ្នា។
ស្មារតីនៃការស្តារឡើងវិញនិងការអភិវឌ្ឍសកម្មភាពសេដ្ឋកិច្ចសង្គមគឺជាតម្រូវការបន្ទាន់នៃសេដ្ឋកិច្ចសហគមន៍និងប្រជាជននៅទូទាំងប្រទេស លោក Nguyen Xuan Phuc មានប្រសាសន៍ថាចាំបាច់ត្រូវផ្តោតលើអាទិភាពដើម្បីស្តារសេដ្ឋកិច្ចឡើងវិញ។ លើសពីនេះទៀតត្រូវជំរុញការអភិវឌ្ឍដើម្បីរក្សាល្បឿនចាំបាច់នៃការអភិវឌ្ឍប្រទេស។
លោកនាយករដ្ឋមន្រ្តីក៏បានស្នើឱ្យសមាជិករដ្ឋាភិបាលពិភាក្សាពីវិធានការនានាដើម្បីសម្រេចបានគោលដៅកំណើនខ្ពស់ជាងអត្រា ២,៧% ដែលកំណត់ដោយ IMF និងពិភាក្សាអំពីការកែតម្រូវគោលដៅរបស់ប្រទេសជាតិក្នុងឆ្នាំ ២០២០ ផងដែរ៕
(បកប្រែដោយ ហេងវុធ្ធី)
(ប្រភពព័ត៌មាន: baochinhphu.vn)
មតិពីមិត្តអ្នកអាន