យុគសម័យ - ព្រឹត្តិការណ៍លើកតំកើង លោកប្រធានហូជីមិញនៅក្រៅប្រទេសរួមចំណែកដល់ការអភិវឌ្ឍនិង ធ្វើឲ្យស៊ីជម្រៅទំនាក់ទំនងរបស់វៀតណាមជាមួយបណ្តាប្រទេស និងបណ្តាអង្គការ ជុំវិញពិភពលោក។ លើកកម្ពស់ស្មារតីមោទនភាពជាតិ ជួយបង្រួបបង្រួមសហគមន៍វៀតណាមទូទាំងទ្វីបទាំង ៥ ។
ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសវៀតណាមលោក Pham Binh Minh។ (ប្រភព៖ baoquocte)
នាថ្ងៃទី ២៥ ខែកុម្ភៈនៅទីក្រុងហាណូយ ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសវៀតណាមលោក Pham Binh Minh បានអញ្ជើញជាអធិបតីភាពក្នុងកិច្ចប្រជុំសង្ខេបរយៈពេល ១០ ឆ្នាំនៃការអនុវត្តកិច្ចការលើកតំកើង លោកប្រធានាធិបតីហូជីមិញនៅក្រៅប្រទេស។
ចូលរួមពិធីនេះមានអតីតសមាជិកការិយាល័យនយោបាយ ប្រធានរដ្ឋសភា Nguyen Sinh Hung អតីតរដ្ឋមន្រ្តីក្រសួងការបរទេសវៀតណាម Nguyen Dy Nien និងតំណាងនៃបណ្តាក្រសួង ស្ថាប័នមជ្ឈឹម។
ថ្លែងនៅទីនេះ អនុរដ្ឋមន្រ្តីក្រសួងការបរទេសលោក Le Hoai Trung បានឲ្យដឹងថា ក្នុងអំឡុងរយៈពេល ១០ ឆ្នាំកន្លងមក កិច្ចការលើកតំកើងលោកប្រធានហូជីមិញ បានទទួលលទ្ធផលជាវិជ្ជមានជាច្រើនហើយត្រូវបានដាក់ពង្រាយនៅលើទ្វីបចំនួន ៥ តាមរយៈបណ្តាញទីភ្នាក់ងារតំណាងនៃវៀតណាមនៅបរទេស។
ក្រសួងការបរទេសវៀតណាមបានដឹកនាំទីភ្នាក់ងារតំណាងនានាឱ្យបានអនុវត្តប្រកបដោយភាពបត់បែននិងប្រសិទ្ធភាពនូវ “ការសិក្សានិងធ្វើតាមគំរូមនោគមវិជ្ជាសីលធម៌និងរបៀបរស់នៅរបស់លោកប្រធានហូជីមិញ” ឆ្ពោះទៅអណិកជនវៀតណាមដែលកំពុងសិក្សានិងធ្វើការនៅបរទេស។
រហូតមកដល់ពេលនេះមាន ២២ ប្រទេសនៅអាស៊ីអឺរ៉ុបអាមេរិកឡាទីននិងអាហ្វ្រិកមាន រូបសំណាកនិងវិមានលោកប្រធានហូជីមិញចំនួន ២៩ ដែលជានិមិត្តរូបនៃសាមគ្គីភាពនិងមិត្តភាពរវាងវៀតណាមនិងប្រទេសដទៃទៀត។ ទន្ទឹមនឹងនេះ ជាកន្លែងរក្សាអនុស្សាវរីយ៍អំពីលោកប្រធានហូជីមិញនិងរៀបចំសកម្មភាពផ្លាស់ប្តូរជាមួយប្រជាជននិងមិត្តភក្តិអន្តរជាតិ។
ក្រសួងការបរទេសវៀតណាមក៏បានកសាងនិងជួសជុលវិមានសារមន្ទីរ នៅកន្លែងដែលលោកប្រធានហូជីមិញធ្លាប់រស់នៅនិងធ្វើការ។ រហូតមកដល់ពេលនេះមានកន្លែងរំលឹកអនុស្សាវរីយ៍មានឈ្មោះនៃលោកប្រធានហូជីមិញចំនួន ១១ កន្លែង ដែលក្នុងនោះមានសំណង់ចំនួន ៨ កន្លែងនៅប្រទេសចិន ឡាវ ថៃ និងសំណង់ចំនួន ៣ កន្លែងនៅប្រទេសបារាំង រុស្ស៊ី និងអាឡឺម៉ង់។
សំណង់ទាំងនេះភាគច្រើនត្រូវបានសាងសង់ចេញពីប្រភពថវិការបស់ប្រទេសម្ចាស់ផ្ទះខ្លួនឯងដូចជានៅប្រទេសចិន ថៃ ឡាវ ... ដែលបង្ហាញពីការកោតសរសើររបស់ប្រជាជនពិភពលោកចំពោះលោកប្រធានហូជីមិញនិងប្រទេសវៀតណាម។
វិមានលោកប្រធានហូជីមីញនៅរដ្ឋធានីមូស្គូ។ (រូបថត៖ Baomoi)
បណ្តាស្ថាប័នការទូតតំណាង ក៏បានដាក់ស្រាបៀរថ្មនិងផ្លាកសញ្ញាទង់ដែងនៅសិង្ហបុរី អង់គ្លេស ស្លូវ៉ាគី ឥណ្ឌា និងបារាំង ... ដើម្បីរក្សាទុកកន្លែងដែលលោកប្រធានហូជីមិញបានរស់នៅសិក្សាធ្វើការឬធ្វើដំណើរឆ្លងកាត់។ យោងតាមទិន្នន័យរបស់សារមន្ទីរហូជីមិញលោកប្រធានហូជីមិញបានអញ្ជើញធ្វើដំណើរការមកកាន់ ៥៦ ប្រទេសជុំវិញពិភពលោក។
ក្រៅពីនេះការដាក់ឈ្មោះសាលានិងថ្នាក់រៀនបន្ទាប់ពីលោកប្រធានហូជីមិញក៏ត្រូវបានអនុវត្តនៅក្នុងប្រទេសមួយចំនួនដូចជា រុស្ស៊ី អ៊ុយក្រែន ម៉ុងហ្គោលី កូរ៉េខាងជើង ម៉ិកស៊ិក និងគុយបា។ បច្ចុប្បន្នមានផ្លូវនិងផ្លូវល្បឿនលឿនចំនួន ២០ ដែលដាក់ឈ្មោះតាមលោកប្រធានហូជីមិញ។ អ្វីដែលពិសេសនោះគឺថាទោះបីជាពេលវេលារបស់លោកប្រធានហូជីមិញស្នាក់នៅមិនយូរប៉ុន្មាននៅប្រទេសអាហ្វ្រិកខាងជើងមួយចំនួនក៏ដោយក៏ប្រជាជននៅទីនេះកោតសរសើរនិងស្រឡាញ់លោកប្រធានខ្លាំងណាស់។
ការបោះពុម្ពផ្សាយនិងការចេញផ្សាយសៀវភៅនិងខ្សែភាពយន្តអំពីលោកប្រធានហូជីមិញក៏មានការយុកចិត្តទុកដាក់ផងដែររួមទាំងសៀវភៅជិត ៤០ ក្បាលរបស់អ្នកនិពន្ធបរទេសដែលណែនាំអំពីជីវប្រវត្តិរបស់លោកប្រធានហូជីមិញ មរតកសាសន៍ និង អាជីពរបស់លោកប្រធានហូជីមិញ។
យោងតាមលោក Le Hoai Trung អនុរដ្ឋមន្រ្តីក្រសួងបានឱ្យដឹងថា ការលើកតំកើងលោកប្រធានហូជីមិញមានគោលបំណង លើកកម្ពស់មនោគមវិជ្ជាសីលធម៌និងចរិយាររបស់លោកប្រធានហូជីមិញក៏ដូចជាលើកតំកើងប្រទេសនិងប្រជាជនវៀតណាមនៅលើឆាកអន្តរជាតិ។ សកម្មភាពនេះរួមចំណែកដល់ការអភិវឌ្ឍទំនាក់ទំនងរវាងវៀតណាមជាមួយបណ្តាប្រទេសនិងអង្គការនានាជុំវិញពិភពលោក។ ដោយហេតុនេះលើកកម្ពស់ស្មារតីមោទនភាពជាតិ តភ្ជាប់និងអភិវឌ្ឍសហគមន៍អណិកជនវៀតណាមនៅក្រៅប្រទេស៕
(ប្រែសម្រូលដោយវិច្ឆិកា)
(ប្រភពព័ត៌មាន: thoidai.com.vn)
មតិពីមិត្តអ្នកអាន