យុគសម័យ - អនុរដ្ឋមន្ត្រីក្រសួងកសិកម្មនិងអភិវឌ្ឍន៍ជនបទវៀតណាម លោក Vu Van Tam បានឲ្យដឹងថា ចាប់ពីថ្ងៃទី១៥ដល់ថ្ងៃទី២៥ខែឧសភាឆ្នាំ២០១៨ គណៈប្រតិភូបច្ចេកទេសរបស់គណៈកម្មការអឺរ៉ុប (EC) បានទៅត្រួតពិនិត្យនូវស្ថានភាពជាក់ស្តែងសម្រាប់ការជំនះ “កាតលឿង” នៅវៀតណាម។
តាមនោះ គណៈប្រតិភូបច្ចេកទេសរបស់ EC នឹងទៅត្រួតពិនិត្យដោយចៃដន្យការអនុវត្តជំនះ “កាតលឿង” តាមតំបន់ឆ្នេរសមុទ្រមួយចំនួននិងវាយតម្លៃអំពីរបាយការណ៍របស់វៀតណាម។
វៀតណាមខិតខំប្រឹងប្រែងដក "កាតលឿង" សម្រាប់ជលផល
អនុរដ្ឋមន្ត្រីក្រសួងកសិកម្មនិងអភិវឌ្ឍន៍ជនបទវៀតណាម លោក Vu Van Tam បានឲ្យដឹងថា គណៈប្រតិភូនឹងទៅពិនិត្យនៅតំបន់នានាដោយមិនបានជូនដំណឹងជាមុនឡើយ។ ក្រសួងកសិកម្មនិងអភិវឌ្ឍន៍ជនបទរួមទាំងតំបន់ទាំងអស់ បានត្រៀមជាស្រេចនូវខ្លឹមសារតាមតម្រូវការរបស់គណៈប្រតិភូ EC ដោយស្មារតីចង់ឲ្យ EU ទទួលស្គាល់និងលុប ចោល “កាតលឿង” សម្រាប់ជលផលវៀតណាមយ៉ាងឆាប់ៗ។
“ក្រសួងកសិកម្មនិងអភិវឌ្ឍន៍ជនបទ រួមទាំងតំបន់នានាបានត្រៀមជាស្រេចនូវខ្លឹមសារតាមតម្រូវការរបស់គណៈប្រតិភូ នៃគណៈកម្មការអឺរ៉ុប។ យើងខ្ញុំនឹងជូនដំណឹងចំពោះអ្វីៗដែលសម្រេចបាននិងមានបំណងទទួលបានការរួមមតិយោបល់របស់ EC សម្រាប់បញ្ហានៅសេសសល។ វៀតណាមចង់បង្ហាញនូវស្មារតីចង់ចេះ ចង់រៀន។ តាមនោះ សង្ឃឹមថា គណៈប្រ តិភូ EC នឹងទទួលស្គាល់និងវាយតម្លៃខ្ពស់ចំពោះរាល់ការខិតខំប្រឹងប្រែងរបស់វៀតណាម ដើម្បីលុបបំបាត់ “កាតលឿង” សម្រាប់ជលផលវៀតណាម”។នេះបើយោងតាមប្រសាសន៍របស់អនុរដ្ឋមន្ត្រីក្រសួងកសិកម្មនិងអភិវឌ្ឍន៍ជនបទវៀតណាម លោក Vu Van Tam។
អ្នកនេសាទវៀតណាមកំពុងផ្តោតទៅលើការនេសាទត្រីមានការទទួលខុសត្រូវ (រូបថតៈ KT)
សូមគូសបញ្ជក់ថា នាថ្ងៃទី២៣ខែតុលាឆ្នាំ២០១៧ គណៈកម្មការអឺរ៉ុប (EC) បានដាក់ “កាតលឿង” សម្រាប់ជលផល វៀតណាមនិងដាក់ចេញនូវសំណើរចំនួន៩ត្រូវជំនះក្នុងរយៈពេល៦ខែ (ពោលគឺដល់ថ្ងៃទី២៣ខែមេសាឆ្នាំ២០១៨)។ ក្រោយ រយៈពេលនោះ គណៈប្រតិភូបានអនុវត្តការត្រួតពិនិត្យ វាយតម្លៃចំពោះការជំនះនូវសំណើរទាំង៩ដែល EC ដាក់ចេញនោះ ឈានដល់ពិនិត្យការលុបចោល “កាតលឿង” សម្រាប់ជនផលវៀតណាម។ រហូតមកដល់ពេលនេះ វៀតណាមមានការខិតខំប្រឹងប្រែងជាច្រើនក្នុងការជំនះ “កាតលឿង” ពីមជ្ឈឹមដល់តំបន់បានអនុវត្តន៍នូវដំណោះស្រាយព្រមៗគ្នា សំដៅជំនះ “កាតលឿង” ឆ្ពោះទៅ “របរនេសាទមានការទទួលខុសត្រូវ”៕
(ដោយ ស្រីពេជ្រ)
មតិពីមិត្តអ្នកអាន