ការចុះពិនិត្យសុខភាព ផ្តល់ថ្នាំដោយឥតគិតថ្លៃ និងអំណោយជូនប្រជាពលរដ្ឋនៅតាមមូលដ្ឋានមួយចំនួនក្នុងប្រទេសកម្ពុជា ដែលដឹកនាំដោយនាយកដ្ឋានពេទ្យយោធា នៃអគ្គនាយកដ្ឋានភស្តុភារកងទ័ពប្រជាជនវៀតណាម សហការជាមួយអង្គភាពមួយចំនួននៃកងយោធពលខេមរភូមិន្ទ ទើបតែបានប្រព្រឹត្តទៅនោះ បានចូលរួមចំណែកក្នុងការពង្រឹងចំណងមិត្តភាពពិសេសរវាងកងទ័ព និងប្រជាជននៃប្រទេសទាំងពីរ...
វៀតណាម-កម្ពុជាជំរុញកិច្ចសហប្រតិបត្តិការ និងតភ្ជាប់សហគ្រាសឡូជីស្ទីក |
វៀតណាមនិងកម្ពុជាចងសម្ព័ន្ធមេត្រីភាពដើម្បីលុបបំបាត់ភាពអត់ឃ្លាន និងកាត់បន្ថយភាពក្រីក្រ |
វេជ្ជបណ្ឌិតនៃកងទ័ពប្រទេសទាំងពីរសម្របសម្រួលអ៊ុលត្រាសោន និងពិនិត្យសុខភាពជូនពលរដ្ឋកម្ពុជា |
ជួបពិភាក្សជាមួយយើងខ្ញុំ ប្រជាជនជាច្រើនដែលបានមកពិនិត្យសុខភាព ត្រូវបានផ្តល់ថ្នាំ និងប្រឹក្សាយោបល់អំពីការការពារ និងគ្រប់គ្រងជំងឺ បានសម្តែងនូវក្តីស្រលាញ់ និងការដឹងគុណចំពោះក្រុមគ្រូពេទ្យ និងបុគ្គលិកពេទ្យនៃកងទ័ពប្រជាជនវៀតណាម។ ក្រោយពេលពិនិត្យរួច ប្រជាពលរដ្ឋទទួលបានការណែនាំយ៉ាងយកចិត្តទុកដាក់អំពីរបៀបលេបថ្នាំ រក្សាអនាម័យ ការហូបចុក និងវិធានការបង្ការជំងឺ។ អ្នកជំងឺដែលមានអាការធ្ងន់ធ្ងរជាងនេះ ត្រូវបានណែនាំឱ្យទៅមន្ទីរពេទ្យសមស្របដើម្បីពិនិត្យ និងព្យាបាល។
លោកវរសេនីយ៍ឯក Nguyen Van Giang អនុប្រធាននាយកដ្ឋានពេទ្យយោធាបានមានប្រសាសន៍ថា៖ ក្នុងអំឡុងពេលពិនិត្យ និងផ្គត់ផ្គង់ថ្នាំដោយឥតគិតថ្លៃនេះ នាយកដ្ឋានពេទ្យយោធាបានសម្របសម្រួលជាមួយអង្គភាពផ្សេងៗ ដើម្បីដាក់ពង្រាយម៉ាស៊ីន និងបរិក្ខារពេទ្យទំនើបៗជាច្រើនដូចជា៖ ការធ្វើតេស្ត Covid-19 ផ្នែកផ្ទៃក្នុង, វះកាត់, ពិនិត្យកុមារ, កាំរស្មីអ៊ិច, អ៊ុលត្រាសោន, អេឡិចត្រូតបេះដូង...
ក្រុមការងារបានពិនិត្យ និងផ្តល់យោបល់សុខភាព ផ្តល់ថ្នាំដោយឥតគិតថ្លៃ យ៉ាងយកចិត្តទុកដាក់ និងផ្តល់អំណោយដល់ប្រជាជនកម្ពុជាជាច្រើននាក់។ នេះជាសកម្មភាពជាក់ស្តែងមួយឆ្ពោះទៅកាន់ព្រឹត្តិការណ៍ជំនួបប្រាស្រ័យមិត្តភាពការពារជាតិព្រំដែនវៀតណាម-កម្ពុជា លើកទីមួយឆ្នាំ២០២២ រួមចំណែកលើកកម្ពស់ចំណងសាមគ្គីភាព មិត្តភាព និងកិច្ចសហប្រតិបត្តិការពិសេសរវាងកងទ័ព និងប្រជាជននៃប្រទេសទាំងពីរ។
លោក ស្រេង លី អភិបាល នៃគណៈអភិបាលស្រុកមេមត់ បានសម្តែងថា៖ អាជ្ញាធរ និងប្រជាជនស្រុកមេមត់ សូមថ្លែងអំណរគុណយ៉ាងជ្រាលជ្រៅចំពោះការស្រលាញ់ និងទំនួលខុសត្រូវរបស់ថ្នាក់ដឹកនាំ កម្មាភិបាល យុទ្ធជនកងទ័ពប្រជាជនវៀតណាម។ សកម្មភាពចុះពិនិត្យសុខភាព ផ្តល់ថ្នាំដោយឥតគិតថ្លៃ និងផ្តល់អំណោយនៅ ស្រុកមេមត់ របស់នាយកដ្ឋានពេទ្យយោធាវៀតណាមបានបន្សល់ទុកនូវក្តីស្រលាញ់ និងមនោសញ្ចេតនាដ៏ល្អប្រសើរ ក្នុងបេះដូងប្រជាជនកម្ពុជា។
លោកឧត្តមសេនីយ៍ត្រី សេង ឈុន នាយរងមន្ទីរពេទ្យយោធា ១៧៩ នៃកងយោធពលខេមរភូមិន្ទបានមានប្រសាសន៍ថា៖ ក្រៅពីការថែរក្សាសុខភាពប្រជាពលរដ្ឋ ការពិនិត្យសុខភាពនេះក៏ជាឱកាសមួយសម្រាប់គ្រូពេទ្យ និងគិលានុបដ្ឋាយិកានៅតាមមន្ទីរពេទ្យមួយចំនួននៃកងយោធពលខេមរភូមិន្ទ ផ្លាស់ប្តូរ ចែករំលែក រៀនបទពិសោធន៍ លើកកម្ពស់សមត្ថភាពវិជ្ជាជីវៈ ជាពិសេសក្នុងវិស័យសង្គ្រោះបន្ទាន់ បេះដូង សួត ...
គ្រប់តុពិនិត្យសុខភាពសុទ្ធតែត្រូវបានរៀបចំអង្គុយឆ្លាស់គ្នាដោយវេជ្ជបណ្ឌិតមកពីកងទ័ពប្រជាជនវៀតណាម និងវេជ្ជបណ្ឌិតមកពីកងយោធពលខេមរភូមិន្ទ។ ក្នុងអំឡុងពេលពិនិត្យសុខភាព គ្រូពេទ្យបានផ្លាស់ប្តូរ និងចែករំលែកជំនាញរបស់ពួកគេ។
លោកវេជ្ជបណ្ឌិត រោ ថា មន្ទីរពេទ្យយោធា ១៧៩ នៃកងយោធពលខេមរភូមិន្ទ មានប្រសាសន៍ថា “ធ្វើការជាមួយវេជ្ជបណ្ឌិតយោធាវៀតណាម យើងបានរៀនបទពិសោធន៍ជាច្រើន បច្ចេកទេសនៃការប្រើប្រាស់ម៉ាស៊ីនអ៊ុលត្រាសោន និងឧបករណ៍ពេទ្យទំនើបៗ”។ លោកវេជ្ជបណ្ឌិត ធំ រតនា មន្ទីរពេទ្យយោធា ១៧៩ មានប្រសាសន៍ថា៖ “គ្រូពេទ្យយោធាវៀតណាម ធ្វើការយ៉ាងយកចិត្តទុកដាក់ ប្រុងប្រយ័ត្ន សប្បាយរីករាយ និងរួសរាយរាក់ទាក់ ដូច្នេះប្រជាជនកម្ពុជាមានអារម្មណ៍ស្និទ្ធស្នាល និងស្រលាញ់គ្នា៕
មតិពីមិត្តអ្នកអាន