យុគសម័យ - អនុរដ្ឋមន្រ្តីក្រសួងសុខាភិបាល លោក Do Xuan Tuyen បាននិយាយឲ្យដឹងថាក្រសួងសុខាភិបាលកំពុងត្រៀមរៀបចំផែនការនិងអនុវត្តផែនទីបង្ហាញផ្លូវអំពីការចាក់វ៉ាក់សាំងប្រឆាំងនឹងជំងឺកូវីដ -១៩ សម្រាប់កុមារ។ មុនបង្អស់នឹងចាក់វ៉ាក់សាំងសម្រាប់ក្មេងមានអាយុពី ១២ ដល់ ១៧ ឆ្នាំ។ តាមការគម្រោងទុក នៅថ្ងៃទី ១៥ ខែតុលានេះ ក្រសួងនឹងចេញសេចក្តីណែនាំដល់បញ្ហាដែលជាប់ពាក់ព័ន្ធ..
ត្រៀមចាក់វ៉ាក់សាំងប្រឆាំងកូវីដ -១៩ សម្រាប់កុមារមានអាយុ ១២-១៧ ឆ្នាំ |
អនុរដ្ឋមន្រ្តីលោក Do Xuan Tuyen បានជូនដំណឹងថា ក្រសួងសុខាភិបាលខិតខំនៅក្នុងត្រីមាសទី ៤ ឆ្នាំ ២០២១ នឹងចាក់វ៉ាក់សាំងប្រឆាំងជំងឺកូវីដ -១៩ ដូសទី ២សម្រាប់៩៥%នៃកុមារសរុបមានចំនួន ៨,១ លាននាក់ដែលមានអាយុពី ១២-១៧ ឆ្នាំនៅទូទាំងប្រទេស។
ក្រសួងសុខាភិបាលកំពុងពិនិត្យឡើងវិញនិងធ្វើស្ថិតិស្តីពីចំនួនកុមារដែលមានអាយុពី ៣-១១ ឆ្នាំ។ ទន្ទឹមនឹងនេះ ស្វែងយល់នូវប្រភពវ៉ាក់សាំង ពិគ្រោះជាមួយអ្នកជំនាញនិងអ្នកវិទ្យាសាស្ត្រ ដើម្បីត្រៀមខ្លួនសម្រាប់ការណែនាំអំពីការចាក់វ៉ាក់សាំងសម្រាប់កុមារដែលអាយុមានអាយុពី ៣-១១ ឆ្នាំ នៅពេលមានវ៉ាក់សាំង។
អនុរដ្ឋមន្រ្តី លោក Do Xuan Tuyen បានស្នើឱ្យមូលដ្ឋានដឹកនាំមន្ទីរអប់រំនិងបណ្តុះបណ្តាលពិនិត្យឡើងវិញ វាយតម្លៃ ពង្រឹងនិងធ្វើឲ្យប្រសើរឡើងនូវការបង្ការនិងប្រយុទ្ធនឹងជំងឺការរាតត្បាតនិងត្រៀមជារួចស្រេច ដើម្បីបើកសាលារៀនឡើងវិញ។
ក្រសួងសុខាភិបាលនិងក្រសួងអប់រំនិងបណ្តុះបណ្តាលរៀបចំប្រព័ន្ធត្រួតពិនិត្យសុខភាព នៅតាមសាលារៀន ដើម្បីឱ្យសិស្សទាំងអស់មានតម្រុយជាក់លាក់ក្នុងការតាមដានសុខភាពរបស់ពួកគេនិងការពារក្រុមសិស្សដែលមិនទាន់បានចាក់វ៉ាក់សាំងព្រោះនៅក្នុងស្ថានភាពធម្មតាថ្មីនៅតែមានករណីផ្ទុកជំងឺកូវីដ ១៩ នៅក្នុងសហគមន៍។
យោងតាមព័ត៌មានថ្មីៗ នៅលើវិបផតថលចាក់ចាក់វ៉ាក់សាំងជាតិ គិតត្រឹមថ្ងៃត្រង់ថ្ងៃទី ១២ ខែតុលាប្រទេសទាំងមូលបានចាក់វ៉ាក់សាំងជំងឺកូវីដ ១៩ ចំនួន ៥៥.៨៧០.១៦៤ ដូសជូន ប្រជាជនជាង ៣៩ លាននាក់ដែលមានអាយុចាប់ពី ១៨ ឆ្នាំឡើងទៅបានចាក់វ៉ាក់សាំងដូសទីមួយ (ស្មើនឹង៥៨ % នៃចំនួនប្រជាជនដែលមានអាយុចាប់ពី ១៨ ឆ្នាំឡើងទៅ) ប្រជាជនចំនួន ១៦ លាននាក់បានទទួលការចាក់វ៉ាក់សាំងដូសទី ២ (ស្មើនឹងជាង ២២%) ។
គិតដល់ចុងថ្ងៃទី ១០ ខែតុលា ប្រទេសយើងទទួលបានវ៉ាក់សាំងជំងឺកូវីដ ១៩ ចំនួន ៨៧.៧ លានដូស ហើយឥឡូវនេះបានបែងចែកវ៉ាក់សាំងចំនួន ៨១.៧ លានដូស តាមរយៈ៥៧ លើកហើយ ក្នុងរយៈពេល ៧ ថ្ងៃចុងក្រោយនេះ វ៉ាក់សាំងចំនួន ២១.៥ លានដូសត្រូវបានបែងចែកថែមទៀត។
ចាប់ពីថ្ងៃទី ១ ដល់ ១០ ខែតុលានៅតាមតំបន់និងអង្គភាពនានានៅទូទាំងប្រទេសបានចាក់វ៉ាក់សាំងចំនួន ១១ លានដូសដែលមានសមត្ថភាពជាមធ្យមប្រហែល ១.១-១.២ ដូស។ បច្ចុប្បន្នខេត្តក្រុងចំនួន ៨/៦៣ បានបានចាក់វ៉ាក់សាំងយ៉ាងហោចណាស់មួយដូសហើយសម្រាប់ប្រជាជនជាង ៩០% ដែលមានពីអាយុ ១៨ ឆ្នាំឡើងទៅ។ ខេត្តចំនួន ២ បានចាក់វ៉ាក់សាំងដូសទីពីរដល់ទៅ ៧០-៨០%; ខេត្តចំនួន ៤៩ បានសម្រេចបានការចាក់វ៉ាក់សាំងចំនួន ៥០-៧០%; ខេត្តចំនួន ៤៩ ទើបតែចាក់វ៉ាក់សាំងដូសទីមួយសម្រាប់ប្រជាជនតិចជាង ៥០% ចាប់ពីអាយុ ១៨ ឆ្នាំឡើងទៅ៕
មតិពីមិត្តអ្នកអាន