អង្គការ WWF វៀតណាមបានបរិច្ចាគប្រាក់ជាង ៦៥ ពាន់លានដុងដល់គម្រោងកាត់បន្ថយកាកសំណល់ប្លាស្ទិចនៅភាគកណ្តាល

Thua Thien Hue ខិតខំធ្វើឱ្យវិស័យទេសចរណ៍ក្លាយជាវិស័យសេដ្ឋកិច្ចឈានមុខគេ

រដ្ឋបាលខេត្តមណ្ឌលគិរី និងអង្គការ WWF ប្រារព្ធទិវាសត្វខ្លាធំ

កុមារ ប្រមូលសំរាមនៅតាមដងទន្លេ Huong ។

យោងតាមវិបផតថល Thua Thien Hue ទឹក​ប្រាក់​ឧបត្ថម្ភពីគម្រោងមានចំនួនជាង ៦៥ ពាន់លានដុង ហើយគម្រោងនេះបាន​ដាក់​ចេញ​គោលដៅ​រហូតដល់​ឆ្នាំ២០២៤ ទីក្រុង Hue ប្រមូលសំរាមសំណល់រឹង ៧០% ដែលបានបែង​ចែកប្រភពប្រមូលនិងកែច្នៃ ពន្លឿនការប្រមូលឡើងវិញពីគំនរកាកសំណល់ដែល​បានពីកន្លែងចាក់សំរាម។

នៅឆ្នាំ ២០៣០ ប្រព័ន្ធទន្លេនិងប្រព័ន្ធអេកូឡូស៊ីដីលិចទឹក​ នៅទីក្រុង Hue នឹងបានការពារពីការបំពុលដោយកាកសំណល់ប្លាស្ទិក តាមរយៈការចូលរួមក្នុងកម្មវិធីកាត់បន្ថយកាកសំណល់ប្លាស្ទិចទីក្រុងនិងការចូលរួមយ៉ាងសកម្មពីអ្នកពាក់ព័ន្ធលើវិស័យសាធារណៈ ឯកជនអង្គការសង្គមស៊ីវិលនិងសហគមន៍មូលដ្ឋាន។

រយៈពេលអនុវត្តគម្រោងនេះគឺចាប់ពីឆ្នាំ ២០២១-២០២៤ ដោយបែងចែកជា ២ ដំណាក់កាល។ ដំណាក់កាលទី ១ ការចាប់ផ្តើមគម្រោងនឹងសិក្សាពីស្ថានភាពបច្ចុប្បន្ននៃការគ្រប់គ្រងសំណល់រឹង ដោយផ្តោតលើសំរាមប្លាស្ទិកនៅទីក្រុង Hue ជាមូលដ្ឋានសម្រាប់បង្កើតផែនការសកម្មភាពសម្រាប់ដំណាក់កាលទី ២ ។ ទីក្រុង Hue ចុះហត្ថលេខាលើការប្តេជ្ញាចិត្តប្រែក្លាយទីក្រុង Hue អោយក្លាយទៅជាទីក្រុងកាត់បន្ថយការប្រើប្រាស់ប្លាស្ទិក

ដំណាក់កាលទី ២ - ការអនុវត្តគម្រោងនឹងគាំទ្រទីក្រុង Hue ក្នុងការអនុវត្តផែនការសកម្មភាពដើម្បីប្រែក្លាយទីក្រុង Hue ទៅជាទីក្រុងកាត់បន្ថយប្លាស្ទិច តម្រូវការរបស់អ្នកប្រើប្រាស់និងបរិមាណសំណល់ប្លាស្ទិកត្រូវបានកាត់បន្ថយតាមបណ្តាគោលដៅ។ បង្កើនអត្រា​ក្រុមគ្រួសារដែលទទួលបានសេវាប្រមូលសំរាមនៅតំបន់គោលដៅ ធ្វើឱ្យប្រសើរឡើងនូវអត្រាកែច្នៃសំណល់ក្នុងចំណោមភាគីពាក់ព័ន្ធសំខាន់ៗនៅក្នុងតំបន់គម្រោង។ ធ្វើឱ្យប្រសើរឡើងនូវគុណភាពនៃការគ្រប់គ្រងសំរាមនៅក្នុងតំបន់គម្រោង។

យើងបានដឹងថានៅឆ្នាំ ២០១៦ ទីក្រុង Hue គឺជាទីក្រុងដំបូងគេដែលបានទទួលស្គាល់ដោយមូលនិធិអភិរក្សពិភពលោកសម្រាប់ធម្មជាតិ (WWF) ថាជា“ ទីក្រុងបៃតងជាតិ” ។ នៅវេទិកាទេសចរណ៍អាស៊ានឆ្នាំ ២០១៨ និងការតាំងពិព័រណ៍ទេសចរណ៍អន្តរជាតិ Travex (ប្រទេសថៃ) ទីក្រុង Hue ទទួលបានកិត្តិនាម​​ជាទីក្រុងទេសចរណ៍ស្អាតអាស៊ាន ២០១៨-២០២០ ៕

ឌីណា

thoidai.com.vn