យុគសម័យ - សមាគមជនជាតិវៀតណាមនៅប្រទេសហុងគ្រីបានប្រគល់សម្ភារៈនិងបរិក្ខាពេទ្យជិត ១២.៥ តោនដែលមានតម្លៃ ៣៨០.០០០ ដុល្លារអាមេរិកជូនដល់ស្ថានទូតវៀតណាមប្រចាំនៅប្រទេសហុងគ្រី ដើម្បីគាំទ្រប្រទេសជាតិប្រឆាំងនឹងការរីករាលដាលនៃជំងឺកូវីដ ១៩ ។
 កាសែតប្រទេសឆែកកោតសរសើរជោគជ័យរបស់វៀតណាមក្នុងការទប់ទល់នឹងជំងឺរាតត្បាត និងអភិវឌ្ឍសេដ្ឋកិច្ច |
 វៀតណាមបានចូលរួម “ពិធីបុណ្យពិភពពណ៌ចម្រុះ ២០១៩” នៅប្រទេសឆែក |
 |
| សមាគមជនជាតិវៀតណាមនៅប្រទេសហុងគ្រីប្រគល់សម្ភារៈនិងបរិក្ខាពេទ្យ គាំទ្រមាតុភូមិវៀតណាម ក្នុងការប្រឆាំងនឹងជំងឺកូវីដ ១៩ ដល់ស្ថានទូតវៀតណាមនៅហុងគ្រី (រូបថត៖ វៀតណាម+) |
ឆ្លើយតបទៅនឹងកម្មវិធី “ព្រួតដៃគ្នា ដើម្បីរួមចំណែក គាំទ្រមាតុភូមិវៀតណាមប្រឆាំងនឹងការរីករាលដាលនៃជំងឺកូវីដ -១៩” ដែលបំផុសដោយសមាគមជនជាតិវៀតណាមនៅប្រទេសហុងគ្រី នៅខែសីហាឆ្នាំ ២០២១ សហគ្រិនជនជាតិវៀតណាមម្នាក់គឺលោក Vu Quy Duong បានចូលរួមបរិច្ចាគសម្ភារៈបរិក្ខាពេទ្យជិត ១២.៥ តោនដែលមានតំលៃសរុបប្រហែល ៣៨០.០០០ ដុល្លារអាមេរិក។
ក្នុងនាមជានាយក VIMPEX ដែលជាសហគ្រាសហុងគ្រីដ៏ធំមួយលោក Vu Quy Duong ក៏កាន់តំណែងជាប្រធានសមាគមជនជាតិវៀតណាមនៅប្រទេសហុងគ្រីនិងជាសកម្មជនក្នុងគ្រប់សកម្មភាពសហគមន៍។
ការគាំទ្ររបស់លោក Vu Quy Duong រួមមាន ម្ជុល ម៉ាស់ KN95 និងឧបករណ៍ធ្វើតេស្តអង់ទីហ្សែនដែលទាំងអស់នេះគឺជាសម្ភារៈនិងបរិក្ខាពេទ្យចាំបាច់សម្រាប់ការបង្ការនិងទប់ស្កាត់នឹងការរីករាលដាលនៃជំងឺកូវីដ ១៩ ក្នុងប្រទេសវៀតណាម។
សម្ភារៈបរិក្ខាពេទ្យទាំងនេះបានប្រគល់ជូនស្ថានទូតវៀតណាមប្រចាំប្រទេសហុងគ្រីដើម្បីបញ្ជូនទៅកាន់ប្រទេសវៀតណាម។
ពិធីប្រគល់នេះបានធ្វើឡើង នៅរសៀលថ្ងៃទី ២២ ខែកញ្ញានៅទីស្នាក់ការរបស់ក្រុមហ៊ុន VIMPEX នៅទីក្រុង Budapest ។
ថ្លែងនៅក្នុងពិធីនេះ លោក Vu Quy Duong បានចែករំលែកថាលោកចាត់ទុកការរួមវិភាគទានរបស់លោកចំពោះមាតុភូមិវៀតណាមគឺជាទឹកចិត្តរបស់ប្រជាជនវៀតណាមម្នាក់ នៅពេលដែលឃើញស្រុកកំណើតនិងបងប្អូនប្រជាជនជួបការលំបាកជាច្រើន៕
Bao Quoc Te
មតិពីមិត្តអ្នកអាន