នាថ្ងៃទី ២១ ខែកញ្ញា រដ្ឋាភិបាលអ៊ីតាលីបានប្រកាសថានឹងបន្តជួយឧបត្ថម្ភវ៉ាក់សាំង AstraZeneca ចំនួន ៧៩៦,០០០ ដូសបន្ថែមទៀតជូនវៀតណាម តាមរយៈយន្តការ COVAX ដើម្បីប្រយុទ្ធប្រឆាំងនឹងជំងឺកូវីដ១៩។
វ៉ាក់សាំងការពារជំងឺកូវីដ ១៩ ចំនួន ១០៣.៤ លានដូសនឹងមកដល់ប្រទេសវៀតណាម |
ពិធីទទួលឧបករណ៍ធ្វើតេស្តរកជំងឺកូវីដ ១៩ ចំនួន ២៦.០០០ ឈុត ដែលបរិច្ចាគដោយអាណិកជនវៀតណាមនៅឯប្រទេសអាល្លឺម៉ង់ |
អ៊ីតាលីបន្តជួយឧបត្ថម្ភវ៉ាក់សាំងការពារជំងឺកូវីដ-១៩ ចំនួន ៧៩៦,០០០ ដូសបន្ថែមទៀតជូនវៀតណាម។ (រូបថត៖ vietnamnet) |
ការសម្រេចចិត្តនេះនាំមកនូវចំនួនវ៉ាក់សាំងសរុបដែលអ៊ីតាលីបានជួយឧបត្ថម្ភជូនវៀតណាមដល់ជាង ១.៦ លានដូស ដែលធ្វើឱ្យវៀតណាមក្លាយទៅជាដៃគូវ៉ាក់សាំងអាទិភាពធំបំផុតរបស់អ៊ីតាលីនៅទូទាំងពិភពលោក។ អ៊ីតាលីក៏ជាប្រទេសមួយក្នុងចំណោមប្រទេសជាសមាជិកសហភាពអឺរ៉ុប (EU) ដែលផ្តល់ជំនួយឧបត្ថម្ភធំបំផុតជូនវៀតណាមតាមរយៈយន្តការ COVAX។
នេះគឺជាជំនួយដ៏មានតម្លៃនិងទាន់ពេលវេលា ដែលបង្ហាញពីសាមគ្គីភាពរបស់រដ្ឋាភិបាល និងប្រជាជនអ៊ីតាលី ចំពោះប្រទេសវៀតណាមក្នុងគ្រាដ៏លំបាក និងជាសក្ខីកម្មដ៏រស់រវើកនៃទំនាក់ទំនងមិត្តភាពយូរអង្វែងនិងភាពជាដៃគូយុទ្ធសាស្ត្រវៀតណាម-អ៊ីតាលី។ លទ្ធផលខាងលើនេះអាស្រ័យដោយដំណើរការនៃការកៀងគរយ៉ាងសកម្មរបស់គ្រប់លំដាប់ថ្នាក់ ជាពិសេសថ្នាក់ជាន់ខ្ពស់ រួមទាំងសារលិខិតពីលោកនាយករដ្ឋមន្រ្តី Pham Minh Chinh ផ្ញើជូននាយករដ្ឋមន្រ្តីអ៊ីតាលី លោក Mario Draghi ក៏ដូចជាកិច្ចខិតខំប្រឹងប្រែងរបស់ក្រុមការងារស្តីពីការទូតវ៉ាក់សាំងរបស់រដ្ឋាភិបាល ក្រសួង ស្ថាប័ននានា និងស្ថានតំណាងវៀតណាមនៅអ៊ីតាលី ក្នុងរយៈពេលកន្លងមក៕
មតិពីមិត្តអ្នកអាន