យុគសម័យ - លោកអនុរដ្ឋមន្រ្តីក្រសួងការបរទេស Pham Quang Hieu បានតាងនាមសហគមន៍ជនជាតិវៀតណាមនៅអាមេរិក អង់គ្លេស ជប៉ុន និងអ៊ុយក្រែន បានផ្តល់ថវិកាជាង ១ ពាន់លានដុងដល់រណសិរ្សមាតុភូមិវៀតណាមដើម្បីជួយគាំទ្រការងារបង្ការទប់ស្កាត់ការរីករាលដាលនៃជំងឺរាតត្បាតក្នុងស្រុក។
ពិធីទទួលឧបករណ៍ធ្វើតេស្តរកជំងឺកូវីដ ១៩ ចំនួន ២៦.០០០ ឈុត ដែលបរិច្ចាគដោយអាណិកជនវៀតណាមនៅឯប្រទេសអាល្លឺម៉ង់ |
អាណិកជនវៀតណាមនៅបារាំងចូលរួមពិធីបុណ្យVu Lanនៅវត្ត Truc Lam Thien Vien ទីក្រុងប៉ារីស |
អនុរដ្ឋមន្រ្តីក្រសួងការបរទេសវៀតណាម លោក Pham Quang Hieu ប្រធានគណៈកម្មាធិការរដ្ឋស្តីពីជនជាតិវៀតណាមនៅឯបរទេស ក្នុងនាមសហគមន៍ជនជាតិវៀតណាមនៅចក្រភពអង់គ្លេស អ៊ុយក្រែន អាមេរិកនិងមូលនិធិ Steve Bui និងមិត្តភក្តិបានបរិច្ចាគប្រាក់ជាង ១ ពាន់លានដុង ជូនដល់គណៈកម្មាធិការ ដើម្បីគាំទ្រការងារបង្ការនិងទប់ស្កាត់នឹងការរីករាលដាលនៃជំងឺកូវីដ ១៩ ក្នុងស្រុក។ (រូបថត៖ Nguyen Hong) |
នាថ្ងៃទី ១៦ ខែកញ្ញា នៅទីក្រុង Ha Noi ពិធីបើកដាក់ឲ្យដំណើរការគេហទំព័ររបស់អនុគណៈកម្មការចលនា និងកៀរគរធនធានពីសង្គមចំណុះគណៈកម្មការជាតិស្តីពីការប្រយុទ្ធប្រឆាំងនឹងជំងឺរាតត្បាតកូវីដ១៩។ នៅក្នុងពិធីនេះ អនុរដ្ឋមន្រ្តីក្រសួងការបរទេស - ប្រធានគណៈកម្មាធិការជាតិទទួលបន្ទុកជនវៀតណាមនៅឯបរទេស លោក Pham Quang Hieu បានតាងនាមសហគមន៍ជនជាតិវៀតណាមនៅអាមេរិក អង់ គ្លេស ជប៉ុន និងអ៊ុយក្រែនបានផ្តល់ថវិកាជាង ១ ពាន់លានដុងដើម្បីជួយឧបត្ថម្ភការបង្ការទប់ស្កាត់ជំងឺរាតត្បាតក្នុងស្រុកដល់រណសិរ្សមាតុភូមិវៀតណាម។
ក្នុងឱកាសនេះ លោកអនុរដ្ឋមន្ត្រីបានផ្ញើលិខិតថ្លែងអំណរគុណចំពោះការរួមចំណែករបស់សហគមន៍ វៀតណាមនៅឯបរទេសក្នុងរយៈពេលកន្លងមក។
រហូតមកដល់បច្ចុប្បន្ននេះ សហគមន៍ជនវៀតណាមនៅក្រៅប្រទេសបានផ្ញើថវិកាជាង ៦០ ពាន់លានដុង រួមជាមួយសំភារៈបរិក្ខារពេទ្យជាច្រើនទៀតដើម្បីជួយឧបត្ថម្ភដល់ការបង្ការទប់ស្កាត់ជំងឺរាតត្បាតក្នុងស្រុក។ ពាណិជ្ជករ និងបញ្ញវន្តវៀតណាមនៅក្រៅប្រទេសជាច្រើនបានចូលរួមផ្តល់គំនិតផ្តួចផ្តើម និងដំណោះស្រាយដើម្បីគ្រប់គ្រងការរីករាលដាលនៃជំងឺរាតត្បាត និងអភិវឌ្ឍសេដ្ឋកិច្ចសង្គមក្នុងស្ថានភាពថ្មី។
ប្រតិភូបានចុចប៊ូតុងដើម្បីបើកឲ្យដំណើរការគេហទំព័ររបស់របស់អនុគណៈកម្មការចលនា និងកៀរគរធនធានពីសង្គមចំណុះគណៈកម្មការជាតិស្តីពីការប្រយុទ្ធប្រឆាំងនឹងជំងឺរាតត្បាតកូវីដ ១៩ ។ (រូបថត៖ Nguyen Hong) |
តាងនាមគណៈកម្មាធិការជាតិទទួលបន្ទុកជនវៀតណាមនៅឯបរទេស លោកអនុរដ្ឋមន្រ្តី Pham Quang Hieu បានថ្លែងអំណរគុណដ៍ស្មោះសចំពោះជនរួមជាតិវៀតណាមនៅក្រៅប្រទេសដែលបានចែករំលែកជាមួយប្រជាជននៅក្នុងប្រទេស ហើយក្នុងពេលជាមួយគ្នានេះបានសម្តែងនូវក្តីសង្ឃឹមថាប្រជាជននៅក្រៅប្រទេសជាតិ និងមិត្តភក្តិនៅជុំវិញពិភពលោកបន្តរួមដៃគ្នាគាំទ្រកម្មវិធី “បេះដូង មេត្តាករុណារាប់លានឆ្ពោះទៅមាតុភូមិ” ដែលរៀបចំឡើងដោយគណៈកម្មាធិការជាតិទទួលបន្ទុកជនវៀតណាមនៅឯបរទេស។
ដើម្បីជួយសប្បុរសជនអោយមានភាពងាយស្រួលក្នុងការជួយគាំទ្រដល់ការបង្ការទប់ស្កាត់ការរាតត្បាត អនុគណៈកម្មការចលនានិងកៀរគរធនធានពីសង្គមបានដាក់ដំណើរការជាផ្លូវការនូវប្រព័ន្ធបរិច្ចាគអនឡាញតាមគេហទំព័រ៖ http://vandongxahoi.mattran.org.vn./ ៕
thoidai.com.vn
មតិពីមិត្តអ្នកអាន