បរិមាណអង្ករកម្ពុជានាំចេញទៅកាន់ទីផ្សារអន្តរជាតិ ក្នុង ៨ ខែកន្លងមក ឆ្នាំ២០២១បានជាង ៥ ម៉ឺនតោន បើតាមរបាយការណ៍របស់សហព័ន្ធស្រូវអង្ករកម្ពុជា(CRF) ដែលបានឱ្យដឹងបរិមាណនៃការនាំចេញសរុបនេះ គឺធ្លាក់២៣,៣៧ភាគរយ បើធៀបនឹងរយៈពេលដូចគ្នាក្នុងឆ្នាំ២០២០។
ការនាំចេញកសិផលកម្ពុជា ក្នុងរយៈពេល ៦ ខែដើមឆ្នាំ២០២១ |
ការវិនិយោគផ្ទាល់ពីបរទេសជិត ៨ ពាន់លានដុល្លារ ដែលបានហូរចូលក្នុងប្រទេសវៀតណាមក្នុងរយៈពេល ៨ ខែកន្លងមកនេះ |
អង្ករកម្ពុជា។ |
ចំពោះអង្ករដែលកម្ពុជាបាននាំចេញរួមមាន អង្ករក្រអូបគ្រប់ប្រភេទចំនួន ២៤២ ៤៣២តោន, អង្ករសគ្រប់ប្រភេទចំនួន ៩៤ ៤៤១តោន និងអង្ករចំហុយចំនួន ៦ ៥៧៤តោន។
ចំណែកទឹកប្រាក់ដែលទទួលបានពីការនាំចេញនេះ មានចំនួន ៣៤៨,៣៥លានដុល្លារ ដោយថយចុះ១៧ភាគរយ ធៀបនឹងឆ្នាំ ២០២០។
សហព័ន្ធស្រូវអង្ករកម្ពុជា កត់សម្គាល់ថា ការនាំចេញអង្កររបស់កម្ពុជា ចាប់ផ្តើមមានសញ្ញាល្អឡើងវិញដែរ។ កាលពីខែសីហា កម្ពុជានាំចេញអង្ករបានជាង៣,៣ម៉ឺនតោន កើនឡើង៥១ភាគរយធៀបនឹងខែសីហាឆ្នាំទៅ។ ទឹកប្រាក់ដែលបានពីការលក់អង្ករមានចំនួន ២៤,៥លានដុល្លារ។ បើតាម CRF ចិនជាប្រទេសដែលនាំចូលអង្ករពីកម្ពុជាច្រើនជាងគេ បន្ទាប់មកគឺបណ្តាប្រទេសអឺរ៉ុប ទីផ្សារអាស៊ាន និងបណ្តាប្រទេសផ្សេងៗទៀត។
ក្នុងរយៈពេលកន្លងមក អង្កររបស់កម្ពុជាបាននាំចេញទៅកាន់ប្រទេសចំនួន ៥២ នៅជុំវិញពិភពលោក ដែលក្នុងនោះប្រទេសចិនគឺជាទីផ្សារនាំចូលអង្ករច្រើនជាងគេដោយមានចំនួន ១៦៥,៦១២ តោន។ កម្ពុជាក៏នាំចេញអង្ករទៅកាន់ប្រទេសអឺរ៉ុបចំនួន ២២ និងប្រទេសចំនួន ០៧ នៅក្នុងតំបន់អាស៊ានផងដែរ។
យោងតាមទិន្នន័យពីក្រសួងកសិកម្ម រុក្ខាប្រមាញ់ និងនេសាទកម្ពុជា បានឲ្យដឹងថា ក្នុងរយៈពេល ៨ ខែដើមឆ្នាំនេះ កម្ពុជាបាននាំចេញស្រូវចំនួន ២,៣៨ លានតោនទៅកាន់ប្រទេសវៀតណាម កើនឡើងជិតទ្វេដងបើធៀបនឹងរយៈពេលដូចគ្នាកាលពីឆ្នាំមុន៕
មតិពីមិត្តអ្នកអាន