ធនាគារអភិវឌ្ឍអាស៊ី (ADB) ទើបបានអនុម័តលើកញ្ចប់កម្ចីក្នុងតម្លៃ៥៨លាន ដុល្លាអាមេរិក និងកញ្ចប់ឧបត្ថម្ភឥតសំណងចំនួន២លានដុល្លាអាមេរិក ពីមូលនិធិ បច្ចេកវិទ្យាខ្ពស់របស់ ADB ដើម្បីអនុវត្តន៍គម្រោងកសាងហេដ្ឋារចនាសម្ព័ន្ធដោយបន្សាំ នឹងការប្រែប្រួលអាកាសធាតុសម្រាប់ប្រជាពលរដ្ឋជាជនជាតិភាគតិចនៅតាមខេត្ត Binh Dinh និងខេត្ត Quang Nam របស់វៀតណាម ជាពិសេសគឺនៅតាមស្រុកព្រៃភ្នំ តំបន់ឆ្ងាយដាច់ស្រយាល ដែលជាកន្លែងប្រមូលផ្ដុំសហគមន៍ជនជាតិភាគតិចយ៉ាងច្រើន។
 |
| ADB ឧបត្ថម្ភថវិកា ៦០ លានដុល្លាអាមេរិកដើម្បីកែលម្អហេដ្ឋារចនាសម្ព័ន្ធសម្រាប់សហគមន៍ជនជាតិភាគតិចនៅវៀតណាម។ (រូបថត៖ bienphong) |
គម្រោងនេះគឺសំដៅកែលម្អលក្ខណៈជីវភាពរបស់សហគមន៍ជនជាតិភាគតិចនៅតាមតំបន់ព្រៃភ្នំ តំបន់ដាច់ស្រយាល។ គម្រោងនឹងជួយតភ្ជាប់មូលដ្ឋានផលិតកម្ម នៅតាមតំបន់ជនបទ តំបន់ឆ្ងាយដាច់ស្រយាលជាមួយនឹងទីផ្សារនិងមូលដ្ឋានកែច្នៃ ដំណាំ ព្រមទាំងបង្កើនលទ្ធភាពទទួលបានផលពីសេវាកម្មសុខាភិបាលនិងអប់រំ។ គម្រោងក៏លើកកំពស់លទ្ធភាពទទួលបានប្រភពផ្គត់ផ្គង់ទឹកស្អាតនិងប្រព័ន្ធស្រោច ស្រពផងដែរ។ តាមការគ្រោងទុក ប្រជាពលរដ្ឋប្រមាណ២៤៣ពាន់នាក់ ក្នុងនោះមាន ជនជាតិភាគតិចចំនួនជាង១២៦ពាន់នាក់នឹងទទួលបានផលពីគម្រោងនេះ។
គួរជម្រាបថា វៀតណាមជាប្រទេសមួយក្នុងចំណោមប្រទេសដែលរងផល ប៉ះពាល់ធ្ងន់ធ្ងរបំផុតដោយការប្រែប្រួលអាកាសធាតុ។ តាមការប៉ាន់ស្មាន ជារៀង រាល់ឆ្នាំវៀតណាមរងការខាតបង់ជាមធ្យមចំនួន ២,៣៧ពាន់លានដុល្លាអាមេរិក ដោយ សារគ្រោះមហន្តរាយធម្មជាតិ ជាពិសេសគឺគ្រោះទឹកជំនន់ ក្នុងនោះខេត្ត Binh Dinh និងខេត្ត Quang Nam ស្ថិតនៅក្នុងចំណោមខេត្ត ក្រុងដែលរងផលប៉ះពាល់ធ្ងន់ធ្ងរ បំផុត៕
មតិពីមិត្តអ្នកអាន