ប្រព័ន្ធផ្សព្វផ្សាយឡាវ ចុះផ្សាយអត្ថបទជាច្រើនស្តីពីទំនាក់ទំនងឡាវ - វៀតណាម

ឆ្នាំ២០២១៖ កម្មវិធីផ្លាស់ប្តូរយុវជនជាច្រើននិស្សិតមកពីប្រទេសឡាវ - វៀតណាម

សាងសង់ផ្លូវដែកក្នុងទឹកប្រាក់ជិត ២ ពាន់លានដុល្លារអាមេរិកដែលតភ្ជាប់ប្រទេសឡាវ - វៀតណាម

នៅលើទំព័រមុខនៃកាសែត Paxaxon ដែលជាកាសែតរបស់បក្សប្រជាជនបដិវត្តន៍ឡាវ នាថ្ងៃទី ១៦ ខែកក្កដា បានចុះផ្សាយអត្ថបទមួយក្រោមចំណងជើងថា“បន្តពូនជ្រំទំនាក់ទំនងមិត្តភាព កិច្ចសហប្រតិបត្តិការ និងទំនាក់ទំនងការទូតឡាវ - វៀតណាម ឲ្យកាន់តែអភិវឌ្ឍពីមួយថ្ងៃទៅមួយថ្ងៃ”។ អត្ថបទអះអាងថា ទោះបីមានការវិវឌ្ឍដ៏ស្មុគស្មាញនៃជំងឺរាតត្បាត Covid-19 ក៏ដោយក៏ប្រទេសឡាវនិងវៀតណាមនៅតែបន្តពង្រឹងទំនាក់ទំនងប្រកបដោយស៊ីជម្រៅ ដើម្បីផលប្រយោជន៍របស់ប្រជាជននៃប្រទេសទាំងពីរ។ ប្រការនេះត្រូវបានបង្ហាញតាមរយៈដំណើរទស្សនកិច្ចមិត្តភាពជាផ្លូវការនៅប្រទេសវៀតណាម របស់ថ្នាក់ដឹកនាំបក្សនិងរដ្ឋឡាវ នាពេលថ្មីៗនេះ។

ប្រព័ន្ធផ្សព្វផ្សាយឡាវ ចុះផ្សាយអត្ថបទជាច្រើនស្តីពីទំនាក់ទំនងឡាវ - វៀតណាម (រូបថត៖ vov.vn)

កាសែត Pathetlao នៃទីភ្នាក់ងារសារព័ត៌មានឡាវ (KPL) នាថ្ងៃទី ១៦ ខែកក្កដា បានចុះផ្សាយអត្ថបទមួយនៅលើទំព័រមុខក្រោមចំណងជើងថា “ទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយ ឡាវ-វៀតណាមប្រកបដោយចិរភាព”។ អត្ថបទនេះបានលើកឡើងថា៖ បន្ទាប់ពីប្រទេសឡាវនិងវៀតណាមត្រូវបានរំដោះទាំងស្រុងនោះ ភាគីទាំងពីរបានជំរុញទំនាក់ទំនងសហប្រតិបត្តិការឱ្យកាន់តែស៊ីជម្រៅ ហើយសម្រេចបានប្រសិទ្ធភាពខ្ពស់។ បច្ចុប្បន្ននេះ ទំនាក់ទំនងនេះបានក្លាយជាបេតិកភណ្ឌមិនអាចកាត់ថ្លៃបានរបស់ប្រជាជាតិទាំងពីរ ដែលជាក្រិតក្រមអភិវឌ្ឍន៍របស់ប្រជាជាតិទាំងពីរ និងជាកត្តាសម្រេចកំណត់ជោគជ័យក្នុងបុព្វហេតុបដិវត្តន៍នៃប្រទេសឡាវនិងវៀតណាម។ អត្ថបទបានបញ្ជាក់ថា ការចុះហត្ថលេខាលើសន្ធិសញ្ញាមិត្តភាព និងកិច្ចសហប្រតិបត្តិការរវាងប្រទេសទាំងពីរ បានក្លាយជាព្រឹត្តិការណ៍ដែលមានសារៈសំខាន់ជាប្រវត្តិសាស្ត្រ ហើយទំនាក់ទំនងនេះបានក្លាយជាក្រិតក្រមនៃការរស់រានមានជីវិត និងការអភិវឌ្ឍនៃប្រទេសទាំងពីរ និងជាទំនាក់ទំនងកម្រមាននៅក្នុងទំនាក់ទំនងអន្តរជាតិ និងនៅលើពិភពលោក៕

kh.qdnd.vn