នារសៀលថ្ងៃទី៦ ឧសភា នៅទីក្រុងហាណូយ រដ្ឋមន្រ្តីក្រសួងឧស្សាហកម្ម និងពាណិជ្ជកម្មវៀតណាម លោក Nguyen Hong Dien បានជួបពិភាក្សាការងារជាមួយឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំវៀតណាម លោក ចាយ ណាវុធ ដើម្បីជម្រុញកិច្ចសហប្រតិបត្តិការលើវិស័យពាណិជ្ជកម្ម ឧស្សាហកម្ម និងថាមពលរវាងប្រទេសទាំងពីរ។
វៀតណាម - កម្ពុជា៖ ពីសាមគ្គីភាពប្រយុទ្ធប្រឆាំងនឹងការឈ្លានពានរបស់សត្រូវរហូតដល់ការ រួបរួមគ្នាយកឈ្នះលើជំងឺរាតត្បាតសកល Covid-19 |
Khmertimes ៖ ទំនាក់ទំនងជាមិត្តភាព កម្ពុជា-វៀតណាម និងវឌ្ឍភាព |
ទិដ្ឋភាពនៃកិច្ចប្រជុំ (រូបថត៖ vnanet.vn) |
ថ្លែងនៅកិច្ចប្រជុំ លោក Nguyen Hong Dien បានវាយតម្លៃខ្ពស់ចំពោះទំនាក់ទំនងដ៏ល្អប្រសើរដែលអភិវឌ្ឍដោយឥតឈប់ឈរតាមពាក្យស្លោក “អ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិតស្ថិរយូរអង្វែង” រវាងវៀតណាម និងកម្ពុជា។
លោក Nguyen Hong Dien បានចែករំលែកការលំបាកដែលរដ្ឋាភិបាល និងប្រជាជនកម្ពុជាកំពុងជួបប្រទះក្នុងបរិបទដែលជំងឺរាតត្បាត Covid-19 បន្ដមានការវិវឌ្ឍយ៉ាងស្មុគស្មាញ។ លោកជឿជាក់ថា ក្រោមការដឹកនាំរបស់រាជរដ្ឋាភិបាលកម្ពុជា និងការអនុវត្ដដំណោះស្រាយប្រយុទ្ធប្រឆាំងនឹងជំងឺរាតត្បាតរបស់ប្រជាជន ប្រទេសកម្ពុជានឹងទប់ទល់ដោយជោគជ័យនូវជំងឺរាតត្បាត និងស្ដារសេដ្ឋកិច្ចក្រោយជំងឺរាតត្បាត។ ដើម្បីជួយប្រទេសកម្ពុជាក្នុងការទប់ទល់នឹងជំងឺរាតត្បាត Covid-19 លោក Nguyen Hong Dien បានប្រគល់ម៉ាស់ ១០ ពាន់សន្លឹក ជូនស្ថានទូតកម្ពុជាប្រចាំវៀតណាម និងក្រសួងនានារបស់កម្ពុជា។
ទន្ទឹមនឹងនោះ លោករដ្ឋមន្រ្តី និងលោកឯកអគ្គរាជទូតកម្ពុជាបានពិភាក្សាអំពីការពង្រឹងថែមទៀតនូវទំនាក់ទំនងសហប្រតិបត្តិការទ្វេភាគីលើវិស័យពាណិជ្ជកម្ម ឧស្សាហកម្ម និងថាមពល។ ភាគីទាំងពីរបានវាយតម្លៃខ្ពស់ចំពោះការរីកចម្រើននៃទំនាក់ទំនងពាណិជ្ជកម្មរវាងប្រទេសទាំងពីរនៅពេលកន្លងមក។ ក្នុងដំណាក់កាល ២០១០-២០១៩ កំណើននៃទំហំពាណិជ្ជកម្មទ្វេភាគី ទទួលបាន ១៨% ក្នុងមួយឆ្នាំ។ ភាគីទាំងពីរបានឯកភាពជម្រុញថែមទៀតនូវទំនាក់ទំនងសហប្រតិបត្តិការទ្វេភាគីលើវិស័យពាណិជ្ជកម្ម ឧស្សាហកម្ម និងថាមពល។
លោក ឆាយ ណាវុធ ឯកអគ្គរដ្ឋទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំនៅប្រទេសវៀតណាម (ឆ្វេង) និង លោក Nguyen Hong Dien រដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាម។ រូបភាព ក្រសួងពាណិជ្ជកម្មវៀតណាម |
លោក Nguyen Hong Dien បញ្ជាក់ថា ក្រសួងឧស្សាហកម្មនិងពាណិជ្ជកម្មត្រៀមជាស្រេចសហការនិងជួយគាំទ្រស្ថាប័ន និងស្ថានឯកអគ្គរាជទូតកម្ពុជាប្រចាំវៀតណាមក្នុងការជម្រុញកិច្ចសហប្រតិបត្តិការវៀតណាម-កម្ពុជា ឲ្យកាន់តែសម្រេចបានលទ្ធផលវិជ្ជមានថែមទៀតនាពេលខាងមុខ។
ក្នុងឆ្នាំ ២០២០ ពាណិជ្ជកម្មទ្វេភាគីបានកើនឡើងបីដងពីឆ្នាំ ២០១០។ ក្នុងឆ្នាំ ២០១៩ ពាណិជ្ជកម្មសម្រេចបាន ៥,២ ពាន់លានដុល្លារ លើសពីគោលដៅដែលបានកំណត់ ៥ ពាន់លានដុល្លារ។ ក្នុងជំនួបនោះ មន្ត្រីទាំងពីរជឿថា តួលេខនឹងកើនឡើងកាន់តែច្រើននៅពេលអនាគតដល់ខ្លីនេះ។
ភាគីទាំងពីរយល់ស្របរក្សា និងកែលម្អគំរូប្រតិវេទន៍គយនៅច្រកតាមព្រំដែនតាមផ្លូវគោក និង តាមផ្លូវទឹកដែលធានាថា ច្រវ៉ាក់ផ្គត់ផ្គង់នឹងមិនត្រូវរំខាន ជាពិសេសផលិតផលចាំបាច់ ដូចជា ការផ្គត់ផ្គង់បរិក្ខារពេទ្យ និង អាហារ អំឡុងពេលការរីករាលដាល។
នៅពេលជាមួយគ្នានោះ ពួកគេនឹងត្រួតពិនិត្យ កែសម្រួល និងចុះហត្ថលេខាលើឯកសារច្បាប់ទាក់ទងនឹងពាណិជ្ជកម្ម ជាពិសេសកិច្ចព្រមព្រៀងរវាងរដ្ឋាភិបាលទាំងពីរ ដើម្បីបង្កើនពាណិជ្ជកម្មទ្វេភាគីសម្រាប់រយៈពេល ២០២២-២០២៣៕
មតិពីមិត្តអ្នកអាន