ប្រាសាទបាយ័នមានទីតាំងស្ថិតនៅចំកណ្តាលនៃរាជធានីអង្គរធំ។ ប្រាសាទនេះកសាងនៅចុងសតវត្សរ៍ទី ១២ និងដើមសតវត្សរ៍ទី ១៣ ដោយព្រះបាទជ័យវរ្ម័នទី៧។
អាជ្ញាធរជាតិអប្សរា សម្រេចចិត្តបិទទ្វារប្រាសាទទាំងអស់ នៅរមណីយដ្ឋានអង្គរ ក្នុងរយៈពេល ១៤ |
ចម្លាក់ប្រអប់ព្រះហស្ថឆ្វេងព្រះពុទ្ធបដិមាដ៏ធំមួយត្រូវបានប្រទះឃើញក្នុងព្រៃ ក្បែប្រាសាទ បាយ័ន្ត |
អាជ្ញាធរជាតិអប្សរា កំពុងបន្តជួសជុលខឿនរួតទី៣ របស់ប្រាសាទបាយ័ន ។ (រូបថត៖ Akp.gov.khmer) |
លោក ឃាម មុនី មន្ត្រីបច្ចេកទេស នៃអាជ្ញាធរជាតិអប្សរា បានឱ្យដឹងនារសៀលថ្ងៃទី០៨ ខែឧសភា ឆ្នាំ២០២១ថា ក្រុមអ្នកជំនាញ នៃអាជ្ញាធរជាតិអប្សរា ដែលសហការជាមួយស្ថាប័ន JASA ប្រទេសជប៉ុន កំពុងបន្តជួសជុល និងពង្រឹងរចនាសម្ព័ន្ធខឿននៅរួតទី៣ នៃប្រាសាទបាយ័នឡើងវិញ បន្ទាប់ពីពិនិត្យឃើញថា រួតទី៣នេះ មានការទ្រុឌទ្រោម ជាច្រើនកន្លែង ដែលត្រូវទាមទារឱ្យមានការជួសជុល ដើម្បីថែទាំ និងអភិរក្សប្រាសាទបុរាណឱ្យនៅគង់វង្ស។
លោក បញ្ជាក់ ទៀតថា បន្ទាប់ពីរើថ្មភក់ និងថ្មបាយក្រៀមនៅកន្លែងដែលក្រៀក ហែកចេញពីគ្នារួចហើយ អ្នក ជំនាញបានយកទៅរៀបឡើងវិញ តាមលក្ខណ:ដើម និងបានធ្វើតេស្តពិនិត្យ លើគុណភាពដី របស់ គ្រឹះបុរាណ ព្រមទាំងបានរក្សាដីដែលមានគុណភាព យកមកប្រើឡើងវិញផង។
លោក មុនី ពន្យល់ថា ក្រុមការងារបានបុកបង្ហាប់ដីឥដ្ឋ កម្ទេចថ្មបាយក្រៀម ខ្សាច់ ដីដំបូកកណ្តៀរ កំបោរ នៅតាមស្រទាប់នីមួយៗ នៃ រចនាសម្ព័ន្ធ របស់ប្រាសាទ ប្រយោជន៍ដើម្បីឱ្យរួតប្រាសាទ មាន គុណ ភាពអាចទ្រទម្ងន់បានយូរអង្វែង និងបញ្ចៀស ការជ្រាបទឹក ដែលធ្វើឱ្យខូចខាត ដល់គ្រឹះប្រា សា ទ បន្ថែមទៀត។
សូមរំលឹកថា រចនាសម្ព័ន្ធខឿននៅរួតទី៣ នៃប្រាសាទបាយ័ន្ត រងការខូចខាតដោយសារកត្តាជាច្រើនយ៉ាង ដូច ជា កត្តាអាកាសធាតុ ដើមឈើដុះចាក់ប្ញសចូល ជាពិសេសកត្តាទឹកបានហូរច្រោះ ចូលរចនាសម្ព័ន្ធ ដែលនាំ ល្បាយ ខ្សាច់ ហូរចេញ បង្កឱ្យមានបញ្ហានៅតាមជ្រុង និងកែងក្រៀកចេញពីគ្នា ដែលអាចប៉ះពាល់ដល់ខឿន រួតទី៣ ហើយគំរាម កំហែងដល់ សំណង់ប្រាសាទទាំងមូល ៕
មតិពីមិត្តអ្នកអាន