យុគសម័យ - នារសៀលថ្ងៃទី ៧ ឧសភា នៅទីក្រុង Ha Noi លោក ឧត្តមសេនីយ៍ឯក Phan Van Giang សមាជិកការិយាល័យនយោបាយ លេខារនៃគណៈកម្មាធិការយោធាមជ្ឈិម រដ្ឋមន្រ្តីក្រសួងការពារប្រទេសវៀតណាម បានជួបពិភាក្សាជាមួយ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិនៃព្រះរាជាណាចក្រកម្ពុជា តាមរយៈប្រព័ន្ធអ៊ីនធើណិត។
 |
| លោក ឧត្តមសេនីយ៍ឯក Phan Van Giang សមាជិកការិយាល័យនយោបាយ លេខារនៃគណៈកម្មាធិការយោធាមជ្ឈិម រដ្ឋមន្រ្តីក្រសួងការពារប្រទេសវៀតណាម បានអញ្ជើញចូលរួមជួបពិភាក្សាការងារជាមួយ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិនៃព្រះរាជាណាចក្រកម្ពុជា តាមរយៈប្រព័ន្ធអ៊ីនធើណិត ។ (រូបថត៖ VNA) |
សម្តេចពិជ័យសេនា ទៀ បាញ់ រដ្ឋមន្រ្តីក្រសួងការពារជាតិនៃព្រះរាជាណាចក្របានថ្លែងអំណរគុណដល់ក្រសួងការពារប្រទេសវៀតណាមដែលបានជួយដល់អ្នកជំនាញកម្ពុជាទាន់ពេលវេលានិងឧបករណ៍វេជ្ជសាស្រ្តមួយចំនួនសម្រាប់ការប្រយុទ្ធប្រឆាំងនឹងជំងឺកូវីដ ១៩ សម្រាប់ប្រទេសកម្ពុជា នាពេលកន្លងមកនេះ។
សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិនៃព្រះរាជាណាចក្រកម្ពុជា បានជូនពរ លោកឧត្តមសេនីយ៍ឯក Phan Van Giang ដែលត្រូវបានរដ្ឋសភាវៀតណាមតែងតាំងជារដ្ឋមន្រ្តីក្រសួងការពារប្រទេសវៀតណាម។ សម្តេចពិជ័យសេនា ទៀ បាញ់ បានបង្ហាញនូវទំនុកចិត្តថា ក្នុងមុខតំណែងថ្មី លោកឧត្តមសេនីយ៍ឯក Phan Van Giang នឹងបន្តចូលរួមវិភាគទានយ៉ាងសំខាន់ក្នុងការអភិវឌ្ឍកិច្ចសហប្រតិបត្តិការរវាងកងទ័ពនៃប្រទេសទាំងពីរ។
ចំណែកខ្លួនវិញ លោករដ្មន្រ្តី Phan Van Giang បានថ្លែងអំណរគុណចំពោះសម្តេចពិជ័យសេនា ទៀ បាញ់ ដែលបានអញ្ជើញចូលរួមកិច្ចប្រជុំអនឡាញនេះ ចែករំលែកចំពោះការលំបាកដែលប្រជាជនកម្ពុជាត្រូវប្រឈមមុខ ដោយសារការរីករាលដាលនៃជំងឺរាតត្បាតកាច់សាហាវកូវីដ ១៩ ។ ជាមួយគ្នានេះ លោកបានវាយតំលៃខ្ពស់ចំពោះកិច្ចខិតខំប្រឹងប្រែងរបស់កងយោធពលខេមរភូមិន្ទ ក្នុងការជួយរាជរដ្ឋាភិបាល និងប្រជាជនកម្ពុជា ក្នុងការបង្ការនិងទប់ស្កាត់នឹងការឆ្លងជំងឺនេះ ។
លោករដ្ឋមន្រ្តី Phan Van Giang បានបញ្ជាក់ថា តាមសមត្ថភាពរបស់ខ្លួន វៀតណាមតែងតែសម្របសម្រួលជាមួយកម្ពុជា និងខិតខំប្រឹងប្រែងអស់ពីសមត្ថភាព ដើម្បីជួយប្រទេសកម្ពុជាជំនះរាល់ការលំបាកដែលបណ្តាលមកពីការរីករាលដាលនៃជំងឺរាតត្បាត។ ទស្សនៈមិនប្រែប្រួលជានិច្ច របស់បក្ស រដ្ឋ និងកងទ័ពប្រជាជនវៀតណាម គឺ ក្នុងកាលៈទេសៈណាក៏ដោយ ក៏យកចិត្តទុកដាក់យ៉ាងខ្លាំងចំពោះទំនាក់ទំនងភាពជាជិតខាងល្អ មិត្តភាពជាប្រពៃណី និងកិច្ចសហប្រតិបត្តិការគ្រប់ជ្រុងជ្រោយជាមួយកម្ពុជា។ លោករដ្ឋមន្រ្តីបានសម្តែងនូវគោលបំណងថា ក្នុងរយៈពេលខាងមុខនេះ ភាគីទាំងពីរនឹងប្រឹងប្រែងអស់ពីសមត្ថភាព ដើម្បីពង្រឹងកិច្ចសហប្រតិបត្តិការខាងការពារជាតិកាន់តែស៊ីជម្រៅនិងល្អប្រសើរ ការពារជាតិនិងបន្តលោករដ្ឋមន្រ្តី Phan Van Giang បានបង្ហាញបំណងថាក្នុងរយៈពេលខាងមុខនេះ ភាគីទាំងពីរនឹងបន្តខិតខំប្រឹងប្រែងអស់ពីសមត្ថភាព ដើម្បីពង្រឹងកិច្ចសហប្រតិបត្តិការការពារជាតិទ្វេភាគីឱ្យកាន់តែស៊ីជម្រៅ និងបន្តជាសសរស្តម្ភមួយនៃទំនាក់ទំនងវៀតណាម - កម្ពុជា។
 |
| ទិដ្ឋភាពនៃជំនួបនេះ។ (រូបថត៖ VNA) |
នៅក្នុងកិច្ចពិភាក្សានេះ ភាគីទាំងពីរបានវាយតម្លៃថា ចាប់ពីឆ្នាំ ២០២០ រហូតមកទល់បច្ចុប្បន្ននេះ ការផ្ទុះឡើងនៃកូវីដ ១៩ បានជះឥទ្ធិពលយ៉ាងខ្លាំង ទៅលើការអនុវត្តផែនការសហប្រតិបត្តិការរវាងក្រសួងការពារជាតិទាំងពីរ។ ក៏ប៉ុន្តែ ភាគីទាំងពីរបានមានភាពម្ចាស់ការ និងការច្នៃប្រឌិត ដោយរកឃើញនូវទម្រង់សហប្រតិបត្តិការសមស្រប ដែលក្នុងនោះខ្លឹមសារសហប្រតិបត្តិការមួយចំនួនទទួលបានលទ្ធផលជាក់ស្តែង ជាពិសេសក្នុងវិស័យបណ្តុះបណ្តាល ការជួយគាំទ្រគ្នានៅក្នុងការប្រយុទ្ធប្រឆាំងនឹងជំងឺរាតត្បាត Covid-19 និងការការពារព្រំដែន។ ភាគីទាំងពីរបានឯកភាពគ្នាថា ក្នុងរយៈពេលខាងមុខនេះ ជំងឺរាតត្បាតកូវីដ ១៩ អាចនឹងបន្តកើតឡើងយ៉ាងស្មុគស្មាញ ដែលជះឥទ្ធិពលដល់ការអនុវត្តផែនការសហប្រតិបត្តិការដែលបានចុះហត្ថលេខានៅឆ្នាំ ២០២១ ដូច្នេះចាំបាច់ត្រូវមានការផ្លាស់ប្តូរថ្មីនូវទម្រង់ និងវិធីសាស្ត្រអនុវត្ត ឲ្យសមស្របទៅនឹងខ្លឹមសារសហប្រតិបត្តិការជាក់ស្តែង ជាពិសេសលើវិស័យមួយចំនួនដូចជា៖ ការអប់រំនយោបាយសតិអារម្មណ៍ ការរក្សាយន្តការសន្ទនាគោលនយោបាយការពារជាតិ ការបណ្តុះបណ្តាលធនធានមនុស្ស ការបង្កើនកិច្ចសហប្រតិបត្តិការរវាងកម្លាំងគ្រប់គ្រងការពារព្រំដែន ការការពារនិងប្រយុទ្ធប្រឆាំងនឹងឧក្រិដ្ឋកម្មឆ្លងដែន ការរត់ពន្ធ ការជួញដូរគ្រឿងញៀន និងការឆ្លងដែនខុសច្បាប់ ព្រមទាំងជួយគាំទ្រគ្នាទៅវិញទៅមកនៅវេទិកាពហុភាគីដែលភាគីទាំងពីរជាសមាជិក./.
Vietnamplus
មតិពីមិត្តអ្នកអាន